貪多嚼不爛

<大唐雙龍傳>係其中一部我幾鐘意睇既書..(應該睇左6,7次吧~)

依家當然睇得出這部作品的不足之處..

但無可否認的是,這部小說是非常不錯的作品~

黃易先生的幾部作品可是我的favourite呢~

係此書中有一個天才叫做魯妙子..

佢既一番話都令我有一些反思..

 

　徐子陵抵達魯妙子小樓時，這天下第一巧匠正傲立小樓外崖沿處，似在緬懷舊事，臉上露出傷感的神色。

徐小陵來到他身后請安問好，魯妙子像是對寇仲沒有隨他一道來毫不在意，領他進入小樓下層的廳堂，坐好后道："江湖中人雖推崇我為天下第一巧匠，以為我無所不曉，無所不能，這只是一個誤會。"徐子陵衷心道："先生確是小子生平所遇人中，最見多識廣的人，我們依先生指點弄出來的燻魚和香酥脆，便……"

魯妙子打斷他道："可恨這正就是我的缺點，凡事都有興趣，任何事都可惹起好奇心，以有限的生命，去追求無限的知識。假若我能專志武道，雖未必能勝過那妖婦，至少可全身而退，多活上十年八載。"旋又露出一絲笑意道："話又得說回來，若非我博通醫學和食療養生之道，三十年前早該死了，今天亦難和子陵你同席夜話。"徐子陵深切感受到他矛盾的心情，卻找不到可說的話。

魯妙子道："自十二歲離鄉，直到五十歲，我從沒有一刻不是過着流浪的生活，只有不斷的變化和刺激，才使我享受到生命的姿釆。到三十年前慘敗于祝玉妍手上，才安定下來，雖仍不時周游四方，但心境已大不相同，對所學中較感興趣的技藝，特別下功夫深入鑽研，最后竟得到一個意想不到的發現。"徐子陵好奇心大起，忍不住問道："這發現定是非同小可哩！"魯妙子露出一個意味着"連你這淡薄無求的小子也動心了"的會心微笑，卻不直接說出答案，岔往別處道："這三十年來乃能使我醉心鑽研的就只有園林、建築、機關、兵器、曆史、地理和術數七方面的學問。"徐子陵倒抽一口涼氣道："這任何一方面的學問，也可令人窮畢生的精力去鑽研學習，先生卻是兼修並顧，嘿！真教人難以相信。"魯妙子苦笑道："這叫死性不改，但若非我受內傷所累，說不定會專志武道，好和那妖婦來個同歸于盡。"眼中射出緬懷的神色，長長叮出一口氣道："不過園林和建築之學，本非老夫鐘情的物事，只因輸了一槃棋給青雅，才被迫得要履行賭約，為這里建園造林，設計樓閣。"

 

我在想,到底我算唔算同佢一樣?

由小時候開始,我已經對好多事物有興趣..所以好鐘意睇書..

音樂,軍事,歷史,信仰商業,科技,政治..

這幾項可算是我咁多年黎比較花時間的課題..

 

1.音樂:

好細個有學彈琴..不過後來放棄左..

依家又心思思想學番..

 

2.軍事:

中學時開始有興趣留意..無論係古代定近代的軍事發展,都係我既興趣.

軍事史,各樣兵器,戰略思想,等等..我都有涉獵過..

我唔鐘意"讀"物理,但係會為左了解戰機而睇少少流體力學@@

 

3.歷史:

主要留意中國歷史&西方的發展史..

西史:由dark age到依家,都有了解下咁..

中史:先秦到近代,咩都睇下..

呢樣興趣可以話同軍事係twins..

通常係睇一樣,就會睇埋另一樣..

個時好鐘意捉住D老師問長問短..

唔知佢地係咪頂我唔順呢,哈哈~

 

4.信仰:

呢個,冇都唔睇啦,對吧.

個時為左重拾失落了的信仰..

於是開始睇唔同既信仰書籍/聽講座/上課程..

又係跌左入去出唔番黎@@

 

5.商業:

中六個時無啦啦有興趣了解下..

管理學,創業,Marketing,HRM..到依家都係放唔低...

唔知係咪比爸爸影響呢,XD

 

6.科技:

呢個係呢兩年既新興趣..

話說我之前想換電話.於是上左D網站搵資料..

點知睇睇下就...繼續睇落去..@@

主要留意3C產品..即係:電腦（Computer）、通訊（Communication）和消費電子（Consumer Electronic）

 

7.政治:

軍事是政治的延續..

而政治,就係眾人之事..所以點都要知下既..

依家主要留意香港..

都有留意下世界既. 對地緣政治比較有興趣

 

最近不禁在想..是否應該考慮專心在其中一兩項事物上?

莊子說：「吾生也有涯，而知也無涯，以有涯隨無涯，殆矣；而已為知者，殆而已矣。」（內篇‧養生主，第一句）

這個「知」字，書上解作「願望」，上半句譯作白話為：「我們的生命有窮盡，而願望沒有止境，欲以有限的生命元成無限的願望，怎能不疲困呢？」

 

自己涉獵左咁多樣野..

其實都幾難深入研習/理解當中的課題..

例如冷戰史,教義神學,政治制度等..

每一樣都需要花數不盡的時間去了解..

我這個凡夫俗子又豈能在短暫的生命中做到咁多野?

 

我目前既境況應該係: 夠博,但不夠專.

冇錯係咩都知一點..但一面對真正既專家,就會被比下去..

之前我係用時間換取內容..先睇到咁多野..

但係好明顯的係..將來我擁有既時間會開始唔夠用..

唔可以好似以前咁..

但係想睇既野..冇少到,反而仲多左..=.='

 

不過...我應該揀邊樣係專精?

我對樣樣都有興趣..唔想放棄任何一樣..

真係好難下決定呢..

 

Mind map

這幾個星期上緊余牧既生命規劃..(仲有四堂,HEHE)
中間有好多值得反思既事呢..

有一次,我地每個都要根據<三隻小豬>呢個故事寫一個mind map..
起初我心諗..唔係掛..有幾難?
於是手快快咁做左一個..

跟住大家分享下大家既作品..
先了解到好戲在後頭..
有人選擇畫出成個故事..
有人記下事情的起因,經過,結果..
有人分析三隻豬的性格..

Marco個份比較吸引我的注意力..
因為佢係用之前學個D 分析黎做呢個mind map..
我諗都冇諗過可以咁做呢..

我只係用六何+起因,經過,結果+ SWOT + 陰謀論去分析..
(查實,我教學生都係教佢用六何同SWOT做,XD)
正路的思維,加上些少偏鋒,就成了我的mind map..

余牧分享時話呢個practise都幾反映到我地平時係點睇事物..
可多學習從不同的角度去睇一件事..
我即時問左一句: 依家就係好冷靜咁分析姐..咁臨場時點算?
其實這個問題都反映左我的一些想法.
內心與外在的唔協調.. 
亦即係"外表是相當平和的，但卻有著瀕臨爆炸邊際的內心"

我是會好易下判斷的..
當聽人地講心事/吐苦水時..
我常常會好快判斷人地係點..
如果聽到一D我唔鐘意既事,(無聊假設: 一腳踏兩船)
我個下會即時火爆起來..但表面上當然繼續扮冇野..

對我而言,唔係唔知應該保持一個客觀和平理性的態度..
只係一知道/一聽到,判斷就出來了..
唔係每件事都係咁..我知邊D位先係..
今日同katy傾左兩句,講一D事時
又係咁了..
What the hell is going on? <== 呢個就係我既即時反應..
真係睇唔過眼..又覺得無奈..

到底點先可以改到呢D壞習慣 ?
我知呢個係一個我要面對既操練..
學會接受不完美..以忍耐 & 盼望去面對..

