栽培雜記 5 : 登山寶訓 II

 

除左對舊約經文的演繹及解釋之外,

我對另一個課題也十分感興趣..

那就是有關信仰的一連串選擇 -- 所行的路和根基

 

在整個講道中,耶穌談到佢如何成全律法,

也告訴會眾應有怎樣的信仰生活..

去到最後,耶穌讓他們選擇佢地的路想點樣走落去..

 

耶穌講到好清楚,跟隨佢既路是少人行的..

很多人會想行一條看似舒服D易行D既路..

但係佢表明那條路並不是應行的..

他要求我們行窄路..

窄路是充滿困難的路,路途中會經歷數不清的波折,

我們好可能會被要求捨棄一些一直不願放手的東西..

此外,耶穌亦要求我們應該把信仰的根基建立在穩固的地方上,

即使面對風浪與及衝擊,也能從容面對..

上帝想我們行的,是一條高要求的路..

佢希望我地能成為天國的精兵,去與魔鬼爭戰..(參弗6:10-17)

 

作鹽作光,是一件困難的事,

困難的地方在於我們需要與黑暗為伴..

更會有機會被拉扯入黑暗中..

故神要求跟隨者要有行窄路的準備..

不要跟大圍,而係要跟隨主.

與此同時,建立穩妥的信仰根基亦是必要的,

好讓我們有能力面對各種挑戰..

真理,公義,福音,信心,救恩,聖靈, 缺一不可..

 

在分享呢段經文時,我想起很多往事..

我在想到底有多少信徒清楚他們需要付代價..

當信仰"輕省"到感受不到重量時,

信仰是否變了質?

耶穌講明信仰唔係玩泥沙,係一件要抉擇的重要事..

當我們對信仰的理解只停留於有事時求神逢凶化吉,

信仰,就變成了只追求解決個人煩惱的地方.

歷世歷代,有邊個時代的信徒不憂衣食?

但係神明要求我們要有不一樣的眼光.

不單單把目光放在個人需要上..

先求他的國和他的義,然後才為自己的事祈求,這才是佢既要求.

 

我們,是否理解福音背後的沉重?

廉價恩典是傳揚不需悔改的赦免 ......

是不付作門徒代價的恩典,

是沒有十字架的恩典,

也是沒有道成肉身和永遠活著的耶穌基督的恩典

(潘霍華語)

當日上帝所傳的,是叫世上動刀兵的福音..

動刀兵是因為這道狠狠地插入人心,引致好多人受唔住..

人會用各種方式拒絕神,也會辱罵信徒..

我,真正明白我所打既野嗎??

曾經,有一位弟兄問我準備為神付上多大的代價..

我記到之前我唔識答佢..我覺得自己都做得幾好..

一年後,再次面對呢條問題,我有答案了..

"You don’t owe these people anymore. You’ve given them everything.”

"Not everything. Not yet."

我仲有好多野未交比神,仲有好多位我仲要學習擺上..

 

呢幾年係信仰的理解上,真是豐收的時間呢..

在知識上,實行上,都多左好多啟迪~

栽培雜記 4 : 登山寶訓 I

 

 

唔覺唔覺,原來我地已經查左7章馬太福音..XD

這幾星期研讀登山寶訓,別有一番感受..

平時自己睇聖經,通常都會貪快,

拿拿臨睇一至兩次經文就收工..

帶查經最有趣的地方就是自己要製造壓力比自己要用心預備經文..

如果唔係點識解釋入面既內容..

 

呢個暑假帶查經帶得好舒服..

原因係人數唔多,冇咩壓力,HAHA

另一方面,可以就番唔同人既情況/狀況調整分享既內容..

呢幾次查經,我都係繼續我的超級長氣本色..

用幾個鐘時間嘗試講我識唔所有野出黎..

章節結構,詞彙解釋,個人領受...咩都想講.

有好多分享,很想對這些小羊說..

一些觀念,早知好過遲知..

忍不住想用最短既時間去講晒呢D野出黎..

很擔心開學之後未必有咁多時間再咁樣分享..

感恩聽我講既人冇比我煩死..XD

 

今次重看登山寶訓,感受非常特別..

之前一直不明白呢三章既連繫是什麼..

現在總算有一個明確的印象..

在呢幾次預備+講解中,我最深印象的有幾點..

第一樣係有關耶穌成全舊約的律法.

一直以來,好多人都會覺得舊約好難讀..

入面既律例典章悶到抽筋,完全唔明佢講咩..

點知耶穌好清楚咁同大家講律法既重要..

我想,我們之前miss左一大堆野,以致睇唔明那些律法..

 

舊約時所定的律法,是上帝根據當時的風土人情為神的子民度身訂做的..

