Thursday, July 31, 2008

 

去完合組camp了~
再一次回到了這個地方...
我不會否認它曾經發生..
仲使你我的認知未必相同,
但,它真的發生過...
我不想試圖扮冇呢件事..
我要的是要面對它..

---

今次係camp度,多左好多機會同青13既組員相處...
認識多了..對話多了..
實在太好了~~ ^^

---

晚上11點半,碼頭旁.
靜靜的坐在地上,看著渡輪慢慢的駛離我的視線..
每次選擇到海邊,通常都係因為同一個原因..
今次同樣不例外..
遙望著遠處,不斷在想著人與事..
不必有人陪伴在旁..因為有祂在聽我傾訴..
我的理智並沒有離我而去..
只係很難客觀地看待事物..
幸好我仰望的不是那些..
不然我早就散了..
不過,依然不好受..
多謝你明白我的性格係點
原諒我沒有說出全部的原因,
希望你唔會知道真相...

---

房間中的對話..
你講得一D都冇錯,
我會試著去看過去,現在,未來的!
讓我們一起看看5年後青10會變成點吧~~
(仲有3年7個月..可以延長嗎..)

---

試著在沙灘上疊起一座沙的城堡，
一點一點的累積，
還要注意不讓海水冲塌它，
很難也很累，但是直到城堡完整建立起来后，
我们才知道它原來是這麼美麗，
值得你用許多許多東西去守護它

---

我唔希望你的世界只是一片灰暗
所以我只好比咁大既反應你..

---

也許兜兜轉轉既最終答案就係...成熟

---

RE gary:
你冇事,真係太好了~~

---

Monday, July 28, 2008

 

明天去camp~~

---

我真係唔知比咩反應好..
唔通你想屈我機?
不止我有咁既感覺..

---

你千祈唔好有事!!

---

RE vance.
一切等我番黎至搞吧~~
RE monkey:
我搞錯左@@
真係好正呀!!
多謝晒~~

Sunday, July 27, 2008

 

星期三,去了和幾個小學同學打籃球~
話咁快又成年冇見嚕..
大家都好似冇咩點變咁,
一個個面孔都是那樣熟悉..

之後去上堂..
係我唔明你問咩.定係你整左個trap?
呆了..

---

有多久我們沒有一起談天?
自那次起,恐怕已經有三個月了吧..
雖然唔係有好多機會同你傾計,
不過我真係好開心有你呢個朋友..
在與你相處的日子,慢慢發覺自己真的變了..
聽到你都咁講,我好高興~
起碼我唔再係少不更事,唔會成日令你感到無奈了~xd
ps 個草餅真係好好食~~

---

行書展..真係太迫了..
我差唔多要係會場度橫衝直撞先離開到d stalls... @@
好彩買到不少心頭好~~

---

今次開組,比了我完全不一樣既感覺..
我終於明白你講既話了..
"其實,我們一直都有彼此支持,一直都有成長緊.."

返到黎香港,聽到了勁多消息,
全部都係令我勁surprise既消息..
又驚又喜..
我深深體會到神如何與青10同行..
是你們令我有力量與勇氣去繼續留在這裡服事..
多謝你地一直默默的撐起青10,令弟兄們在此可以得到支持和鼓勵..
我衷心感謝你們!

你點睇&WWJD
在開組其間,突然就想起了呢兩樣野..
我係最近兩年先至明少少當中的含意..
唔知你地知唔知..
我不嬲都係一個比較悲觀的人,
諗野都會偏向負面.
就係呢兩句野令我有著極大的改變..
我相信你地都可以的!!

---

RE nicole
其實我一路都有keep住睇你xg的~
只係好少會留cm..
你竟然會讀cit..真係有d令我surprise..
不過你咁醒目,一定可以好輕鬆面對的~
有什麼事就打比我吧~ ^^

RE  raymond:
今次我唔係帶左好多$去.
所以係唔會有手信的~~xd

RE andy:
好明顯你先係衰人@@
竟然做d咁既野.. T_T
你唔係只會掛住個小朋友咩~~xd

RE gary:
今日冇太多機會同你傾計..
下次講多d 吧!!!

RE monkey:
我一返黎你就問我拎手信= =
咩野係無蟹做@@
D野食味道如何??有冇溶丫?

RE vance:
一路"逆"風<--你實在太衰了..
等我收埋你份手信先~~(係兩份至岩)
我到依家都未有心機執D相.. =.=''

Monday, July 21, 2008

 

從北海道回來了~
五天的旅程轉眼即過..
好正呀!! 呢五日真係超級開心^^
仲未有時間upload 相片,
遲D先同大家分享~~
富良野真係勁令~~xd

---

由於脫節了好多日,
岩岩係咁睇xg同其他野..
睇完之後真係好想唉..
我知道呢幾日發生左不少令人鼓舞或者高興既事情,
雖然我唔可以在場,不過唔緊要的..
Miss,就由佢吧...
令我失落既係這幾天發生的一連串唔開心既事..
點解當時我不在這裡?
或許我根本無力解決它,
但我真的好想可以在這段時刻陪伴在朋友身邊..
這就是Opportunity cost...