===
呢排成日去左聽talk..
聽左D好正既分享..
又打破左我既迷思了.. =.=''
再寫吧~
果然係大把topic可以寫,HAHA

偏心

小時看何紫的書,有一篇叫做<偏心>.
這個故事是講述阿強上常識課時,
老師說給他聽人的心臟是略略偏向左邊,
這樣他才明白人天生是偏心的,
他覺得每人都是偏向女孩,所以把一切的事都推在偏心身上.
(佢D書,真係好好睇..描寫得深入)

回想自己,其實我一向自認為係一個幾偏心既人.
對朋友,對細路,也是如此..

我會諗,點解唔偏心呢?
從來,人都係從不同的choices中選擇..
讀什麼課程,做什麼工作,交什麼朋友..全都係選擇..
偏心,不正是作出選擇嗎?
選擇把注意力/心力傾注在一些人或事上..
博愛,不就是把總量的愛心分散在很多人身上嗎..
除非有S2機關 (呢個係一個我好鐘意講既比喻,XD),
如果唔係點可以做到咁?
當然,有無限量心力的人士不在此限,HAHA

個時做義工,真係會勁錫其中一兩個
諗番起餵泳兒(還是穎怡? 我都唔肯定@@)食野既情境..真係好想見下佢呢..
好似當左佢係女咁,XD
個時有D小朋友唔鐘意佢架,不過我一於少理~
一直好喜歡這群小孩子..雖然他們有時真係激死我..




除左細路..有幾個名字,是如此影響我..
我就是知道,他們(她們)和其他朋友有著不同的地位..
曾經,為左其中一個重視既人同一個好友爭執..
因為我唔想佢比人誤會..
所以忍唔住為佢解釋.
當時那好友同我講左一句: "我覺得你太偏心XXX了,你有冇從我既角度諗下?"
至今,仍記得清清楚楚呢句..

有時會諗,到底有些人值唔值得我偏心..
關係是雙向的,對吧..
如果事實並不是如此,那又該怎麼辦?
唔係話要做什麼一世好友..
不過見到你冇反應,我都會失望吧..
我是否做緊傻仔?
仍未想通呢...
始終,仍有一絲..
盼望

=====
 

原來真係有歌叫偏心..
我的耳朵　只想聽你說話　我的眼睛　容不下一粒沙
我的妒忌　悶的沒有道理　跟隨著你的天氣　　調整我的悲或喜

寫了一年的"週記"

 

考完試之後,多左時間做自己野..

呢排鐘意帶住部電腦週圍走..

Mc Donald,Starbucks, City Lib…全都係我留連既地方..

算係有機會體驗下D blogger既生活係點..XD

(聽聞D人真係坐到邊打到邊呢..)

 

依家就係自己set deadline比自己要寫blog..

以前係學校,是老師要求我地寫週記..

中四個時,中文科陳敏芳老師要求我地每個星期都要寫一篇週記..

唔比限制我地,寫咩都得..鐘意寫幾多就寫幾多..

 

當時既我決定寫一篇有排都寫唔完既"週記" -- 用一年時間寫一個題目.

題目為 : 中國威脅論

為左寫好呢個題目.我每個週末起碼要用2-3個鐘去搵資料同落筆..

個時我寫左幾個分題目..唔係好記得嚕..

以下係其中一些:

• 中國海陸空三軍軍力分析
• 中國週邊形勢

依家回想番,真係汗顏..

點解我會寫D咁既題目..@@

應該係之前睇緊相關的軍事書 & 雜誌吧..

依家你叫我再寫,我一定會淆底..

 

就係咁,我就用左一年既時間寫呢個題目.

不過,我寫到學期完都未寫完  @@

最後,好似不用交週記了,

我也冇繼續寫埋佢了..

 

其實我好想睇番自己點寫的,

不過,我唔見左本週記..   T_T

之前想拎番出黎睇..

但係已經搵唔番..

 

記低係度,係想留下一些記錄..

寫下自己既諗法,以前發生既事,咩都好,,

第時老左,都可以睇番嘛,XD

 

=========

除左呢件事之外,仲想記低另一件有關寫作的小事~

第一件係, Winnie Kwok 既長篇作文..

個時就黎畢業,有一份功課要做..

個時佢交左42張原稿紙..

我用左成堂數學堂睇佢份大作..@@

 

在同齡人中,我最欣賞他的文字..他的文筆實在太強了..

無論用字,架構..全都係一流既水準..

個時佢仲試過寫出一篇令同學當眾落淚的大作,勁吧~~

誰與爭鋒? 這些才是無敵手..

==========

 

==========

 

RE benson:

這是一件好難的事呢..

下次re u 可以分享下既~~

 

RE bear:

突然想起我?! 不是吧@@

你講得岩..不過件事有D複雜..

唔係話講就講..

都要揀人講吧..

 

你依家會長做?我依家在摩天大樓渴求自由,XD

下次你可以用名稱/網址個度寫自己個名架~

不可說

上次提過在我心中有一條線..
好多時寫blog時都會就住就住..

是咁的,好多時我想記下的,
大多是我身邊的事..與唔同既人相處所經歷既事..
或許是食左一餐好正既飯.
或許是有一段好深刻的交談,
我會很想將它記下來..
只是,有些原因令我不敢記下一些想法/感受..

第一,我被歷史嚇怕了..
歷史係由人寫成..
通常係由當權者(亦即係勝利者)去決定..
個個都會話秦始皇勞師動眾,係一個壞的皇帝
點解?就係因為史書咁樣寫,我地咪咁信囉..對吧?

在blog的世界,也是如此..
我們可以經歷同一件事,卻有不用的看法與感受..
可能係因為位置不同,性格不同等等..
導致人們得出截然不同的結論..

即係話,我看到的,未必係事實的全部..
如果我記下我的看法,會發生什麼事?
可能係錯的記載會流傳..
又或者其他未知的後果..

其實,呢個都唔係主因..
如果我錯,有一位兄台係會對付我的..HAHA
所以我唔多怕..
(其實我好開心佢肯話我,
有時我未必真係做錯..但佢的確提醒左我..
有這樣的同行者真好阿~)

第二,係我不敢說..
我係一個看價值觀很重的人..
我會盡力持守那些我所信奉的價值 & 理念..
我亦會用我的眼光去看待人與事..

對於一些事,我是很有感覺的..
我對一些"普世價值"有極巨大的執著..
(例如負責任,有信用,等等..)
唔好同我講"國情"唔同...
有兩個可能性,
一係我係外星人,我黎錯左地球..
住係火星個班係怪人,諗埋D古古怪怪既思想 & 價值..
一係你係動物農莊入面既拿破崙,
認為"所有動物生來平等，但有些動物比其牠動物更平等。"

有時見到一D野,真係睇唔過眼..
鹿可以變為馬..
做錯野可以用"敏感度不足"黎解釋.
我真係會好唔gur..(有時仲要影響埋我 ! )
到底係人心狡詐沒法改變,還是德育教育的全盤失敗?
(想到未來的國民教育,我真係滿有盼望阿~
在未來,小孩子全都可以在學校學習到什麼是口不對心..)
到底我正生活係一個點樣既時代?

難怪有以下的一番說話..
There is not one who does righteousness;
Not one who has the knowledge of what is right,
not one who is a search after God;
They have all gone out of the way, there is no profit in any of them;
there is not one who does good, not so much as one.
(羅3:10-12)

不顧後果,只有真我?
死士最適合行呢套..
一擊必殺,不過係殺自己...
係呢個世界,當然係做一個和和氣氣既人啦.
唔好得罪人,好黎好去..
咁就平平穩穩,唔會出事..
嘻嘻哈哈咁又一世..大家都好好朋友..
又可以講下電視做緊咩..可以傾下個個藝人有D咩花邊新聞...
我們在這裡真好!  對嗎?

狐狸先生,係一個我幾欣賞既人..
雖然同佢相處既時間唔多..
但佢做過幾件事是我非常難忘的..
佢講野真係唔怕"得罪"別人..
佢會講佢認為岩既野..聽唔入耳係你既事..
佢唔係要掌聲,而係做佢應該做/講既野..

