Institutionalized 2

上次提到,當人不得不依靠制度而生存,
制度便會成為堅不可摧的一面高牆..
我即時諗起村上春樹先生在領取耶路撒冷文學獎時的演說:

「若要在高聳的堅牆與以卵擊石的雞蛋之間作選擇，我永遠會選擇站在雞蛋那一邊。」
是的。不管那高牆多麼的正當，那雞蛋多麼的咎由自取，我總是會站在雞蛋那一邊。就讓其他人來決定是非，或許時間或是歷史會下判斷。但若一個小說家選擇寫出站在高牆那一方的作品，不論他有任何理由，這作品的價值何在？
這代表什麼？在大多數的狀況下，這是很顯而易見的。轟炸機、戰車、火箭與白磷彈是那堵高牆。被壓碎、燒焦、射殺的手無寸鐵的平民則是雞蛋。這是這比喻的一個角度。
不過，並不是只有一個角度，還有更深的思考。這樣想吧。我們每個人或多或少都是一顆雞蛋。我們都是獨一無二，裝在脆弱容器理的靈魂。對我來說是如此，對諸位來說也是一樣。我們每個人也或多或少，必須面對一堵高牆。這高牆的名字叫做體制。體制本該保護我們，但有時它卻自作主張，開始殘殺我們，甚至讓我們冷血、有效，系統化的殘殺別人。

體制,不是應該為了讓人們能在世上生活得更好嗎?
我相信,大多數的制度的原意也是如此的.
(當然有例外,如"遞補機制"這個陽謀.. )
但當創始者的精神消散,一切都會成空..
亞歷山大不是為他的帝國訂立了一套設法融合波斯及希臘的制度嗎?
但佢一死..成個帝國即時煙消雲散..
無論制度幾好..都冇可能留存到萬世.
我想,定期修改,什至變更制度,是非常合理的一件事..
畢竟,時勢不斷在轉變.. 冇野係一成不變..

就拿政治做例子,
部落,君主,法西斯,共和,民主...... 全部都在歷史中出現過..
優點缺點,全都一目了然..
現階段我覺得民主係最好..下面呢句野講得好好..
佢唔係最好,只係暫時而言最好..

It has been said that democracy is the worst form of government except all the others that have been tried. 
- Sir Winston Churchill 

未來會有另一隻更好的方式嗎? 我唔知..
不妨放長雙眼看看,對嗎?

世間之所以有政治，是因為我們希望好好活在一起。在一個資源適度匱乏而各人有不同利益的社會，要好好活在一起，就必須建立起公平合作的制度。這套制度，將界定公民的權利和義務，決定社會財富的合理分配，並公正地解決人與人的紛爭。也就是說，我們希望它不是建基於暴力恐怖欺詐，而是建基於我們能夠合理接受的理由。

……我們千萬不要輕省的說，所有制度都是人吃人的東西，本質上沒有任何分別。畢竟從奴役到自由，從專制到民主，從歧視到尊重，人類走了很長的路，無數人為此犧牲，而這中間是有極為根本的分別。

這個分別體現在哪裡？體現在制度如何對待人。這裏的「人」，不是抽象的人，而是實實在在有血有肉會受苦會恐懼會屈辱，擁有自己的人生計劃並渴望得到他人承認的個體。這些個體，脆弱但獨立，微小卻完整。判斷一個制度的好壞，最重要的基點，是看它能否給予這些個體平等的尊重和關懷，能否令這些個體感受到活得像個人。所有對制度的思考，都離不開人，離不開對個體生存處境和命運福祉的關懷。不是說民族國家宗教階級政黨這些「大我」不重要，而是這些「大我」的存在如果不是要解放人實現人，而是壓迫人異化人，我們就有理由改革甚至放棄這些制度。

這不是什麼艱澀難懂的東西。只要我們用心，我們就會看見那些老弱無依的人，那些受到殘暴對待卻有冤無處訴的人，那些因為思想而失去自由的人，那些因為貧窮而失去機會和尊嚴的人。這些人就在我們身邊，不起眼地默默活著。只要我們看見，就能體會他們承受著多大的不幸苦楚。這些不幸苦楚，在很大程度上，是制度不公造成的。如果我們渴求公義，就必須改革制度。

