錢夠唔夠洗?

 

呢幾排有唔少機會同人傾計..

有時係講下人地既事,有時係講下自己野咁..

咩都傾下,時間好快就過~

唔駛諗一陣帶組要點,唔駛諗應該點回應...

可以做番ykk,感覺真係幾好..

朋友，就是能讓你在疲累及壓力中放鬆的人。總算有一日自製day off ,可以訓餐飽，食餐好^^

尋日走左一堂..因為個人係呢種天氣開始有病既先兆..

兼且傾到唔捨得走..所以放肆左一堂咁大把XD

 

之後去左慶祝生日,和你們一齊真好!

其實.我都真係幾少會同朋友慶祝自己生日..

我成日覺得冇理由要搵人同我慶祝@@

 

其實呢排都chur得幾盡..

補習既時間多左,雖然開始習慣個working style.

但係精神上既攰仍然係一個challenge..

不過我D學生都算係幾好的了~

起碼唔會日日激我.

 

講起生活,突然諗起小組/小區..

平時都冇咩野,但係一到星期六就...

每次開組,其實我會有打工既心態..

想要在有限既時間內做完"要做既野"..

越黎越發覺咁樣係唔work.. (但係又仲未完全改到><)

 

突然睇番一篇一年前既舊文..

今日再睇番,感受更強烈..

唔知耶穌係點同佢D門徒相處的?

佢地會吹水嗎?佢地會講無聊野嗎?

 

我諗,佢係會的..

當真正關心一個人既生命,

你同佢之間冇理由會唔講所謂的"低B野"..

同埋,我信佢係會講一D貼身既野的,

面對誘惑點..同個女仔發展成點..等等.

可惜我一負責帶組,就會忘掉晒呢D野...

總會想accomplish a mission..@@

真係要學下點做至得!!

 

 

 

----------------------------------------

錢夠唔夠洗

「若是弟兄或是姊妹，赤身露體，又缺了日用的飲食；你們卻對他說：『平安！平安！願你們穿得暖，吃得飽！』而不供給他們所需要的，那有甚麼用呢？」(雅二15-16)

教會群體最愛講關懷和彼此相愛，有時小組時間更要吐露心聲好能互相代禱。但當別人開放自己，向你告知自己的需要，在你自己能力範圍內，你又是否願意幫助？在教會神性化的四面牆內，一切「需要」都被靈意化和抽象化，一句「我會為你代禱」，是對各類「需要」的禮儀性回應，也帶有結束對話和行動的功用。
事實上，許多返教會的人的「需要」，不是一般善男信女可以提供，例如有情緒毛病或需要醫療意見，確實需要適時轉介，無知信徒切忌忽視，也不能逞強。但大多信徒的需要都是我們一般人可以付上代價協助的，例如不帶論斷的聆聽、靜默的陪伴，其代價都是我們用來打機、聽歌和上網的時間及精神，對方會很樂意領受我們少少的付上。有時，對方對自己需要難以啟齒，特別關乎財務境況，我們一句：「最近夠唔夠錢洗」、「今餐我請你」，其能力有時是超過其中所涉及的金額。對方也會為你的主動和體貼而感動。

有時覺得信徒之間太多廢話連篇，反而一句「搵到女朋友味？」、「一個人住悶唔悶？」、「最近仲有冇諗起佢？」、「你未搵到工，宜家夠唔夠錢洗？」更來得到肉。
又或許，假如耶穌在我們中間，祂也會很關心我們這些到肉問題。

找尋位置

尋日開完組之後,我地一班人又走左去吹水..
上次傾到點半,今次差D傾到兩點XD

係對話中,都講左一D我點睇自己係小組...
都咁多年,如果我話冇感受都冇人信啦.
一班好弟兄都表達左佢地覺得我係呢度既位置係點..
我諗,我算係處於一個幾特別的位置...
不是組員,也不是組長,更不是區長

一直以來,我都唔多唔少地模仿緊以前既組長所做的事..
我咁做係因為我受過其恩待,而我又好認同佢(地)所做既事..
不過,當run左呢套模式一段日子之後,我開始有D迷茫..
關心人,冇錯
但原來不知不覺間,滋生左其他side effect..
背負責任,應該,
但原來會引起是否背負太多的問號..
與人同行,很好,
但原來會陷於"有好多絲打"既流言中.