比起他,我就差得遠了..
Say true words in love?
咪搞我..我係張伯倫既朋友,一心以為綏靖政策會有用..
講左會帶黎D咩壞既後果就無謂啦..係咪?
"過分的謹慎,過多的謀劃,卻缺乏當機立斷的勇氣與信心,此大不足."
(我已經唔係第一次用呢句句子了..可知呢句野幾影響我..)
爆Seed ,你估咁易咩..(上次我真心覺得自己好勇敢..勁過羅德里亞騎兵..)


上次係面書打左一些類似既說話,有幾個留言比左好好既提醒我..
所以要記在這裡~~
(再一次,有人又被kill了@@ 因為我,他們做了擋箭牌..)

• 若果我們明白他不遵守的原因, 我們對軟弱的肢體的愛會多一點? 若我們不明白的話, 愛他們會少一點? 那麼, 明白他們與否成為我們實踐愛的攔阻, 不再是他們的軟弱本身, 反而問題似是我自己了? 我們之所以為組長, 其中一個原因是我們比他們多像一點耶穌, 換轉是主, 祂會怎樣做呢?
  我相信牧養方法千轉萬種, 一定有幾套是可以幫到你, 但行使這些方法前, 靜候恩主, 處理好自己生命/情緒/焦點, 令你要使用的方法更讓人感到主的帶領。講容易, 做就難, 多練習吧~ 互勉!

• 有時神會讓你在禱告守望中知道別人的一些事, 可能是他經歷的一些痛苦或是掙扎甚至是罪, 但這不等於神要你去開口提醒警惕那位肢體, 因為在神眼中可能你說出來也不是好的做法, 只管為他禱告, 在禱告中記念, 在有需要的時候, 神會叫你說的." :) 或許我們都可以參考這個做法丫~~~ 有時我都會反省到... 我口口聲聲說我是為人好, 但事實我放了幾多時間為他們禱告呢, 又好像並不多... 真是要多緊貼神啊!

• 言詞間感覺到你有一絲憤怒~?(也許我看錯=)
  為你禱告!盼望你能從耶穌身上學懂在你著緊的組員中，正面表達自己、也聆聽到他們的情況=)
  辛苦了!別放棄啊~~~~^^

今年我學緊祈禱呢.. (我想用兩年時間改變下呢..)
為自己,為別人祈..
其實真係可以從勁多角度祈..
只係我keep唔到日日做><
心態上,應該比上年好多了吧..
不過,還是不太行..
有時都會想問,天父比呢個感動,會唔會太睇得起我@@
(呢件,都係下次先打..  )

在呢度嘮叨左咁耐,真係罪過..
上個星期.天父同我講左兩句說話,我當堂冇聲出..

"不愛他所看見的弟兄，就不能愛沒有看見的神"(約一4:20)
"你不是說要為我做更大的事嗎? 做好呢件先吧."

愛,真的不容易..
所以呢..我還是退到曠野去禱告吧...
有D事唔係講完就有改變..係要行動..
既然應承左神,我冇理由唔做姐..

我講過,我唔要做一個只說不做的人..
我一定會係站在最前線既其中一個..
叫人去搏命,自己卻站在背後個D叫政客..(例如:特尼留西特)
叫人去搏命之前,自己首先衝上去,才是我的信條.
因為,以前他們也是如此行..
======================

======================
RE winki
thx!!  ^^

RE 匿名:
你係邊個?
多謝你留左咁長既comment比我~
有比承諾的心意係好..
但亦要諗有冇實行的能力..
這亦是我所思索的地方..

(轉貼) 信仰問題 by 陳到

 

我一向有睇開一個blog,叫做有種美德叫有種.

岩岩見到一個幾有趣既問答..

特記低

===================

巨龍出左條link問我D信仰問題，其實係高登人的信仰問題，我先post出來。

1. 原罪。

唔知教徒有冇聽過沸水故事?

大意係

「你有個1歲大既仔，有日佢係房玩緊

然後你放盆滾水係佢面前，叫佢唔好拎黎玩，否則就會死

問題係，仔仔有冇能力判斷咩叫死? 咩叫後果?

而當你轉個頭返去見到個仔已經俾滾水整傷(純潔心被污染)

你心痛，但係你做既係發怒，將個仔既手指斬落黎(生育勞動之苦)，避免佢再唔聽話

另外你會怕佢識得去搵藥水紗布(生命樹果)去治療自己

所以你趕走左佢，要佢離開呢個家

再請埋保安看管」

好多人都話偷吃禁果係人既錯

但神係咪責無旁貸? 點解害完自己個仔仲可以理直氣壯要求大家愛佢? 將責任推晒落個仔身上?

陳到說：用沸水故事來理解亞當和夏娃的犯罪事件，是相當不嚴謹的比喻。在禁果故事中，我們相信亞當和夏娃在聽到禁果命令的時候，不是嬰孩。而且，嬰孩去碰沸水是出於好奇，但當蛇去引誘夏娃的時候，夏娃和阿當似乎不是因為好奇去食禁果。蛇和夏娃的對，佐證了了亞當和夏娃是有判斷能力的。另外，沸水比喻的另一個誤解是對於懲罰的理解。沸水比喻認為亞當夏娃在犯錯後，是上帝額外加懲罰（斬手指），實情是，吃禁果的後果，早已經「設定」好。即好像一個人由高處墮下，其結果是物理法則決定的。我於先話俾你知跳樓會跌斷腳，然後在你跌斷o左腳之後同你講。那算是我「懲罰」你嗎？相信整套沸水比喻的人，覺得神要好像一個過份保護的家長一樣，樣人類在一個無菌無害無意外的世界，才算是愛他。過份保護的家長會生出甚麼小孩？就是所謂的「港孩」。

2. 神對每種生命既重視程度。

我想問下原袓食完禁果之後，牙齒、身體消化系統有冇作出改變? 改變到可以食肉? 定係一開始就被設計成為食肉動物?

理論上，人係食禁果之前唔會有死亡，如果呢個理論成立，我有個問題想請教

既然唔會死亡，咁原袓食肉既目的只係純粹為左乜野? 享受殺戮動物既快感? 享受屍體既味道?

畢竟每種動物都係一條生命，會有肉體上既痛苦，亦有情感，貓狗亦會對失去兒女感到傷心

原袓每次食肉，帶黎既係對其他生命既痛苦

神設計原袓既食肉系統，原意係乜?

神到底視生命有幾珍貴?

若閣下不是素食者，請閉口；若閣下茹素，我則直接答你基督教不是佛教，基督教殺生。若按閣下的邏輯推論，那麼神愛眾生，眾生不應死亡，對不？食肉也好，食菜也好，都是為了生存。和神視生命有多珍貴，拉不上關係。

3. 冷血與暴虐。

呢個問題其實好多人都問到爛，但始終都冇乜答案，都順便問埋啦。

舊約入面神有好多對異見者，同埋佢視為邪惡既人

作出既懲罰，但同時有對佢地身邊無辜者既懲罰

點解神要殺死無辜既嬰孩、兒童、婦孺，即使係男人，係神所屠既人入面，係咪真係完全冇係罪不致死?

神係每次在地上動刀既時侯，到底有冇諗過有幾多無辜者牽涉在內?

所謂罪惡，同性戀既罪又係咪真係比起，為左保著權貴訪客，推兩個處女女兒出去俾人輪姦既罪嚴重?

少數人對神有異見，就下瘟疫屠殺二萬幾人，慈愛?

再者，所謂犯罪，神除左屠殺就真係冇其他方法去紏正人?

全知全能，就這種程度?

神既標準到底係點?