我們的社會，離正義還很遠。我們每天睜開眼睛，見到的往往就是強權當道貪污橫行權利不彰弱者受壓。有的時候，我們甚至必須蒙起眼睛捂起耳朵，內心才得片刻安寧。我們很清楚，這個世界沒有救世主，也不可能寄望既得利益者會主動放棄特權。要改變這種情況，必須靠人的努力，必須要有很多很多人站出來，一起去推動社會轉變。但從個人利益的觀點看，「我」真有站出來的理由嗎？借用村上春樹的說法，我們真的有理由站在雞蛋的一邊，而不是站在象徵體制的高牆的一邊嗎？

在現實生活中，我們大部份人都會選擇高牆。而我們今天的大學，基本上也成了高牆的一部份，並以為既有體制提供「人力資源」為務，而非以培養出具價值意識和反思意識的公民為本。大學離高牆愈近，愈失去她的靈魂。正因如此，我想你們真正的困惑是： 「如果我真的看到他人的不幸，感受到世界的不義，那麼面對如山的高牆，我仍然有理由選擇做雞蛋嗎？我這樣做，注定徒勞和注定活得不好嗎？」

這是求己而非責人的切身之問。理想與現實之間，好像有著永遠無法踰越的鴻溝。個體身在其中， 遂面對無盡拉扯。怎麼辦呢？我實在不能隨意的說，往高牆靠吧，這樣輕鬆自在得多。但我也不能輕省的道，做雞蛋吧，就算跌個粉身碎骨也是值得。畢竟，那是你的生命，而每個人都有自己生命的軌跡，任何選擇都會受到一己的個性能力出身家庭際遇等影響。因此，對於「我該如何活」這一實存問題，不可能有簡單劃一的道德方程式為我們提供答案。
-  周保松  <走進生命的學問>

成篇野都好似係轉貼添@@
雖然係以政治做例子,其實我心中都有想有關教會的..
小組制度都行左一段時間了,
到底我們又應走向何方?
很怕小組會成為了一面高牆呢..
作為小組的一分子,我們又應點去把這制度發揮得更好?

在此以一條問題作結:
「若要在高聳的堅牆與以卵擊石的雞蛋之間作選擇，你/我會選擇站在那一邊 ?」

 

 

==========

延伸閱讀:

堅持。

事奉 -- 接班人

好多時,人總會習慣邀請人做司事/禁powerpoint作為事奉的第一個post..
點解? 我想大家心知肚明.
這是好事嗎?

今日唔想講post既不同..想講搵人事奉呢樣野.
我覺得,鼓勵人事奉同老屈人事奉只係一線之差..
我了解你,邀請你去事奉,呢D叫鼓勵
我唔多了解你,邀請你去事奉,呢D叫老屈
永遠都唔夠人事奉..呢層我知道..
只不過,事奉其實唔係一件簡單既事..

事奉,可以話係做一份冇$既長工..
如果唔係真心認耶穌為主, 邊個會做?
我覺得,人願意事奉係好大件事..
代表我願意為左天父的緣故,獻上自己..(獻多少,係另一個層面既事..)

如果有人係在傻下傻下既情況答應左服侍既群體..
情況真係唔敢想像.
我肯定佢好易會死..係心靈上既死..
因為事奉會變左為做而做..

下面呢篇文,係trigger我寫呢堆野既罪魁禍首..
有時間就睇下吧~~XD
關於事奉,真係有大把野寫呢~

謹以原文最後一句話作結:
接班人，是生命建立的薪火相傳；
薪火不相傳，我們要想想，我們有多少時間用了來建立別人的生命。

又是思考接班人的季節了。
有關於接班人這件事，記憶中的都不是好經驗。

大專的時候，上年的團契區長一天找我談，希望我接任做下一屆的區長。
那時，我還不是很有興致返團契。
最後因為不想推卻人，也希望幹點事奉，我接下了。

到底接下了是一個磨練還是一個悲劇，我也不好說。
不受擁戴的一個領導，一個團契由幾十人吃飯，
變到計埋遠渡入來校園吃晚飯的導師，只有四個開檯，差點不夠人打檯麻雀。

我其實根本不知道怎樣去帶領一個團契。

那年頭，沒有人出聲怪我，大家用腳投票而已。只有我怪自己。
如果那年我不是自己把心態硬扭過來，說服自己事奉不是看果效而是看忠心的話，
我應該以後都不會再返團契。
或者不返教會。