當中神表明了佢希望以色列人應該如何分別為聖..

神要求他們以高的準則去生活,不應該跟隨其他外族的習俗..

例如神要求他們要照顧寄居的&孤兒

在長長的律法中,神希望民眾能得到真正的自由,學識點去愛所有人..

(好想寫自由呢個題目..幾時先有本事寫.. >< )

 

可惜的是,耶穌時代既以色列人並不明白這些..

佢地只是盲目地跟隨字面甘的意思去行,

卻沒有去理解規條背後的含義..

耶穌在不同的場合指斥以色列人,

責備他們只懂守規則,卻忽略內心的品德比行為更重要..

 

(TBC)

暑期班 2 : 終結...中轉站?

 

眨下眼,一個月就過去了..

暑期班咁就完左..

真係快到呢..

係呢個月,一切事情都十分順利,(起碼冇細路唔見左XD)

不得不說這是神的保守..

 

今次的服侍,係以往咁多次對外服侍中最難的..

難在要對一班小孩子負責..

以前搞活動,通常都係成班後生仔一齊玩,

唔需要顧及其安全,只需要book好場地收齊錢就得..

今次好唔同,要睇住個場,管秩序,安排膳食,計劃outing等等..

雖然話之前都有相關的經驗,不過我仍然好緊張..

今次冇大粒人係度,即係話我地就係話事個個..=.=''

唔緊張就假..

好開心能夠同一班很有心的弟兄姊妹一起服侍..

講起上黎,我係年紀最大的一個呢..

(Ka Wing中一時我係那一年招待新生的guidance perfect,今年佢已經升大學.. @@)

幸好有他們的付出,整個服侍才能夠咁順利..

好開心能有時間同呢班年輕我一點的人合作~

一直都冇咁既機會呢.. (之前,曾想過加入他們的敬拜隊,HAHA)

我看到的是,互相支持互相補位的那份正到爆既感覺.

(突然發現,我地全部都係四眼仔,@@)

係服侍的過程,有不少反思的空間..

我發覺自己唔太懂什麼是delegation..

好多時會自動波地搶左D野黎做..

其實交比別人做係完全冇問題的,只是我冇咁做..

係服侍的後期,我都有嘗試下唔做咁多野,感覺都幾好~

 

另外,都了解到自己在體力上的限制..

作為一個夜訓人,每天的服侍也非常累呢..

小朋友的精力,真的很勁~

每日陪佢地跑跑跳跳,都咪話唔攰..

再次被提醒有好的作息既重要性..

完左呢個暑期班,都有諗到底我地可以點樣做得更加好..

第一樣,是服侍的延續性..呢兩年係暑期班服侍,

都沒有什麼follow up的工作呢..

(唯一的尾巴,是成了其中一位的補習老師.)

如果可以在之後安排一些活動見見他們就好了..

 

第二樣是傳遞..

每一年服侍的經驗,並沒有留下呢..

以致後來者又要重頭做起..

如果可以的話,應該把以往的會議記錄/活動計劃等save低,

留比以後有心服侍的人作為reference..

 

第三是有關膳食,原來這是一門大學問呢..

買什麼吃,份量預幾多,每人可吃多少...全部都係要留意的..

(依家D小朋友好大食,有D食得落一個半飯盒.. -.-'')

 

最後一樣係後備方案..

做完功課後點好? 活動被迫取消的話如何處理?

我想我們可以係這些方面預備得更好..

 

到最後,也想記下一些個人的感受..

在提出這個服侍時,我有個想法,

就是唔想做暑期工,我想做一些出來職場後做唔到既野..

計劃並參與暑期班,對我來說是一個夢想..

一個為主而發的夢..

一直以來,我的召命都十分清楚,就是小孩子&小組..

而我呢幾年所做的,大多與此相關.

在今次的服侍中,我清楚知道這兩個方向仍然是神所給我的..

如果唔係天父,我根本冇可能參與到呢個服侍..

 

求學之路快完了,我也差不多要做一個打工仔..

之後的方向又會是什麼?

我仍然冇咩頭緒..

我渴望在這三個月內想清楚..

有人問我會否參加兒童牧區..唔知點解,我一直冇咩興趣..

除了組長的職份,我要做什麼?? 會唔會係服侍大專生? 我唔知道..

(曾幾何時,我也有想過全職服侍,不過貌似不是一兩年的事吧..)

 

不可或缺的教會 2 : 唔關我事

上次回顧了過往小組的事情, 想談談一個我一直想不明白的東西..
是有關對小組的身份認同的..
個體點都會對對所屬群體有一些想法,
如在群體的身份,定位,方向等等..  (點解咁似marketing既STP..@@)
這些想法或多或少會確立了個體在該群體打算做D咩..