呢個我答唔到。我答到，你都唔會服。我只能說，我今日活著，是僥倖。全知全能，同要達到閣下的標準，是兩回事。達到你覺得係好好既標準，係咪就等如「神既標準」呢？哈，那麼，誰是神？

4. 教育與顯現。

係神既多次屠殺入面都提到人犯左重罪。問題係，係人已經錯到不可挽救之前

神做左乜野? 有幾多次，神唔依靠使者，而係親自顯現向人說教?

呢個我要補充一下，神是有親自顯現的。所謂「天使」，其實很大可能，是神親自的顯示。另外，若細心留意，但凡審判，都是先警告的。

基督徒會認為人同神唔係平等，唔可以向神追討責任。

同樣地，神點會唔明白地位高低既重要性?

神派少數幾位說服力不足既人去說服萬民，就好似你係小學生果時

其他同學仔向你說教比較有說服力，定係老師親自向你說教更有力?

睇手冊最有力。你本手冊呢，同學？

因為神又想人跟從佢既處世指引，但自己想玩神秘

again, 你本手冊呢，同學？

但人性對平等地位既人果種不服從性，令到神得唔到足夠既自滿感覺

就痛下殺手，人仲要向神認錯，到底係誰荒謬?

好老實講，只要每個人一出生，都接受神既親自教育

咁樣人亦可以自由選擇佢往後要走既路

似乎，閣下期望的，是一個人一出世就有一段youtube片話俾你知人生呢，應該點點點。你自己聽落覺唔覺得好好笑。另外，如果你相信人有良心，那麼良心就是你所謂的「神既親自教育」。但是，你的良心呢？

而唔係靠一班凡人去說神的教育

呢個世界就已經可以變得好美好，好多既屠殺事件已經唔存在

我成日都講，要我信耶穌、信耶和華

真係一d都唔難，只要俾我好似使徒行傳入面兩隻禁卒咁

視眼目睹神績都已經好足夠

「神蹟」，先糾正一下。神蹟，我祝你睇到啦。但唔好話我唔warn你，聖經咁講：「猶太人是要神蹟，希臘人是求智慧，我們卻是傳釘十字架的基督，在猶太人為絆腳石，在外邦人為愚拙；但在那蒙召的，無論是猶太人、希臘人，基督總為上帝的能力，上帝的智慧。」林前1:22-24

雨中所下的決定

我都唔知係咪應該記下呢一段..太難以開口了吧..

昨天,一直訓唔著..
外面不斷下諸雨,
我的心,一直沒法子靜下來.
 
一直同神傾緊一個issue..(快九個月了.. ^~^ )
我等緊佢比回覆我..
昨晚,忍唔住再同佢講..
我發現,我開始有一個初步的答案了..
 
這幾個星期,我以為會淡出..
點知,根本就冇..
有些東西,早已深深刻劃在心中..
可能我沒有為意,但它確實存在..
不能說磨滅就能磨滅..

同天父傾時,我哭了..
再一次為這事而哭..
中間實在有太多的掙扎,太多的思慮..
我問左神一個問題: 我可以嗎?
終於敢問了..因為我知道了第一條的答案.


前路仍很漫長,我真的不知道未來會怎樣..
不過起碼我認清了此刻自己的心到底是怎樣..
結果係點,我沒辦法控制..不過: 敗亦無悔!

溝通:本末倒置?!

 

別人常說關係出現問題的起因係由於兩個人之間缺乏足夠的溝通..

我一直都信呢個想法..

尋日睇書,作者提出左另一個見解.

 

他說,爭執未必係因為溝通/了解不足而導致.

不當的溝通反而先係問題..

例如在唔適當的語氣,時間,地點傾..呢D都會導致溝通失敗.

有些人總會在不當的timing挑起戰事,

那事情就一發不可收拾了..

 

他仲提及,好多時是其中一方明知故犯,

故意藉一些言行去傷害地方.

他們不是不知道別人的死穴在哪裡,

而是有心去掂呢D死穴.

 

與其說是溝通不足,倒不如話係對別人的愛不足..

冇足夠的關懷及敏感. 只是考慮自己的觀點/利益.

缺乏愛係根本問題,而唔夠溝通只係係顯露出黎既徵狀..

只談溝通只係本末倒置.

溝通只是發現問題和尋找解決之道的一個手段,卻不是對問題的直接解決

(不過,佢都冇提點先係直接解決@@ 我猜是重拾愛心吧..)

 

因為呢番話,令我想起一些事..

是咁的,在我心中有一條刺,就係點解會變成咁.

(佛曰,不可說...  )

表面上的原因有好多,好忙,唔記得左..等等..

事實上,到底呢D又係咪根本原因呢?

 

我是不信的..一直以來都不信.

我相信可能與某些本質上的事有關,也不信是這些原因..

因為這些全都站不住腳..

我會想,何不坦誠早已失掉,又或根本沒擁有過那斧頭?

(這個07年的典故,應該冇咩人記得吧,..)

 

諗番作者的說話,我當堂歎氣了..

因為我一直倒果為因..

我以為的原因,根本就係枝節..

當發現自己超錯個一刻..

那種感覺真係......

 

我一直有個衝動,就係不顧一切咁爆seed..

整獲甘既.. 一戰定天下..

只係..我一直冇做到..

有自己的心魔,也有別的顧慮..

暫時惟有學下點摔跤..因為我不願看到這樣的情況繼續..

 

下次講下咩係不可說吧~

這是一個自我設下的限制呢.

blogger大多不說自己的事..我明點解了..

不過,我都係會繼續寫的..

唔知到幾時,我會好像他一樣有以下的感慨呢.　

老實說,我是有類似既恐懼的..

 

節錄如下：

近日感到「不顧後果，只有真我」的寫blog精神，不斷受到挑戰，即使是Facebook，也不想多發表什麼東西，除了好些無關痛癢，人人贊好的有趣照片外。

我總感到這是一種墮落。

先談Facebook。想在status放上什麼新穎見解，甚至只是share一些東西，都會感到有所顧慮。六百多個「朋友」，有大有細，有生有熟，真不知別人會什麼想我。

當我不再講真我，而只再顧後果，為要叫人活得更安樂，我就感到自己做了三次不認主的彼得了。

 

===============

新發現,原來我部iPod有呢首幾好聽既歌XD

 

================

RE bc;

多謝你會睇我打既野~不過我覺得自己打得好差@@

你要成為值得人愛既愛人阿~~HEHE

對愛情的一些想法

我屋企個wifi壞左兩日,搞到我雞毛鴨血..><
岩岩終於整番好..

昨夜和朋友談起在感情中會遇到的難關..
那番對話,也反映了一些我對愛情的想法..
所以想記下來...
 
相愛,可以說是一個過程,一個彼此學習遷就的過程.
記得以前有人講過,呢個世界唔止一個人適合你..
但你只會與其中一個相愛..
即係話,人們只係在那個timing同其中一個適合既人係埋一齊..
在愛情中,不是要尋找最好的一位,是成為最合適的一位.
要強求,下場只會係 --- 尋尋覓覓,冷冷清清,悽悽慘慘戚戚...
 
冇人一開始就識做一個好情人,但可在過程中學點做..
相處的過程中好易會有衝突..
彼此會在這過程中更了解雙方的心意..
更知道自己應該點係段關係度投入/點position自己.
透過不斷Trial and error,先會知道應該點走下去..
 
承諾,凌駕在性格之上.
許下了愛情的承諾,即表示無論任何情況下,立約者也會完成誓言..
要用全心全靈去愛自己的伴侶..
 
不是人天生能夠做到,而是應該要做到..
無論本身的性格係點,都要放下自己的一些執著..
只有激情&親密的愛,並不能長久.
 