我心裡一直覺得，一個群體的接班人，好像皇帝一樣。
不是說他很大權，而是一個皇帝是好人還是壞人，根本沒有一種很能評估的方式。
這一個很能幹、很有魅力，下一個可能是一個畏首畏尾的窩囊廢。

為什麼會是這樣呢? 我想了很多年。
這年頭才隱約有點想法。

一聽到「是時候找接班的事奉者」，這件事在教會，幾乎是一宗大禍患。
教會的長執事奉者，突然間個個變了厲鬼，追住人來咬。
「千祈唔好走過來搵我。」每個人心下都是這樣嘀咕。
我沒說錯吧，因為我直到今天也是這樣想的。

教會希望教育弟兄姊妹出來事奉，
因為「事奉是福氣」、「可以從事奉之中領會耶穌彼此服侍的愛」。
但我們眼所見，事奉不單可以不是福氣，還可以是壓死人的重擔；
所謂彼此服侍，這不是實情。
實情是能者多勞，見你瓣瓣精，所有東西都是找（靠）你負責，
然後事奉者不要說被支持，連肢體們一個配合的動作和留言也沒有。

不要誤會，我不是說我現在是這樣；（好些共事的伙伴我是非常欣賞的。）
而是做過事奉一段日子的人，都很可能會有過這些感覺。

事奉者被壓了，透不過氣，好不容易捱到任期完了，
這個位子肯定是不可以再坐下去的了。
為了可以脫身，好歹要找一個人頂上來。
於是周圍打電話、搭膊頭，總之見你好人屎，能做點事，
會議上就會提出來：「不如搵呀邊個啦，佢應該都適合喎。」
適合。什麼叫適合? ── 這是奧秘來的，不好說。

後來不少教會學精了，搞了一些像樣的組長訓練。
希望先「裝備」事奉者，不一定要立即決定做組長，
但日後就可以從這個池子，找出可以擔當的人。

我也曾經幾相信組長訓練，但究竟訓練甚麼，就很顯出究竟大家在怎樣思考問題。
搞不好其實也是沒用的吧。
怎樣才是沒有用的訓練? 這個問題很深，一時間答不上。

很久以前，我上過一次只有不斷查經的組長訓練。
我那時覺得，那簡直是很荒謬的做法。
查經是認識聖經，深化靈命，但不等於我會學懂怎樣做組長。
訓練還訓練，我來是想要有做組長的各種知識技巧和心態的講解。

後來，我又上過另一次比較強調技巧的組長訓練。
但那些所謂的技巧，個人未必每件都同意，
而且實習起來，變數太多，                                                                                          而且似乎沒有了一些很重要的元素，
我覺得好像在聽一些很膚淺不入腦的紙上談兵。

後來我都不知道究竟怎樣的訓練才適合自己了。

後來我又膽粗粗去做了團契的帶領者。
事情也沒有比想像中好多少。
問題一樣是多，不少人也一樣是用腳投票。

不過多得工作的地方，給我的靈命造就實在很豐富，
所以我可以從另一個地方，吸收很多新的領受。
否則悲劇很快又會再上演。

這年頭很努力地想很多事情。

找接班者，是事奉者的責任。
所以，未找到一個適合而又樂意分享重任的人之前，                                                 不能輕易言退。
因為這樣，只是把一個難以扛起的困境，堆在另一個人的頭上。
要別人重覆你踏上的「苦難」，這就是基督徒的心腸?
總之不是值得欣賞的好心腸。