我有個疑問,就是如果教會真的是人不可或缺既地方的話,
那成員有冇可能抱有"教會什麼事都唔關我事"呢種心態??
後來係一些途徑中,發現上述心態真的是有可能的..

"我唔理,自然有人會理.."
"我只係想係度休息"
以上的說法,其實係咪即係表明i don’t care?
重要的,不是應該會為之付出嗎?
「唔認同都係一種認同，代表我關心。」
唔贊成,起碼都表示你有思考過,
但坐係度咩都唔理,又代表D咩?
結論或者係, 唔值得我重視/未找到重視的理由..

係商業世界,customer loyalty是每間公司都想得到的..
因為這些熱心人會主動無私地為該公司付出/擁護為該公司..
在教會,也同樣想搵到這些熱心人..
或者有少數人會自自然因為認識神而活躍於教會的事上,
不過那只是少數..
事情的關鍵,似乎是到底不同的人點睇教會..
例如我好易會覺得教會似自己屋企,自然會覺得教會的事關我事..
這種認知多少與年資及經歷有一定關係..
所以真正的問題應該是,如何令更多人成為熱心人..
我暫時想到的,只有改變認知..
講講下我覺得好似講緊國民教育=.=''
(話時話,信徒又可唔可以靠洗腦洗出黎?? 我都幾想知..)

掉番轉講,其實會唔會係教會既問題?
當組織對成員的行為沒有/只有很低的期望/要求,
人自然會用低的standard去對待..
冇同成員清楚表達委身的重要,可能才是上述思路的成因..
一個唔講委身的地方,同一間店舖冇咩分別..
人進來,要為左被serve,
customer is the king,i am the king.
錯誤的期望管理,帶來極大的惡果..
如果能明確表明成員應負的責任,會唔會好D?
聖經寫到明上帝對我們有期望,而唔係想我地hea底..


----------------------

反省信徒離開教會

*我不會花時間解釋我指的教會是甚麼，也不會仔細 define 各術語。看倌若覺得在下以偏蓋全，是一竹篙打一船人的話，那是真的，我真的是有偏見。我的文章雖然公開，其實我只是寫給三幾個要看的人看。但若然你讀出共鳴，那是在下的榮幸；若閣下讀到憤怒，則我可能是按中了閣下的死穴。*
信徒一世流流長，總有某些時間，不想上教會。有人說那和情侶的七年之痒相若，有時則像青春期反叛，有時則像鞋子進了砂。總之，解釋甚多。至於離開原因，亦是千萬。多數是因為人事，例如是有些你愛的人走了，又例如，有些你不愛的人來管你，又例如是夫妻離異，情侶分手。也有時離開教會是大家情格不合，例如我愛社運，你愛民生，大家焦點不同，和平分手。也有是比較實際的，例如是移了民。
有教牧前輩撰文談信徒揀教會，做蝴蝶信徒（在花間飛來飛去）是消費主義的影響。也有云是教會不小心上了消費主義的當，常常「以客為先」，於是教壞了信徒，讓他們也學懂了貨比三家揀教會。這些是問題嗎，是的。但我覺得這是一部份而已。
問題的核心，是教會觀。
讓我講淺白些，即係，大家當教會係咩。有領袖當教會是家，有的當教會是身體，有些視教會為保險公司，還有些當教會是唯一真理的代表。其實是怎樣也沒大關係，最重要是口裡的一套和行出來的一套一致就好。最怕有些教會口號說教會是一家，但卻常常在奉獻上「摔」信徒。
不同的觀念，就會衍生不同的領導方法。我以自己為例，在下牧會的時候，強調教會是由一群 volunteer組成的，除了受薪同工外，大家都是願來就來，難聽一點，是來去自如。講真，人要走，教會是沒有能力留得著的（有黑材料除外）。所以，我不太注意出席率，反而我覺得讓他們有感召和有歸屬感來得重要。
至於信徒應怎樣決定去留呢？我認為至死忠心，盡力參與到最後一刻，是你個人品格的表現。同時，信徒也要記住，教會是由一群 volunteer 組成的，你自己必須是自願，才有意思。
那麼，事奉人員呢？
事奉牽涉到一份責任，人家把事情拜託你做，你應承了人家，就得完成。做得好，你贏得信任和聲譽，反之亦然。所以不要問我事奉怎樣算，那是你個人accountability 的問題，也如以上所說，是個人品格問題。所以，我非常贊成事奉人員要「合約制」，那管是三個月的主日學，還是兩年的門徒訓練，或是本年的出隊佈道，全部講清楚要做幾耐，會讓大家都比較心安。
最後，給教會領袖一句：珍惜眼前人。