其實以上所說的全是廢話,我真正想說的是:
 
在現階段,我仍然不太相信愛是永恆
你願意相當一個廿歲既人所比既長遠承諾嗎?
佢講既野有何信用可言?
一個廿歲既人話愛你一生一世,你不覺得好冇說服力嗎..
我真係會覺得我連自己都說服唔到自己..
永恆這兩個字,實在太沉重了..
或者要十年後,我才可能有信心說這話吧.. ^~^
 
如果有一天我真係鐘意一個人的話,
我想我會說一番比較冇咁sweet既示愛宣言吧..
違心之言,實在說不出口..
"冇左你我會死"之類既話應該唔會出現係我把口的了~~
 

 
 
昨天在網上看到,特在此轉貼:

****
柏拉圖問蘇格拉底什麼是愛情。蘇格拉底叫柏拉圖走進麥田，摘一條你認為最大最金黃的麥穗回來，條件是不可以回頭，而且只可以摘一次。
於是柏拉圖走進麥田，但他回來之後卻兩手空空，蘇格拉底問他為什麼。
柏拉圖說, 我本來看到一些滿好的，但卻擔心接下來會有更好的，所以便沒有摘，但走著走著卻又好像沒有比剛才更好的，可是又不能回頭，所以...便什麼都摘不到，兩手空空回來了...
蘇格拉底笑了，跟柏拉圖說，這就是愛情。
****

柏拉圖又問，那婚姻，又是什麼？
這次蘇格拉底請柏拉圖去到樹林，請柏拉圖砍一棵認為最結實的樹回來，條件和上次一樣，不能回頭，而且只能砍一次。
於是柏拉圖進去了，而且很快便走出來了。
柏拉圖帶回一棵不算粗壯，但也不錯的樹，他很得意洋洋的站在蘇格拉底面前。
蘇格拉底於是問，為什麼這麼快便回來了？你沒有走到盡頭嗎？
柏拉圖搖頭，說：「進入了樹林沒多久，就看見了幾棵很不錯的樹，汲取上次的經驗，我便立即去砍，不再等待了，儘管往後有更好的，但有樹在手，總比兩手空空好吧？」
蘇格拉底聽了，望向樹林。
然後說，這就是婚姻。
柏拉圖無言。
****

柏拉圖再問，那，幸福又是什麼？
這次蘇格拉底請他去到田野，去摘一朵他認為最美麗的花回來。
規矩仍是不能回頭，只能摘一次。
柏拉圖進去後，比上次的時間，逗留得久了一點，但並不比第一次久。
就捧著一朵尚算美麗的花回來。
蘇格拉底於是問，這是最美麗的花了嗎?
柏拉圖說，我進去不久，便摘下這朵花了。
我沒有再想之後有沒有比它更美麗的，也叫自己不要比較。總之我認定它是最美麗的，它就是最美麗的了。也許之後有更美麗的，但我相信，手裏這朵花，已是最美麗的了。
蘇格拉底說，這就是幸福。
****

走過Asso的日子

"Some people were supposed to walk into your life, teach you a lesson, and then walk away"

原來keep住每日寫blog都真係唔容易呢..
真的很佩服幾位素未謀面的網友~
竟然可以日日新款,天天不同咁寫blog..

副學士的兩年生活終於在上星期完結..
就打番少少野記低呢段日子的經歷吧~

兩年,不算很長,發生的事卻很多.
自零九年，我向神扭計扭左足足兩年。
我好怕唔知前路係點，我唔敢信靠佢...
點知，佢竟然真係用足兩年答我祂的心意係點。
一次,我可以說是碰巧；第二次,我可以話係這個機會是我的。
第三、第四、第五次又如何？我再搵唔到借口了。
（不過，直到依家，我仲係唔多清楚我要做咩...只有一點點提示@@）
 

求你使虛假和謊言遠離我；使我也不貧窮也不富足；
賜給我需用的飲食，恐怕我飽足不認你，說：耶和華是誰呢？
又恐怕我貧窮就偷竊，以致褻瀆我上帝的名。 （箴言30：8-9）

 
看到這段經文，我無言了。
我沒有拼命搵工做，祂卻使我每個月有充足的駛費，
甚至可做一些自己想做的事。
我知道，這是我白白得來的;不是我配得，但我卻得到這些好處。
 
我一直想不明白，其實天父想我點...
在Asso呢兩年黎，都經歷左幾多改變。
試過靠把口搵食、嘗試做一個反常的補習老師.
能講授自己喜歡的事，還能賺得生計，真爽~
 
墮入了進入一個無比廣闊的網絡世界，親自感受什麼是百家爭鳴。
在不同的範疇中，信仰、政治、科技、商界…發掘世界的奇妙。
看多了各樣的資料，更了解自己的不足。
 
講左咁多,都要講下呢兩年係學校做過D咩~
總括而言，我係幾鐘意我讀既大部分科目的。
有少少都係我以前學過，所以都有D底氣，XD
 
只係Year 1 Sem B　我遇到了大麻煩。
當時既天氣好差，反反覆覆咁…
我就成日病到傻…
個陣係超頹的日子，因為成個人根本Function唔到。
自己又唔識做人，冇同Teammate交代..只係一味逃避..
自討苦吃..
個時成個人真係冇晒動力..被打殘了.
我會想,如果身體冇事,結果會否不一樣?
 
至於其餘個三個Sem，深刻既事唔係冇，不過又唔係樣樣都值得記低..
特別想講呢幾樣:
1)做演員真係好難!點解D人可以咁勁咁入戲架??第一次參演，好得搞笑野～
2)我覺得自己present勁左！比以前好太多了～～
3)原來我真係好叻吹水（＠present），我可以吹勁耐都唔會冇野講，ＸＤ
4)好鐘意玩critique~講到人地Ｄ錯處出黎個下真係好爽～
 
 
在此要感謝兩個人。
多謝BC一直以來同我並肩作戰..
有好多野都係佢一力承擔..present,assignment,etc…
好多時做到好攰,真係想放棄，
慶幸有佢陪我一齊捱..
多謝你既信任，如果唔係我呢一年真係唔知點過..
（你明白就好～～）
我地係好拍檔~HEHE

仲有Bear，如果早Ｄ識你就好啦...
都要多謝你，會係我冇咩心機時幫拖...
好難忘一齊做左好多次好搞笑既present~XD
好高興你會同我分享你既野!

呢兩年學左一Ｄ課堂外既野..
係呢個世界，主動真係好重要。你唔爭取，機會就會比左第二個人。
另一方面係，出外真係只能靠朋友。one man team係唔會有好下場...
仲有一樣，有Ｄ人你未必鐘意，不過都要對佢nice D，因為有一日你可能發覺你需要佢既幫忙。（呢個唔係經歷，係最近的想法）

如果要打的話，其實仲可以打好多..
圖書館、飯堂、爆房、上堂......
呢Ｄ都係難以忘懷的回憶。
成績雖然唔係好，不過我知道，這兩年冇白過。
因為我比以往變得更成熟。
或者遲Ｄ再講多少少在City既經歷吧～～

＝＝＝＝＝＝＝＝＝＝＝＝＝＝＝＝＝＝＝＝

抬頭吧 相信愛你便能飛
敢交出你會創出傳奇
變幻人生是避無可避
卻沒人可驅使愛別離

抬頭吧 黑暗過會是晨曦
懷著樂觀總有轉機
今天珍惜今天 逢凝望我心所愛的你
我已彷彿會飛

＝＝＝＝＝＝＝＝＝＝＝＝＝＝＝
RE winki
原來你都咁勁~~
上堂仲睇blog?! 哼!
我買左D野比你~HAHA

閱讀即吾之生命

識我既人應該知道閱讀係我既最大興趣~
點解叫閱讀而唔叫睇書?
因為依家唔一定要係書中獲得內容了..
有很多不同的途徑..話唔定遲D唔會再有實體書添..