我都唔知我係咪應該逐一去解釋我所做的事..
唔熟既,我唔想晒口水..
半熟既,解釋黎都冇用..
熟既,有時會講唔出口..
當被抽水成為常態,解釋有鬼用?!

我都唔多清楚我應該點搵到我既位置..
該以那一個向度為目標?
面對一D心理關口,我承認我係放不下的..
我以前我好似表達過,我係視自己為一個傳承者的-- 嘗試繼往開來...
所以我會好想維持住一D linkage/價值/行為..
但係,我都唔知係咪應該由我黎做..

呢幾日,都有諗過可以點做..
不過,都係想睇定D先..

公民門徒學堂

 

 

之前日天同我講FES既公民門徒學堂好正,叫我去參加..

去左第一堂,好贊同佢所講~

係個度, 我諗我搵到些少我想搵既野...

 

一直以黎,我都有好多疑問..(睇我成日post D文章就知啦)

信仰如何落地,一直係我所想不明白的位..

滿口祝福,好易..

但要在心地發出衷心既祝福,好難..

以前我一路都唔明點解保羅係咁向人問安..

直到呢幾個月,我發覺我會不自覺係條街咁做..(係個心度..)

 

聽個阿超既講解..我好似走左去另一個殿堂咁..

雖然只係聽左三個鐘,但我真係好享受當中既過程..

原來信仰既路上,都有唔少既人有諗好多野..

上lecture都仲可以失神一會,係個度真係唔得.

我都幾期待之後幾堂既聚會呢..

好想再知多D..

(但係下次聚會撞正我mid term..   T_T)

 

問題/想法,仍然有好多..

希望可以慢慢解決/諗明白啦~~

(尋日浩然又放左個大炸彈比我..  =.='')

 

PS 呢幾日有大把花生可以食.

 

 

 

====================================================

咒詛說

在下在面書這樣說：

如果我們基督徒相信祝福的力量，也同樣相信咒詛。如果我們對不義的人（例，李嘉誠）發出咒詛，是大有功效的。所以，不要浪費大家心靈中重要的力量—-憤怒。向不義者傾倒憤怒，如同向孤寡傾倒愛一樣吧。

這個 status 竟然得到大量討論，我節錄一些出來。首先，有主內傳道向我拋經文：

因為人的怒氣並不成就神的義。雅一20

逼 迫 你 們 的 、 要 給 他 們 祝 福 ． 只 要 祝 福 、 不 可 咒 詛 。羅十二14

也有信徒發出質疑：

舊約雖然較多講咒詛神的責罰But 新約多講恩典&愛，叫我們不可咒詛，不可含惱到日落，點理解？

之後有人代我答了上一題：

新約多著重處理教內問題,而舊約聖經多涉及不同朝代及文化,所以當中的內容,自然較新約豐富。至於新約多講個人操守,亦不能脫離處境……

後有另一信徒有長留言與在下商榷：

我都係路過, 不過我覺得好好笑, 每個人在這世界裡面, 都總會有人不喜歡自己(MAYBE 呢D就叫做 “成為別人眼中不義的人”), 如果個個人都咒詛自己眼中那個不義的人(s)……這世界果真充滿了罪!

憤怒還憤怒, 咒詛還咒詛, “我”認為, 人是有情緒的, 但要懂得控制自己. 所以我們可以憤怒, 但憤怒不一定要去咒詛人. “我”相信耶穌基督的同時, 也同時相信他打破了舊約的框框, 以及新約裡的教導, 既然新約教導人要勒住我們的舌頭, 我們就當遵循; 因為這樣做, 不是只為叫我們要和平, 而為的是免得讓罪的果子在不知不覺間在我們心中栽種起來. 每個人的能耐不同, 有人懂得控制自己, 所以這人可以盡情地憤怒, 但若有些人控制能力不好, 會憤怒得一發不可收拾. 這就會讓人跌們的了.