弟兄姊妹的眼睛是雪亮的。一眼就知你想點。
壞心腸，只會令人產生很大的反感。
但我們包裝的是神聖的口號和糖衣，好難拒絕。

我真的不只一次見過有人做完組長之後連教會都唔再返。

最反感就是周圍搵人頂替的做法。
我不是說那些人很衰，但那很明顯不健康。
但那又應該怎麼辦呢。

這些年頭，我覺得不是太多人有觸動去扛起其他人的生命，
講白點就是「唔上心」。
他們會鼓勵你做事，給你訓練，                                                                                     但很少人會希望花時間去了解你整個人。
有些時候，因為身在崗位上面，是要被勉強去達到崗位的要求，                             就是要多關心人。
其實「下班」之後是不是還真的很想這樣做，大家都明白。

當大家都視彼此關心是一個使命，                                                                             而不是發自內心的觸動的話，
這就是一切問題的開始。

承擔別人的生命，可以是好重的擔子，甚至是太重了。                                       放過我吧。
其實也不是很重。或許是心態的問題。

也是生命素質的問題。
有一點很肯定，人的栽培，需要花上時間。
更需要有從上帝的靈的感動，希望可以為某個人幫上一點什麼。
不要功能主義，不用博愛濫愛，只是聽從上帝的帶領。

一個群體是很需要這種原始的感情流動。呃唔到人的。

接班人，是生命建立的薪火相傳；
薪火不相傳，我們要想想，我們有多少時間用了來建立別人的生命。

幾時都是思考接班人的季節。

<生命規劃及成長歷程>

今日呢一篇係為左余牧而寫既.. HEHE

今日岩岩上完最後一堂<生命規劃及成長歷程>  ..打番少少總結先~

其實起初報呢個course,我係以為係一D類似life planning既course..

點知..完全搞錯晒..@@

好耐冇上過8堂咁長既course了,真係唔多習慣..

不過最後都堅持到,XD

之前都寫左一篇,不過冇咩點寫領受..

 

 

我會以呢3條問題作為主軸去記低我既一些感受..

Q1: 呢個course上左D咩?

Q2:有冇刺激我的思想?

Q3:有冇建議?

 

A1:

透過學習不同的理論去理解信徒如何成長,

並嘗試了解自己的弱點如何影響我作判斷..

 

係咪唔知我寫咩@@

簡單黎講,呢8堂用左經文,學說,理論等等介紹人係點樣成長,

同埋會受D咩因素所影響..

當中亦有一些環節係讓各個參與者了解自己既bias..

因為bias會好影響我地點理解同一件事.

 

A2:

要講領受..我諗有排寫><

都係揀其中幾件黎寫吧..

 

第一樣係...到底基督徒點睇成長?

是否所有事情都可以成長?

我對此有所保留..

我有個想法,就係不能誤以為所有事情都可以成長..

假設我十幾年黎都係咁怕做手術,係咪姐係我要"成長"到唔怕?

唔係所有事情都有成長的空間..

當然,邊D可以/邊D唔可以.  我仲未有一個完整既答案..

(呢個好似係成長神學所探討既其中一個課題..)

 

第二樣係..繼續正視自己既bias & 既有想法

我之前都講過,我係一個看價值觀很重的人..

係呢廿年黎,我建立左一堆想法/價值..

係我亦努力去持守這些東西..

無形中, 呢D野都變成左bias..

點樣取一個平衡? 好難..

意識到呢樣野,但係仲未諗到點做..

我諗, Empathy應該係最有用既武器..

仲需要再諗..

 

唔寫住嚕...暫時只係諗到咁多

A3:

介紹不同學派&理論那兩堂比較辛苦.因為需要不斷背一堆野落肚..

如果可以分開介紹會比較好..

同埋我想有多D好似今堂既case study..

好多時係知好多knowledge,但唔係好識點apply..

 

 

 

==========

浩然:

is it possible? @@ 我會諗,其實一定既institution都有好處既..

 

BC:

你明就好~~ :D 

你幾時得閒先~

Institutionalized 1

These prison walls are funny. First you hate ‘em, then you get used to ‘em. Enough time passes, gets so you depend on them. That’s institutionalized

監獄裡的高牆實在是很有趣。剛入獄的時候，你痛恨周圍的高牆；慢慢地，你習慣了生活在其中；最終你會發現自己不得不依靠它而生存。 這就是體制化。 <The Shawshank Redemption>

 

在人類的發展史上,體制/制度應該佔一個十分重要的位置..