---

傳說在收藏著寶物的地方中,
都會有不同類型的守護者在入面保護住這些珍寶..
它們的任務就是完成佢地被交托的事---不計代價的保護這些珍寶!
如果佢地任務失敗的話.....

---

下一篇先回cm吧..
現在不是時候.

---

Tuesday, July 15, 2008

 

今日搞既wargame終於結束了.
好開心呀,有24人去玩~~
原來玩室內場既感覺係咁唔同的,
好刺激~~xd
Block-18被完全屈機..
支MP-5K太好用啦~
掛彩了,不過好抵~
多謝牧區咁多位去玩既弟兄姊妹,
你地真係好幫得手,
無論係場內定係場外..
下次一定要再玩過~~

---

明天就係去旅行的大日子了
日本,我來了~~
最想去富良野睇下..
唔知另一個國家既夜色又會係點?
以前太細個了,實在冇好好的欣賞..
今次要睇番夠本!
ps:我學弟竟然同我一齊係同一團,
真係勁橋 @@

---

經過咁耐,
終於miss了..

---

RE 浩然:
我會儘量好好咁用呢幾日的~
到時應該會係酒店度週圍走~

 

仲有一日,就要暫時離開香港了..
有幾耐冇試過??我都唔記得嚕...
期待背後,是數唔清的不自在...
可以把一切的事情留在香港,
只好好的享受這段旅程嗎?
恐怕有點難度..
上年第一次睇翻雨覆雲,
我已經對不捨呢個角色有點感情..
這個名字給我一種好特別的感覺...
只能意會...
119

---

祂必在沙漠開江河　在曠野開道路
雖四面受敵　卻不被困住
我要在沙漠中讚美　在曠野中宣告
我的主永遠掌權

---

RE andy:
唔好掛住唉了~xd
RE 浩然:
一齊加加油~~
我實在太亂黎了...
唉..
控制不了...

希望到時可以睇星星啦~xd

Monday, July 14, 2008

 

星期日去左聽讚美之泉..
今次應該係第五年去了~~
一句聽左N咁多次既句子提醒了我..
我們愛,因為上帝先愛我們
簡單,直接,向我指出一個我一直問既問題的答案..
我真係唔知我可以點..
我唔知我做唔做到..


跟住去左搗亂~xd

---

多謝你陪左我成日,由零晨到日夜晚..
都願意聆聽我講既野..
如果唔係有你做我partner,
我真係唔知點挨過艱難既日子..
感謝,默默的存留在心中..
我只能以行動去回應..

---

星期六晚如果有人可以知道我個心係點的話,
佢應該會睇到一個勁大既笑哈哈~一個代表住奸笑既笑哈哈~
勁開心呀!!
有D野唔同左..好明顯feel到..
真的!
13人=??
係無限既可能!!
求主繼續作工!

---

再一次體驗到咩野係秒殺..
真係無敵..
還是被"殺"了..@ @
點解仲要連死幾次 =.=''
睇黎我唔upgrade既話真係死硬..
我知道依家這世代既情況係點,
亦都知道我要點回應..
但...
無語

---

6/7既黑衣人~

---

RE katy:
我都冇做過D咩..
最緊要係靠你地自己!!
睇你地願意點去面對...
加油!

Friday, July 11, 2008

 

岩岩係小說中竟然見到高震動粒子切割匕首@@
實在太屈機了~~
sunny的介紹真係唔錯~~
我睇到咒怨陰影(一)..
真係忍唔住好想繼續睇落去..

---

兩個人之間..溝通真的好重要呢..
選擇既背後都有代價..雖然我地唔係好為意..
有可能完全不放棄所有野嗎??實在不可能..

---

對未來要有盼望!!

---

RE andy:
O嘴...  =.=''
RE sunny:
謝謝你的推介~~我睇到第三部恐怖片了~~
RE sevie:
依家青10&11都有人上緊..
星期一上堂..
雖然我地已經上左..
不過我諗我地都可以做旁聽生的~

Tuesday, July 08, 2008

 

從尋日開始,我要做一個揸匙人@@
4條鑰匙竟然要比$900按金....
點知唔夠半個鐘就差D係小巴度整唔見左.. =.=''
好彩有好心人提我同步姐~~
勁大頭蝦...

番去上小組生活...今次係第二次上了~
(其實我只係黎陪聽一堂的~~)
經過一年之後再番去聽,個感覺真係好唔同..
再一次提醒了我到底教會既異象係咩...
心中的一條問題得到解答了...是時候驗證一下..

估唔到以前係逆風帶服事小組學既野到依家仍然有用~xd

傾計...好想有多D時間傾耐少少..太短了..

---

今日拎成績表,呆了..
落差大得冇人會相信..
還是不要作聲比較好..