憤怒只是情緒的一種, 可以發洩, 本身不能說得上(有沒有)好壞之分, 只是計較在你會選擇怎樣表達出你的憤怒.

不過我仍相信天父是喜歡我們多作美善的事! 所以我不會去咒詛人(因為”我”覺得不應該), 與其咒詛人, 我寧可做一些比咒詛更有意義的事. 同埋, 若果現世代有些不公義的事, 是我無法/沒能力改變的(即使我如何爭取), 我相信神到審判的那一天, 會有定奪的! 這就是我的盼望!

純粹是”我”的個人意見~~因為我只是個平信徒, 諗野好簡單.

我想，我要好好闡釋一下這個觀念。先從定義開始：

祝福，是一個言語行動，透個宣告祝福來希望美善的事從上帝降臨到一個人、或一群體身上。

咒詛，是祝福的相反。就是透過強烈的言語來希望從上帝而來的不幸、惡運剛臨在一個人、或一群人身上。

而在舊約中，誰人被咒詛呢？簡言之，犯罪者，就會受詛。

而咒詛，很多時是上帝親自宣告的。但也有是人對別人的咒詛。我們看例子：

耶和華因你行惡離棄他，必在你手裡所辦的一切事上，使咒詛、擾亂、責罰臨到你，直到你被毀滅，速速地滅亡。申廿八20

對惡人說：你是義人的，這人萬民必咒詛，列邦必憎惡。箴廿四24

最經典，要數詩篇 109 了，我選幾節吧：

5 他們向我以惡報善，以恨報愛。

6 願你派一個惡人轄制他，派一個對頭站在他右邊！

7 他受審判的時候，願他出來擔當罪名！願他的祈禱反成為罪！

8 願他的年日短少！願別人得他的職分！

9 願他的兒女為孤兒，他的妻子為寡婦！

夠毒吧？聖經上的記載來的。如甘如飴吧？是合神心意的大偉的傑作（或是託名吧…）

先知們更是這樣吧。香港有很多基督教家庭運動愛用「父親的心轉向兒女，兒女的心轉向父親」這段經文，但他們引不完整：

看哪，耶和華大而可畏之日未到以前，我必差遣先知以利亞到你們那裡去。 他必使父親的心轉向兒女，兒女的心轉向父親，免得我來咒詛遍地。瑪四5-6

舊約，可以是隨手拿來都是關於咒詛的材料，我就不贅了。但和在下商榷的，都喜愛拿新約來和我談。我當然要談一下吧。

耶穌咒詛嗎？當然了！在馬可筆下，耶穌罵人、掃檯、咒詛，樣樣有！

第二天，他們從伯大尼出來，耶穌餓了。 遠遠的看見一棵無花果樹，樹上有葉子，就往那裡去，或者在樹上可以找著甚麼。到了樹下，竟找不著甚麼，不過有葉子，因為不是收無花果的時候。耶穌就對樹說：從今以後，永沒有人吃你的果子。他的門徒也聽見了。可十一12-14

耶穌宣告無花果不會結果子，它就枯了。這就是一個神親自示範的咒詛。你說耶穌宣揚「只有祝福」？請用聖經說服我。

OK，大家當然會引保羅說「逼迫你們的，要給他們祝福；只要祝福，不可咒詛。」（羅十二14）來說不可以咒詛人吧。但同樣是保羅大哥，他在加拉太書說：「我們已經說了，現在又說，若有人傳福音給你們，與你們所領受的不同，他就應當被咒詛。」再一至，請用聖經來說服我。