無論在政治,經濟,社會,宗教等等的層面,都離不開制度.

先行者依據當時的情況,個人的信念等為後世定下一套可持續運作的方式,

把行之有效/奉行的一套定為正統..

令後人有一定之規可作依循..

 

可是,大部分的後人都錯誤的以為這些制度真係可以千秋萬載..

制度的核心--理論/價值被逐漸遺忘..

只剩下制度的外表-- 運作方式存留..

舉一個例子.利未記紀錄了一大堆的條文..

而法利賽人只懂依書直說,卻不明白背後的含意..

(最近剛看完Richard Bauckham 的The Bible in Politics, 有些少領受.XD)

無論條文多麼不符合現世,也沒有人願探討並尋找能否作出改進.

 

更可怕的,是上位者/既得利益者會盡其所能去維護此制度..

並阻止任何人去破壞這制度..

後來者只能選擇加入這個制度,或是與之為敵.

加入這個制度,不一定代表必定會獲得利益..

相信及奉行制度運作的法則,也是加入的一種方式..

而我們大多數人,也是如此..

無聲地成為了制度的一分子.

 

由於大部分人都害怕不跟隨制度的話會損害個人利益.

故個個都會希望力爭上游,從人群中脫穎而出, 成為制度中的獲利者..

當個個都是如此時,制度便穩如泰山了..

因為... 人不得不依靠它而生存.

漸漸地,制度成為了堅不可摧的一面高牆..

 

(To be continued)

屈.屈機

 

我發覺自己都幾憎比人屈..

唔係唔鐘意..係憎.

做錯野比人話,自找的;

冇做錯比人屈,就不是這樣的一回事了..

 

偶然間發現左我既一樣習慣比人放大左無限倍..

我係唔鐘意食有骨的食物既..特別係食魚.

次次食多骨既魚都搞到勁麻煩..

想食好野姐..咪食第二樣囉.

當然,豬扒牛扒呢D就完全冇問題啦~

 

點知..呢個preference被屈左做"我懶,所以唔鐘意食任何有骨既野"

頭一次聽,我已經奇怪係邊個講出去的..不過我冇同人解釋..

點知..今日我終於知道呢個傳言係點傳出去..

我個個moment即時爆左出黎..

因為我被屈機了..

結果,當然係比人話我唔岩啦..

話我語氣唔好.成件事咁就完結了.

 

我好怕同屋企人有爭執..

因為每次都唔係講道理..

作為小輩,可以用道理講服長輩既機會基本上等於零.. =.=''

佢可以出超必殺技盡情攻擊,

但我就絕對唔可以還手..

我唔可以要求停戰..只能被動按招..

我唔想"討論", 就會比人話我唔溝通..

到我想"討論",又會話我脾氣有問題,唔想同我傾.

簡單黎講,即係比人禁住黎打..

 

我真係好唔gur,你地鐘意傾閒計好正常..

但係都冇理由強行加一個罪名比我架..三人成虎阿兄台..

咁多個墟係我身邊..唔怪得知呢D流言會傳到咁..

我想唔死都幾難啦.. ><

你鐘意吹水係你既事..

但係點解要拉我落水?

我想解釋都冇用..因為已經被定形..

 

 

====================

2個version都好好聽!

冇得唔post啦~~

城市 . 不捨

其實,我已經算畢左業了..

不過,放假後仍然會返下去City ..寫blog,睇書..

唔知點解今日返去,特別有不捨之情..

 

其實我都係在此留左兩年姐..

點解會有咁既情緒?

以前係銀禧讀左5年,都冇咁大感覺..

反而對NDC同呢度有大D既情感..

係NDC,終於覺得自己唔再係一個過客,而係一個參與者..

(係銀禧唔係冇參與既,不過感覺冇咁濃烈..)

只計校園生活的話..預科個兩年,回憶好像比以前那5年更多..

 

至於City..感覺就更大了..