講起閱讀,不得不提兩個人..
一個係我媽咪,一個係我小學班主任Miss Chow.
媽咪係我好細個時已經帶我去圖書館睇圖書,
如果唔係佢.我都唔會接觸到呢個世界..
至於Miss Chow,佢係我小四時鼓勵我們看多點書,
特登預備左一個私人書櫃,比我地班自由借書..
我就係那堆書中搵到好多正野~XD

小學時已常看歷史書 & 人物傳記..
唔知點解特別有興趣..
之後開始睇何紫&金庸既作品..
佢地既作品讓我這個小學生有機會接觸多一點外面既世界..
(有野樣我好自豪,就係我小學時已睇晒所有金庸既作品~ HAHA)

中學入左銀禧, 開始睇多左唔同類型既書..
那時我可是圖書館的常客呢~
個時特別鐘意睇同軍事有關既書..
西洋世界軍事史, 史上四大名將系列等等,全都係我既favourite~
(我個時每年都會重睇一次亞歷山大的將道~ HEHE  太喜歡他了.)
個時我仲開始左睇軍事雜誌--軍事家.
呢個係一本台灣出既雜誌,有好多精彩的評論.
我由中三買到依家呢~
除左軍事知識,我都有睇..軍事小說~
Tom Clancy 的作品真係正到爆炸,
令我係小說既世界中了解更多國際政治與及軍事的知識.

除左軍事,個時我都對有關信仰 & 心靈的書有興趣..
都會借番D黎睇,學下野咁..
不過當然冇對軍事咁有興趣呢~
反而大個左之後,對呢兩個範疇反而有更大的興趣..

後來離開左銀禧去左NDC..
那時我也想在學校的圖書館hea呢~
那時開始看一些和商業有關的書..
當時Business study既唐Sir成日鼓勵我睇多D,
所以我個時煲左好多本相關既書~

寫到呢度,都有D野要講番..
其實我一直都有涉獵其他類型既書,
例如政治,愛情,散文,歷史小說,考古等等..
當時我係抱住應該見識下唔同既野的心態睇既..
揀左一D唔同範疇既書睇左幾本咁..
雖然這些並不是主菜..這些書也讓我大開眼界呢~
或許在將來,會再看多一點這些書也說不定~

除左有關某學科/課題既書,
我都好鐘意睇小說..特別係武俠小說,科幻小說&玄幻小說~
邊荒傳說,銀河英雄傳說,龍槍編年史等等..
全都係我好鐘意既作品~
一路睇主角既經歷,我好似都參與在其中咁~
由細到大,我都係咁鐘意睇小說,直到現在~
我依家主要煲大陸既網上小說~XD

到讀副學士呢兩年,我睇少左好多書..
呢個係我從aNobii既個人紀錄中句print screen出黎的..
(參考: aNobii網路書櫃試用小心得)
呢度記低左我由中學到依家大部分既閱讀紀錄..
(其實係不完全版@@ 因為冇左大部分中四之前既record..
細個冇記低睇過咩書..失策  ><)

中學時我睇書都幾瘋狂..
個陣真係會一日睇一本..
呢兩年,真係睇少左好多..

唔係我唔再鐘意閱讀..
而係閱讀既習慣唔再同以前一樣..
我依家主要透過網絡去閱讀不同的資訊~
我用RSS reader把不同網站的最新消息，統一訂閱到自己的google reader中,
咁就唔駛日日click去個D網站睇佢有冇update~

呢個就係我既rss了~
我會睇好多唔同類型既blog & website..
例如教育,時事,科技,信仰,創業等..
我接觸既資訊比以前多左唔知幾多倍..
呢個亦都係點解會睇少左書既原因..
以前會帶住本書睇..
依家?一部iPod touch就有幾十本書係入面...
多到睇唔晒~~

閱讀,真的對我好重要..
以後可能得番電子書,
可能全部人對住個mon睇野..
不過,我都會仍然咁鐘意閱讀~~
=======================

===============
RE winki:
抽獎點賺錢??唔明~~

導遊

 

昨天寫了中學時做生意的經歷,

意猶未盡,想講下我的另一項經歷---做導遊.XD

 

中四時,我加入了銀禧的Guidance prefect,

即係"大哥哥大姐姐計劃"~

目的係幫忙新入學既新生儘快適應學校的生活.

當時唔知點解,就走左去報名..@@

 

成功入圍之後,第一個任務就係做導遊,

帶班新生參觀拓建後的新校園.

問題係,連我地班舊生都唔知D新既房有咩用..

(暑假就黎完先起好個新校舍,邊有人會暑假返學的@@)

為左完成任務,我同我個朋友就膽粗粗咁帶住佢地週圍遊覽,

見識下第時佢地讀書的環境了..

 

個時真係勁緊張,對住十幾個新生..

完全唔知應該點做orientation..

一路帶佢地行,一路就係咁吹水,

根據字面解釋比佢地知D房有咩用途..

講個時勁怕有人問我野,因為我都未必識..

好彩最好順利完成姐~

依家諗番起都覺得好笑,

因為當時的我完全係亂咁黎..

 

除左做導遊之外,其實我都有搞過活動架~

(每team 人要輪流帶活動)

個陣時我搞左個校園定向..

點知個過程勁失敗><

因為我預備既材料比校工毀滅晒  T_T

諗起都汗顏..

 

如果唔係做Guidance prefect, 我既人生一定會失色不少..

我就係在那段日子認識了好影響我的一個人..

要不是她,我以後的成長絕對會有所不同..

這個,又是另一個故事了.

--------------

呢兩年先聽返呢首歌@@

頭幾句旋律完全殺晒~~

----

RE BC:

估唔到你仲勁過我~XD

第時有冇考慮下做生意人先~

商業頭腦

今天和媽咪行超級市場,
講起以前既事..
無啦啦諗起係銀禧既一D往事..

話說以前我地好鐘意食一種叫媽咪麵既零食
依家諗番都好懷念~~
就係呢個了~~

我地差唔多半班同學都買黎食,都算幾hit的~
係學校買,要$2.5

個時我屋企附近有一間零食店係有賣媽咪麵的,仲要平D添( $1.5)
於是我就諗,不如我拎番學校賣丫,咁咪可以賺少少$囉~
橫掂自己都要食(個時成日食@@)
咁買多D,咪順手做下生意囉,

就係咁,我就開始左我人生既第一盤生意..
我用$2賣比D同學,net profit係$0.5 一包..
當時都有人搵我買架~
所以都賺到少少$..
不過,我好似拎晒黎買野食@@

個時我有諗過擴大業務..
我見當時個個都鐘意飲朱古力奶,
我有考慮過去學校附近既超級市場買D拎番班房賣..
唔知點解,呢個計劃最後冇實現到..
可能係因為覺得太重吧..忘記了><

依家諗番,都覺得自己好勁,
竟然咁細個就開始做生意..XD
我媽咪話,好彩你咁比學校發現,
如果唔係實冇得撈..

其實,我係銀禧都有幾多經歷,
數數下都幾多難忘的事.
遲D逐件記低下先~ ^^

--------------------
其實我聽歌係先聽旋律,再聽歌詞的@@
歌詞未必好中,
但好聽既旋律會令我無限loop首歌..


原來成長 不只是一味的快樂
你忠於你的選擇
要更好的人生
我不能陪你 至少能幫你完成

--------------
陳正:
原來係你~~~你考完試未阿?
約出黎囉~我都好耐冇見大S , 恆恆佢地..

柴:
其實我都有少少係因為見你會打blog而決定重新打blog~XD
細個就會成日打,之後都懶左..
依家的起心肝決定點都要打..
想keep起一D rcord
第時可以睇返~

Walking with a limp 2 : 黑暗與感性

在上一篇談了點解要開一個新blog,
今日想記低我到底點睇自己..

其實,我一向覺得自己是遊走於黑暗與光明既人..
以前,我係一個以為自己係好人既壞人.
現在,我係一個努力做好人既壞人.

不敢再說要做好人了..
好人,有太多重擔..
別人總會對好人有超乎正常水平既"期望".
最終,好人只會在這些壓力中崩潰,又或者係...墮落

黑暗,是因為我的思想傾向負面,悲觀..
面對人性的誘惑,我也常常墮落,陷入其中而改不過來..