另外，討論中也有說咒詛和怒氣的關係。因為憤怒，所以咒詛別人。而基督徒「不可以憤怒」，所以，咒詛更是不可以的。我說，這講法完全說不過去。接下來，我入正題了。

基督徒說要寬恕、說要放下憤怒，其實是對的。但，那是指當你被冒犯的時候，或教會被冒犯的時候，基督徒應該可以展現出寬恕。但對於欺壓人民、割盡田角、貪贓枉法之流，基督教就要作先知，指出其不正，指出其不義。此為行公義。大家沒有細心想過，就以為咒詛等如謾罵，等如講下粗口，其實不然。咒詛是向不義的人宣佈上主的審判。例如說，「李嘉誠，你咁樣呃人，你做幾多善事都無用架，你等天收啦」這就是現代版的咒詛，很溫和，溫和讓在下覺得無甚力量。咒詛其實是用非常手法去突顯不義，指出不公平和需要上主鑒察的地方。

香港的基督教，大抵都有屬靈潔癖，對一切不公不義當作視而不見，一味宣揚沒有經過反省的正面思想。這就是思想麻醉，這正正是馬克思口中人民的鴉片。這猶如地板滿佈污穢，卻不加打掃，直接打蠟一樣。尤有甚者，不但視而不見，還更為不義之權貴抬轎。這等人，也當受咒詛。作為一個對信仰認真的信徒，請你讀一讀新聞。看看我們身處的香港是怎樣，不要再一味無知地把頭栽進和社會無連結的教會生活中。

昨天的小學生,今天的大學生

補習,其實都睇到幾多教育的荒謬之處...
尋日同個細路不斷計數..
睇住佢做左頹晒,我個心都up埋..

我都唔明,點解依家D小學生可以咁忙?
我完全唔記得以前小學放學之後有咩做..
練下琴,食個晚飯,睇下課外書,咁又一日.
個陣我都幾多自己時間玩~

依家既細路呢? 本手冊日日都係一堆堆既功課..
我完全無法想像佢地點會對讀書有興趣..
大佬,你咁培養D"下一代",點得架???
根本就係培養緊考試機器..
(即刻諗起佢..@@)


每過一兩個月,我就會好忙..
點解? 因為又考試了..
又TSA又test又exam…
到底番學除左考試仲有冇其他意義?

再睇番大學生,就更加感觸..
有時都會諗,其實做到大學生又點?
冇錯,so call係知識分子..
除左口邊掛住幾句住hall,上lecture,交pro之外,到底同小學生中學生有咩分別?
我真係覺得冇咩分別..
同批量制造既貨品冇咩分別..
"大學之道，在明明德，在親民"
每次諗起呢句野我都覺得幾諷刺..
香港有18%人口升讀大學,但有幾多人做到上面既說話?
(其實此大學不同彼大學既...)

一門學問，如果能讓你茶飯不思，教你輾轉反側，並改變你看世界看人生的方式，那它一定已走進你的生命。它不是你要應付的功課，不是無可無不可的一堆術語，而是成了你生命的真正關懷。政治哲學，能夠走進各位的生命嗎？我們課上討論過的自由平等人權公義，能夠激起你們的知性熱情，並繼續引領大家的思考嗎？抑或你會反問，在這樣的時代，我們如此認真探究道德和政治，真的有意義嗎？-  周保松  <走進生命的學問>]

之前係網上見到呢篇文,我真係好buy呢番說話..
讀左咁多書,又能把多少道理帶入生命?

之前steve jobs死左,有人問點解中國冇另一個steve job..(見下文)
我諗,如果香港再係咁培養下一代的話,
我地好快就只會淨低一堆exam machine..

PS :突然諗起,今個星期Mark Zuckerberg岩岩宣佈會搞facebook IPO....
點解香港冇Mark Zuckerberg?  唉...



延伸閱讀:

亂打主意：大學貨幣GPA

我要攞第一！ 羅乃萱：成日考第一只會識考第一
港孩殺入職場！ 羅乃萱：年青人被淘汰非因英文欠佳而是......
======================================================

為甚麼沒有喬布斯?