在這個地方,我唔止係讀書..

正確黎講,我係在此生活.

係屋企都冇stay咁多時間..

飯堂,圖書館,小徑...

實在太難忘..

很想寫下一些東西,更卻不知應該打什麼..

可能係因為今天有點累吧..

遲下再記吧..

 

除非有神績,否則我應該唔會再stay係city了..

九月將會去一個新環境stay一年半..

唔知到時又會點呢..

趁張學生證未過期,都係返去多幾次先~~

 

 

A-Lin 你真係好掂!

 

 

RE winki:

用左一個星期慣唔慣阿~~

我真係勁鐘意用evernote.,XD

中庸

 

無名困螻蟻，有名世所疑；

中庸難為體，狂狷不及時。

《詠史詩》-- 袁宏

唔知有冇人睇過呢個作品?

這首詩的意思是沒有名聲者會像螻蟻般被人踐踏，

有了名聲又被人疑忌，

中庸之道難以把握，

過於極端則會被人唾棄。

換言之,即係世途險惡，進退兩難...

自每次重睇邊荒傳說都會想post呢句出黎..

(另一句係無可奈何花落去，似曾相識燕歸來~~)

呢首作品用左四句就寫出左世途的複雜..

有邊個唔想出名/有成就? (雖則依家冇成就都可以出名..)

在(中國的)古人眼中的成就是做官,寫文學作品..等 

依家既人又點睇成就, 又係咪一定要係功名?

會唔會變左做有拖拍/搵好多$/好多朋友 ?

出左名,又會有新的困難..

比人妒忌--實會..不招人忌是庸才嘛..

面對結黨/人事-- 有人就有呢個問題..呢個真係無解 =.=''

個個都話中庸係最好..

但係點先係中庸? 現代人似乎早已順手曲解左個意思..

對我而言,在兩個點之間選擇一個平衡點就係中庸.

唔一定要在正中間..只要唔係只偏向一面就可以了..

每個人都有其認為的最佳選擇.. 個人認為..

狂, 可否理解為比較有個人風格? (偶爾曲解下詩詞都幾好 XD)

極端,也可以係優秀既另一個解釋..

狂,通常都係屬於小眾的想法/喜好..

非我族類wor..仲唔係罪大惡極?

預左會比大眾不理解,排斥,什至消滅..

所以話呢.. 做大眾一定係最安全..

因為大部分人都同你一樣..

只要穩穩陣陣,咁就可以處於人群中..

前幾日睇左X-Men: First Class,

入面既變種人因為與常人唔同,最後竟然被美蘇兩國圍攻.(劇透添.HEHE)

係真實既世界,又何嘗唔係咁?

下回再續

 

RE winki

evernote唔係相簿黎架..

有冇試過 picasa/ photobucket ? 

需要say no時,勇敢say 吧~~HAHA

承諾

 

有時會諗..到底信用是否已死..被我地親手殺死..

口齒,係呢個年代都幾唔值$..

政客最叻就係在選舉時開空頭支票..

然後在下次大選解釋點解做唔到..

我地..快同政客一樣了..

講好多空頭支票,卻不斷break promise..

 

合約的出現,相信與有好多人唔守承諾又莫大關係吧..

否則,點解要白紙黑字列明一切條款?

(我說的,是合約的精神...)

要是個個都守約,那合約應該不會出現在地球吧..

 

古人說「一諾千金」,是否意味佢地非常重視實踐承諾?

又或者可以用另一角度想,他們應該不會輕易比承諾..

現今的世代,又是如何看待承諾?

我會覺得同食生菜冇太大分別..

講一句「好」好易

但係找數時,可以閃得快過光速.  =.=''

 

依家唔多鐘意比promise..

寧願令人失望(又或者,根本唔會)都好過應承左到時做唔到..

在我腦海中,有幾個承諾係好深刻的..

一個係應承會對佢同佢既一家好..

一個係唔會放棄..

一個係會keep住呢段關係.

守這些承諾,真係好難..

講既時候可以好有霸氣..

1個月..2個月...1年... 5年之後...   仲可以守到嗎?