有好多次,我真係唔敢面對神..
做左咁多得罪佢既野..邊有面見佢..

黑暗也源於我的成長經歷..
不知不覺間,一些事情影響了我..
旁人不知,我也不知..以為冇咩事..
直到爆發那刻..
人大了,才漸漸發現一些我不想知的陰暗面..

另一方面,黑暗也是引導我走向光明重要的一環.
"外表是相當平和的，但卻有著瀕臨爆炸邊際的內心"
這句形容得不錯..
有時,我會感到我的內心充滿陰霾,需要發泄出來..

有些東西,讓我可把內心的黑暗面傳遞到外界並將之變為光明的一面。
只是,唔係每一個人都可以/應該走這條路..
因為,隨時會有反效果..
關鍵是,最終能否化解那黑暗..
畢竟,那只是暫時有效..
除非,做到好似 Mace Windu咁..
(暫時未明佢點做到..)

至於感性,我想也不用寫太多了吧..

識我既人應該知道我係情感爆棚既人..

我唔服點解D人會覺得咁樣既男仔唔好..

龍生九子,個個不同..

點解要label左每個男人應該係點?

這些標籤,根本就係枷鎖..

但人就係樂在其中,幫唔同既人加label...

我就偏唔信一定要follow呢套!

到底悲觀的人可以點睇到因神而來的盼望?

我都想知... 這正正是理性與感性之爭..

就看天父怎樣改變我吧~

我想,一定可以overcome的.

感性的男性,又可以怎樣活出自己的一套?

我信,至情至性,也可頂天立地。

這就是我的信念.

----

一路向北,一路傷悲

=============

RE CTC:

sorry ar, who are you?

我認唔出..><

Walking with a limp 1 : 蹣跚地前進

係度打blog都有半個月了..
差D忘了記下轉會來此的原因添~

開這個blog時要改一個名字..
想了很久,最後決定用 Walking with a limp..
如果有看過Dan B. Allender的<把難處變為優勢：作蹣跚的領袖>既話,
你應該估到呢個名係點黎..


軟弱多於堅強,破損多於完整,困擾多於牢靠.
這就是我了.
一個正在生命的路途上蹣跚地前進的小子。


係最近的六年,我比天父修剪得好甘..
昔日我以為自己已算是無可指責,
話晒都番左教會咁多年嘛..
怎料他竟告訴我 "Much to learn,you still have"
就係咁,我係呢幾年一直經歷佢屈機的教訓 & 管教.


在這些日子,我總係從唔同既途徑get到佢想同我講好多野..
無論係經文,詩歌,敬拜,講道..etc..
我得到很多的提醒及鼓勵..
我清楚知道佢正在塑造我成為更合佢心意既人..
只係我唔知道佢既計劃係點..
只能一步步跟隨佢既指引去行..


知道還知道..
其實我覺得呢條路好難行..行得好辛苦..
因為我要將自己帶離comfort zone,
去一個新既地方去為主作工..
我有時真係唔想follow..
因為我怕..



我成日想同神講數,傾條件.
因為我唔想行呢條路..
一條通往未知既路..
亦可以咁講,我信,但我信不足..


好想記下自己在生命中所經歷的事,
好的,壞的,開心的,憂傷的,全部記下來.
記下天父點樣在我所行的這條路上與我同行.
以前都有打xanga,不過呢兩年打少左..@@
見呢度同google 既connection不錯,又有backup功能,
所以咪轉過黎囉~


我好想keep住每星期都打一兩篇呢.
記低那些重要的時刻,重要的感動..


打住咁多先~下一篇再打一D關於自己既想法~




===
梁文音的新歌: 孩子
很觸動我心的一首歌..

鐘意時,什麼都是優點

分開時,一切也是問題..

說愛我的那一天 你疼我像個孩子
離開我的那一天 卻讓我更成熟點

沒有永遠的敵人，也沒有永遠的朋友

 

 

最近太多好歌聽了~ F.I.R. , 粱文音, 方大同,etc.....

個個都有新碟..

溫書時變左賞歌時間.XD

原來我身邊既人都慣左靜靜地溫書,同我完完唔同..

 

我知聽得多太多悲情歌會影響心情,(有時好攰/心情唔好,會受影響..)

不過,真係好好聽阿..

點解以前我唔聽台灣歌手><

真係好想學樂器...

可以自娛~~

其中一首最愛:

傷的痕跡
住在我心底,變成了秘密

===========

關係,會隨住與其他人的交流,時間的變遷而進深/疏離..

在心底,人總是渴望與人相遇.

在人群中尋尋覓覓,想搵一個可成為莫逆的人(們)..

能交到好友,真是不易..

能維繫段關係,更難..

以前我真係信"友誼永固"..

依家我真係唔敢信..

人的愛太經不起考驗了..

依家好friend,隨時會因為一件事一Q清袋..

昨日的好友,隨時會成為明日的仇敵.

英國前首相Lord Palmerston講過:

'No permanent enemies, no permanent friends, only permanent interests.'

我知唔須要諗得咁灰..

不過依家我會相信,

"Some people were supposed to walk into your life,

teach you a lesson, and then walk away"

相遇,別離,就如日出日落一樣沒法改變..

總之相處時無愧就好了..

話就咁話,我知自己冇咁灑脫..

起碼我仲係在意一些關係..一些我渴望相熟既人..

"人地奉旨同你熟?" 當日聽到時,我呆左..

依家諗番,不得不承認朋友說得很對..

不過,我仲係做唔到 ><

世界最遙遠的一種相距中

 

 

其實唔係想post 呢首歌.係想講一D事,兩個人..
尋日聽道,心中浮現兩個人的人影..


一個係我愛的朋友..
對我來說,她是我異常重要的人..
在這四年中,我們中間發生了很多事.
太多太多的經歷..太多太多的情感交流..

兩年中發生左一件事,我一直好後悔..
我會諗,如果當時我在香港,事情既結果會唔會有所不同..

這些日子以來,我一直想為佢做D野..
我想用行動告訴她,世上唔係只有爭端 &利益..
也有真摰的友情,真誠的關係..
尋日係大堂祈禱,唔知點解就諗起佢..
都唔係第一次了..

-----
另一個,係一個我冇法原諒既朋友..
以前,我以為靠個信字可以出黎行..
點知現實係..真係唔得..
到今日為止,我仍然好嬲佢..
因為佢欺騙了我的信任. (以及...唉.)

為了此事,我不敢在信人的承諾..Esp 錢銀上..
呢次的傷害實在太大了..
到依家都未好番..

尋日jacky講道提及饒恕..
我即時諗起佢..
我,可以饒恕他嗎?
我可以因為天父的緣故原諒他嗎?
我不知道..起碼依家我唔想..
傷害唔單止係物質上..心靈上先係最大獲..

1cm ,也可以是世界上最遙遠的距離

題外話:

人生第一次中一份大獎,點都要記低啦~XD
初初都擔心過係咪騙局,不過幸好唔係~
開左黎試,幾輕幾好用~~

我知,這不是偶然的..

咩都講一餐

 

人與人的相聚,交往真的很有趣,
常常會隨住時地的不同而有所改變.
最近和你常常傾電話,傾到差D爆分鐘@@

其實,都唔知點解會無啦啦同你咁多野講..
最初真係為左一D好無聊既事而傾囉..  (依家諗起都覺得低B =.='')
不過傾傾下,又會傾多左好多唔同既野.
生活小事又好,教會事又好,什麼都可以談~
好正,次次都會有好多野講..
真好 ^^

第時要煮野比我食~
等我幫你試味..嘻嘻~


前日無啦啦提起鐘意既歌,諗番起呢首久違既歌..
一直很喜歡這首歌~~ 歌詞好正.
同人傾計都鐘意掛呢幾句係口邊~~


難道今天　才明白何謂真愛　就是要...
能承受對方的不理想　他始終有自己
優點跟缺陷　誰也沒法　共誰來比

================================

就黎可以拎我份禮物了~YEAH !!
幾驚會冇左..

