我好像已經把這個地方丟空了一段時間吧..
最近習慣了用RSS & Mail 睇文章,睇完就算,兼且又冇咩心情,所以連週記都冇打><
好吧,今次打長一點~
話說上星期我的媽媽無啦啦問我:”你最近係咪為左一D事煩緊? 你冇事嘛?”
我聽完之後呆晒,原來係有人睇左我FB既Status,所以誤會左…
仲有另外一件事,
ykk: 你覺得我想係個Blog表達D咩?
某君: 你面對緊感情煩惱,對嗎?
就係呢兩件事,促使我打以下呢段野..
其實我係一個好鐘意懷緬過去的人,唔知點解成日都會好易諗番起以前的往事..
小說既一句對白,或者FB既一個Status,又或係一句說話,一句歌詞,
都好易會引起我既回憶..
好似上次個句” 無可奈何花落去，似曾相識燕歸來”, 就令我諗番起N年前既一些事了,
識我既人都知道我成日講2007到依家係我生命中最多成長的一段時光,
對人,對事, 有了更深入的看法,
目標,價值觀,開始漸漸定型.
亦因為如此,故我特別容易為呢幾年之間曾經發生的事感觸…
例如上次在坐在梅窩碼頭的經歷..
是的,在這幾年的經歷當中,有不少部分都是與情感 & 感情有關,
(其實係應該係大部分都係@@ 我係特登想Classify兩者的)
A君使我明白了什麼是心與心的交流
B君使我知道了自己的Weakness
還有……….
這些人在我的成長中留下了一個個的痕跡,一個個的烙印,
故我亦特別易受佢地的一言一行影響..
所以我間唔中就好鐘意引歌詞/詩又或者說幾句感言去抒發我既情感..
畢竟我冇興趣成日同人講自己有D咩體會咩感受..
在這處打出來我會比較冇咁多顧忌…(都唔係完全冇既..)
唔知係咪因為咁,
會令人誤會吧….
橫掂都係打,打埋又點話~
呢幾年中我曾經對幾個女仔心動過.. 不止一個…
冇錯,一時的心動係好正,
但我知道,亦都堅信:一刹那的光輝唔等於永恆
一時的心動好易有,但呢D唔係我想/應該追求既野…
我想搵的,是別的東西..
不過,我仲未可以去到完全唔會心動的高超境界,
幸好我的理性防禦系統力足以在我的感性失陷時把我救回..
不得不說,信念的力量真的很強大..
我會繼續去搵真正的心動的~哈