---

呢兩日睇左一個網上作家寫既小說..
幾欣賞佢既創意同埋寫作手法..
不過對佢所描述既價值觀就實在不敢認同...
從佢既小說,了解到不少歷史書上講既野點解會發生..
從佢刻劃的世界,明白了更多人性..

---

我諗我真係要學下delegation 既真正意義..

---

多麼想自己清醒一點,
可是,事與願違.
無聲的感慨源源而出..
對此,不知如何是好..

---

RE monkey:
你應該冇機會見到的~~
這種情況係超級罕見的~

RE 浩然:
對,一起努力吧~

RE herman:
我唔想咁快死住Wor~XD

Monday, July 07, 2008

 

今次開組,絕對係我做組長咁耐以黎最激既一次..
你地應該未見過我暴走吧..星期六我確實以咁既姿態示人..

我真係好有受傷既感覺...
有人知道我當時既心情係點嗎?
是孤單與被拒絕既感覺..
個下我D負面情緒忍唔住爆發出黎..
我從來冇諗過帶組會遇到咁既場面,
今次真係殺我一個措手不及..

有一刻我真係好想講:
不如我地唔好開組啦..
睇到咁既反應,我真係唔知可以點繼續帶組..
唔好浪費大家時間..各自走人做自己野好過..
橫掂一次唔開組我又唔會比人話既..

感謝神,係睇到我暴走之後,
你地幾個願意細聽點解我會有咁既反應..
仲肯講你地既回應比我知..
比機會我知你地諗緊咩...
有D野可以係兩刃劍..既可以係負面,同樣可以係正面
我唔反對keep住用一個輕鬆既氣氛開組,
不過我希望大家係以認真既態度去討論信仰..
輕鬆同認真是可以並存的..唔一定係對立的..

作為組長,話你知冇壓力就肯定係講大話..
大家既心事,小組既發展,異象的傳遞,活動的籌備..一大堆既野..
自己會不由自主為左好多事擔心..
但係我冇後悔過應承做呢個位..
因為我真係在服事的當中學到好多野..
最正既係睇住神點樣在弟兄姊妹身上動工改變佢地..
有D野係我地眼中係冇可能有轉機的,但係神確確實實咁使之改變..
這是何等奇妙的事!!
所以我唔怕壓力會好大..
因為我相信神正在青10作工!
什麼是信?
信就係未曾看見，但依然仰望十架!
什麼是信?
信就係完全交托，深知主已掌權!

真心的,我真係好感謝神比我可以成為青10既其中一個成員..
係組員又好,係組長都好,
我都係青10呢度感受到主的大愛.
正因為我領受了這份愛,
所以我都同樣想你地得到 --- 一份從主而來的 --- 愛!

或者直到呢一刻,我地都未做到可以將生命的主權完全交托比神,
或者直到呢一刻,青10仍然存在住好多問題,
但係我地不需因為咁而灰心喪氣..
因為我地有最強的後盾在我地背後!
我靠著那加給我力量的，凡事都能做，
或風浪或低谷，主平安在我心，
我靠著那加給我力量的，凡事都能做，
行在主的旨意，我凡事都能做
弟兄們,你們願意與我同浩然一齊同心keep住為青10祈禱嗎?
我深信只要我地都願意咁做的話,
青10一定會有極大的改變!
ps:那個擁抱,雖然只維持了不足兩秒,
不過我真係覺得好好好正!
多謝你,我的弟兄,我的組員

---

我們若果顛狂，是為神；若果謹守，是為你們。
呢句真係好弔詭..總算有少少明白了...

---

才藝Show..多謝各位弟兄既幫忙~~
你地做得超好~~
唔知幾時我地又會一齊做黑衣人?XD
做後台其實都幾好丫~~
ps:首Hosanna真係好好聽~~

---

再一次,
迷? 謎!

---

RE gary:
唔話你知點解~~xd
呢句唔係佢專用的~因為我都要用~
你只要靠住佢,一定唔會跟隨佢地的!!
RE G3:
睇左了~加油呀你地!!

Saturday, July 05, 2008

 

最近有一句說話總係浮在腦海中..
那時以色列中沒有王,各人任意而行。
係唔同途徑深深感受到任意而行的可怕..
點解某些人可以做到咁?
真係勁無奈..
警戒警戒!!

---

Prepare for war..
岩岩打Aoc,我地幾個會為左消滅對手而同心協力咁準備物資,一齊進攻敵人..
咁我地又準備好打一場屬靈既戰爭未??
老實講,我未準備好..
第一係心態上,我未調整好去打一場total war...
第二係裝備上,我覺得自己既軍備極度不足以面對這一場戰爭....
只是...已殺到埋身了...
處處皆是前線...

---

用左三日已經睇左三成了~~
咁樣睇書(定係溫書??)真係好舒服~
我一定會做好佢..一定...

---

RE 期:
加油呀!!
我知道你一定得的!!
我地一起努力~~ ^^
RE gary
係咩,我都唔知有咩屈機招數..
尋日比你狂攻,我死傷慘重... T_T
我地要求變!!