思想花園的量子問, 中國為甚麼沒有喬布斯? 這是個好問題. 也令我想起前陣子上課, 問學生有沒有聽過阿拉伯之春的, 沒有. 茉莉花革命呢? 一兩隻手. 涉及哪幾個國家呢? 沒有人答.

又想起上星期到匯豐樓下探訪反資青年, 我天真地問, 這裡有沒有大學學生會的代表呢? 大家抓抓頭, 沒有, 想不起. 反資青年的行列裡面有左翼 21, 有101 電台, 有雷曼苦主大聯盟, 甚至有兆基創意學院的同學. 但大學的呢?

我似乎忘記了, 如今已經不是八十年代, 九十年代的香港. 社會運動的形式與參與者都很多樣化, 不是下下要由大學生牽頭. 而且, 最重要的是, 我們的大學生其實好似小學生: 大家都好忙, 要應付很多很多, 已經完全沒有餘暇去想其他的了.
大家都知小學生忙甚麼 (功課, 課外活動, 鋼琴試, 游泳試, 還有要平均讀四五百本書的閱讀獎勵計劃).

那麼大學生又忙甚麼呢? Presentations, essays, immersion, exchange, career talks, 還有 part-time 補習, Hall life, 拍拖, ...

小學教育最大的問題是, 我們都為孩子安排定所有的活動, 那, 他們都沒有時間停下來發呆了. 沒時間了, 他們只為服務家長, 如果真有空檔, 他們只能馬上打機. 在電子世界裡面排遣心靈.沒有發呆的時間, 太實用, 沒時間看天空, 看自己的手手腳腳, 看小鳥在陽光中飛翔. 生命注定如此, 又可以怎樣?

小學的問題, 當然也是大學的問題. 從小學到大學, 我們幾時有放過我們的孩子? 人生中最寶貴的光陰, 全部的時間, 都用了在反復不斷的操練上面, 小時要操練應付數學 (例如計十幾條 像39873 除 25.4的數, 要列式, 答案要寫到小數點後兩個位). 在中學就要操練英文 Practical Skill, 雖然大家心肚明, 多數人都不會有機會用到這些 "skill" 的.

我們的大學學生事務處的同事也都十分勤力, SAO 愈做愈大, 為學生安排數不盡的活動, 而且隨時樣樣計分, 有那幾樣又是 Graduate Requirement. 學生以為讀大學的目的就是拿 First Hon, 畢業後搵份好工, 以致於份份功課的分數錙銖必較, 務求以最短時間拿最高的分.

你說, 這樣的訓練, 這種的文化, 能培養出喬布斯麼?

Stay hungry to the world

自從買左新電話之後,成個生活都有幾大變化..
無可否認的,是同身邊既人有更多更密切的connection..
另一方面,我亦都有更多機會去睇我鐘意既文章..

之前download左一埋影相app,不過都冇咩點用過..
其實我係幾怕成班fd食飯個個先影後食的..
自己又唔玩自拍..
所以基本上冇用..@@

今日補習既時間,突然無聊影低左呢張相..

影完之後突然有個念頭浮左出黎..
不如玩下photo blog丫.
之前見人地用instagram,搞到我都心思思..
但係未出android 版本..
之前阿柴做左一個365 days of grace行動去記低每日既感恩事..
我諗,不如自己又試下咁做啦..
試下係看似千篇一律既生活中搵下樂趣..

我發覺,自己依家既生活都幾有規律..
日日如是,好易會滋生"單調" 或者 "苦悶"等等既感覺..
亦都可以話係忘掉了生活的多彩多姿之處..
幾個星期前睇住D小朋友拎住幾舊lego玩成日..
我覺得好羨慕呢..
原來我已係不知不覺間忘記了什麼是生活..遺失了應有的好奇心,
有時都feel到自己個心會無啦啦浮起一D 負面既情緒..
只有係對住D小朋友時,我先可以找到一星半點的童真..
(我懷疑D 細路覺得我係kai的,因為我會係佢地面前無啦啦做埋D低B野,
例如扮跳繩.  @@)
我諗我都應該試下每日將一D值得記下既事影下來..