仲有..岩岩收到信,我有得做人口普查~XDD

天父,感謝你!
謝謝你的看顧...
只有身在其中,才知道你的安排係幾咁正..

心胸

 

之前以為失眠問題已經解決左，點知呢排考試，又再係咁…
真係好不爽，訓又訓唔到，個人又嘔夠精神。

這幾天打日記，心情都幾矛盾。
又想人知自己打咩，又係度諗點解要如此在意別人的關注…

其實，我份人一向都係如此＞＜
一方面想得到人注意／重視，另一方面又覺得自己不需這樣子。
有時見到人地受人注目／被欣賞，自己會妒忌…好想得到同樣的對待。
不是想做最受注目的一個，而是想多得到一點稱讚／關心
（從一些我在乎的人得到，通常不是平輩），總想得到他們的認同。
當人有我沒有，我會想，仰咪自己做得不夠好，所以沒有？

一直想擁有廣闊的心胸，因為知道自己沒有…
或者應該話，未完全做到。
這是層次的差距…
如果可消除對一些人的妒忌，應該算係修行成功~~


其實我的心態都幾似浪子比喻中的大兒子…
身在福中，卻要計較人地得到幾多。
以前看這個故事，一直沒有留意這個角色…
人大左，先發現這比喻的精彩之處。
四福音的奧秘，豈是如此簡單？要多看看呢~~


如無意外，應該會轉過黎了~
這邊幾好用，嘻嘻。

悵然若失

 

呢第日個心都幾失落..
之前參加左一個有獎問答遊戲..
點知比我中左..而份獎品都幾好..(對我黎講)
之前仲話好想要樣野,點知就中左..

個負責人send e-mail話會搵我傾幾時領獎,
於是.我呢幾日都係度等電話@@
勁驚會miss左個call..
呢種應該就係悵然若失了吧..
心情真係好古怪..
會時時check住部電話..
成日心思思,又怕佢唔打黎..

點知,我都係miss左個call  ><
係圖書館溫書時佢打黎..
所以冇聽到...

我好頹阿><
點解會miss左呢個call..
真係好想要份禮物..

依家真係冇咩心機溫書..
點好..唉..

==============================

睇番自己放係Slide.com既相..
真係幾感慨..
我特登放小組既相,而冇擺其他friend既..
一路睇,好似回帶咁睇返我呢幾年在小組所參與的事..
每件都係如此難以忘記..

這些相片,就好像一個個在我內心的印記..
所以轉blog都要帶埋佢過黎~
要提自己應承左天父D咩!

岩岩搵左post出黎既方法嚕,好野XD


其實,要每日打blog都唔係好難..
最重要都係有冇心..
希望可以keep住每星期都打幾篇啦~
好想記低每天既感受 &經歷~ ^^

在海邊的時光

 

尋日溫書溫到冇黎心機..
走左去我心中既聖地--紅磡碼頭~
住係呢一區最好就係可以去海邊坐.
尖沙咀個邊太嘈了,唔岩我..
我係要靜落黎,享受下寧靜既時間..

每次黎到,個心都會平靜下來,
無論之前幾忙,都會暫時放下要handle既事..
唔知點解會咁呢..不過,我真係好鐘意咁..

當我心情唔好時,我就會想黎呢度坐..
係呢度,我覺得自己會容易D同神傾計..深入個隻..
最近兩次黎,都帶比我好難忘既經歷..

上一次係感到事奉的無力 & 自己的不配..
個陣睇緊一本講關係既書..
驚覺自己好多時都帶住唔好既心態去服侍,
完全違背左一開始自己對神既promise..
所以黎同神say sorry..
一路祈禱,我一路狂喊..
因為我覺得自己對佢唔住,有負有托..


尋日係講自己最近的心事..
我feel到自己內心的掙扎強左..
唔識點去面對自己的心..
唔知應點駕馭自己的情感..
唔係失控,只係常有波動..
總覺得今次係唔同..唔知點解釋..
心有期待,卻又異常害怕..

就係抱住咁既心情走去同天父傾計..
試下用英文祈,原來都完全表達到我既想法~
一路祈,一路想起唔同既事..
讀書,生活,事奉,小組,小區,教會,香港..
祈到唔停口..@@

我知我係呢段日子建立左一套想法..
但我唔知呢個你唔係神既意思..
更無奈既係..我呢個想法只係得一個殼!!!
即係入面係冇內涵.. ><
我唔知係我未到個步所以唔知神既心意..
定一只係我自己諗左一舊雲出黎...@@
睇緊都係要留名跟進..

考完試之後,真係要多D黎呢..
我話過,想用兩年時間進修下..
修心 & 學多D知識..
我唔知第時神想我點..
不過我想做好準備..
或者,我一早應該接手一D野,只係我唔ready & 我唔想..
到依家我都冇一個決定阿..
諗下先~~XD

身體的健康與擇日再死

想起自己的身體狀況,有時真係覺得好灰..
唔知Leonidas I當日在Thermopylae比人抄後路時係咩心情?
我唔知佢係點,不過自己覺得自己好有擇日再死(Die another day)既感覺
日日都痛到咩都做唔到..只能瑟縮一角..
完全集中唔到精神,點溫書?
完全集中唔到精神,點考試?
咁以後呢,點面對生活? 點去...點去....
心情極差的時候,拿起了剛剛收回的一本名叫領袖獅子心的書..
這本書係講約書亞點帶領以色列人的..
前言提及河用祚牧師,雖然身體狀況極差,但神使用佢去建立神的國度..
看完前言,我停下了..
因為,我想到自己...
到底我的期望是否合乎神的心意?
我一心一意想神用我心中的方式去對待我...
我總是覺得身體比較健康(與現時相比)才能為主作更大的工..
但,這是神的心意嗎?  還是我的心意?
今天趁青祟前坐左係五樓,不斷在想..
我可用這衰殘的身體做到什麼?
有時真係唔想理會神,想自己死撐..
明知咁樣唔得,但我又唔知點好..
「祂必興旺，我必衰微」
一句又一句的經文在腦海浮現..
似是回應著我的疑問,又好像不是...
到依家我都唔清唔楚,
不過,仲係好痛><

---

許多信徒把不飲酒、不抽煙、不打牌、不跳舞視為聖潔生活。
雖然神可能真的要你成為這一類型的見證人，但這充其量是敬虔的表面而已！
我們永不能把虔敬和公義混淆。
到底,作為一個基督徒,我(又或這個世代的基督徒)應該用什麼的態度去活在此刻?
一個好難答的問題...呢個月我一直在想這個問題..看了很多文章,思緒卻更為混亂..
越知得多,越發覺自己是多麼的無知..
誰真的明白這句說話? 一路思想信仰,更發現自己有很多不明白的地方..
不過,時間多得很,我還可以繼續深思呢個問題...

---

All we learn from history is that we learn nothing from history.   (from 黑格爾)
很無奈,但這就是真相...
4月的開組時間真的好正~~次次都係~XD
陳奕迅真的好正~後悔咁遲先聽佢D歌><

---

RE 力勞:
我的文采?! 差到冇朋友@@
點解唔係你請先 ~XD
RE BENSON:
仲諗住睇下你個XG添@@
有機會既~~

轉會,好嗎?

 

用左xanga,都一段唔短既時間了..
話咁快就用左4年多..
加盟左goolge之後,(rss reader,gmail,calender,address book,仲差android,XD)
都有諗好唔好轉黎blogger.
其實一向都係打自己既想法,感受..
用邊個平台都冇咩所謂..
不過見人地話呢度幾好用,心大心細中~~

我諗我會試下用一陣先,再決定~
下次先打一篇正經的文章吧..

臨閃之前,post一首最近勁鐘意既歌~~HAHA