黎緊我想試下每日都影一張相呢.
可能係影下食緊咩,可能影張相,再寫低一兩句感性既句子做註腳...
我都唔知呀..
總之就係想試下拓闊下自己既心..
唔知呢個小試驗會經歷咩事呢~

仍未淡忘

 

呢一年,聽到唔少身邊既人身體出現一d毛病..

每次聽到,我個心都會好唔舒服..

下意識地,我會唔想再聽落去,唔想知佢幾咁辛苦..

 

自從上年爺爺過左身之後,

我發覺自己開始有咁既心態..

之前個段日子,的確係好難頂..

睇住至親係你眼前逐漸衰老,實在好痛苦..

望住佢慢慢不良於行.

見住佢係老人院瑟縮在床..

睇住佢係醫院同我交代後事咁既眼神..

有一次我係佢隔離讀詩篇廿三篇,

我一讀第一句"耶和華是楊文光的牧者"..

我D眼淚即刻係咁流..

 

至親的老去,又或逝去確實係我未懂得面對的事之一..

我原以為已全然放低左爺爺的事..

點知,呢兩日比一D事刺激起..

我先發現我仲係好掛住佢..

尋日jacky提起佢既仔個時,我中招了.

 

依家,我真係好怕聽到人講佢既家人患重病..

我會諗番起爺爺既經歷..

我個心會自動自覺咁嘗試拒絕被誘發既悲傷情緒..

我會試下抽離..

儘量把人地既事理解為一句句子..

而唔係一件確實發生既事..

唔係話冇左empathy,只係我function唔到..

只能用有限的心去聆聽,去關心..

 

我真係好掛住你.. 星期六時,我突然想起你..

我們一同生活了十幾年呢..

由日日見,到依家冇得見..

個轉變實在太大了..

 

呢一年,我的生活忙左好多..

但另一方面亦睇到家人之間更重視彼此既關係..

(謝謝你們的預祝生日^^ 真係好warm..)

我發覺,呢幾年我地冇咩點影過相..

真係要影多D生活照呢..

做project之前...

 

 

 

新既sem又開始嚕,又係時間要準備作戰~

今次都幾好,有四科係同朋友一齊上.. 超正,YOYOYO~

做project唔駛煩..

不過,有一科係自己上的,

個miss仲話冇得自己form team..

唔知會撞到咩人呢..

 

我突然諗番起一D野..

貌似..我係好多次form team之前都會嘗試做一樣野..

因為怕同唔知咩人一組,我好想搵到岩既組員..

呢個時候我最常做既就係借上堂要討論既時間掟幾個theory出黎...

(當然係用以前積落既貨仔啦..)

當望到D人既反應時,就差唔多知道佢地大約係點..

聽得明同扮聽得明,其實幾明顯..

呢個算唔算係威力搜索呢,XD

我認架,我係有居心的..

 

其實,我都幾怕都唔識既人合作..

不怕神一般的題目,就怕.....

我一向係咁諗的..

打機如是,做功課如是..    什至,人生某些取向亦如是

我都係比較重質..

以前同何佩麗一組,佢幫左我好多..

(我一向都覺得我地既做野模式係好夾的^^ )

每次做野,都做得好開心..

D工作唔會輕鬆左,但係會爽好多~

到依家我都仲係好掛住同妳(&bear)做pro既日子.................. HEHE

不過,點會次次都撞到咁好既人呢....

 

今日上堂,其實我都幾怕要識新同學仔..

見到好多人都係成班frd咁上,更頹 =.=''

我都仲係做唔到非常主動...

其實,我已經比以前圓滑左,滑不留手個隻..

但係,我又覺得自己個人假左..

例如會"美化"/"修飾" 一D同人講野既用字..

唔知今次做pro又會係點呢...