 

呢句野,用黎做ending就最岩

 

 

 

=====

RE winki:

換? 你之前用開D咩架?

我會繼續寫其他好用的software / service的~~XDD

Evernote – 記低事物的好幫手

成日寫blog都係打心情,為左訓練自己,試下打多D唔同既野先~ XD
開新blog之前已經諗過,想試下寫一D平時少寫的東西..
諗到一個好題目: 就係講下自己用緊咩online services/software ,HEHE
第一個想介紹的,係Evernote.

• Evernote：http://evernote.com/
  
• Evernote 4.3 windows繁體中文版軟體下載： http://www.evernote.com/about/download/windows.php

呢個係佢既官方介紹影片

話咁快都用左Evernote成半年有多了~
以下呢幾個係吸引我繼續用落去既原因~



Evernote可以用黎記低任何你想既野..只要係諗到、見到定係體驗到的,
Evernote 都可以記住。仲可以用唔同既方式添~
除左最基本的打字之外，仲可以用手寫,影相同埋錄音去制作筆記~~
(我通常都係打字 & copy 幾張圖片 @@)
另外,Evernote仲有好方便既工具(Especially Google Chrome 既Extension !! )可以剪貼網頁既內容、desktop畫面、各種software中的內容到Evernote。
而我仲可以根據自己既方法去將D資料分類/加tag..
可以好方便咁做knowledge management..
呢個就係我既Evernote:





呢個係我非常鐘意既feature,  就係跨平台~~
係呢個smartphone/tablet打橫行既世代,
相信有不少人都會在唔同既device上操作吧~
Evernote勁正,佢支援大部份市面上既電子產品..
無論係Windows,Mac, iOS , Android, BlackBerry, Windows Mobile..
全部都可以安裝相應既Evernote ~~
即係話只要有一個account,就可以連線去唔同既device上面睇所有既記事!
如果唔想裝Evernote亦可以,直接係網上用都得,
無論係邊部device做過改動,都可以係所有device更新番, 係咪好方便~

Evernote可以應用的方向可以好多，
有人會用;黎記低網頁資料，有人會用黎低一D idea，
亦有人會用黎規劃待辦事項，或者用黎做相簿、錄音software都得~~
而我就主要用黎收藏一D有用既文章.. 無論係咩範疇都好.
我想建立一個小型既database呢~
因為Evernote既彈性咁大，所以每個人都可以玩出自己的方法~
如果有興趣,可以睇埋延伸閱讀既文章..
我就係從呢位人兄身上知道Evernote的~~


延伸閱讀:

EverNote 3.5 雲端同步筆記資料庫新版軟體詳解，支援中文搜尋

Evernote 4.1 新增繁體中文、資料夾群組，與我的筆記整理方法

Evernote 的Google Chrome套件總是很酷，新增自動擷取主文

Evernote 網頁端改版，快速新介面、資料夾群組、單則筆記分享

退修.心疲 2 : 比較

今日想打埋退修時既事..

其中一樣係分享左我一直以黎既一樣掙扎..

就係我會與人比較的..

 

舉個例,當係一起事奉時我既partner的行徑被人讚賞時,

我會有唔舒服既感覺..

點解做係一齊做,但得佢比人讚?

我做既講既,同佢又有咩分別?

唔係因為佢有..又係因為我冇..

 

當我發現左呢樣野時,我係唔多開心的..

因為我發現自己原來係一個咁既人..

一個咩都要同別人比較既人..

我想,我在乎的是被人認同的感覺吧..

冇被讚,自己就覺得好像冇被認同..

 

我會想,到底我仰望的是誰呢?

事奉為的是人定係上帝?

神先係派成績表個個,人地講咩,何必咁在意?

道理,五年前早已懂得..

但我仍未做到..

仲係未突破到呢個位..

 

我試過同一個人講有時我會妒忌佢.佢呆左..@@

有時,都需要自己motivate下自己呢.

需要提醒自己事奉既目的為何.

我諗,自己其實都幾似浪子比喻中既大兒子..

只看到沒有的,卻忘了自己有的..

"You are with me at all times, and all I have is yours"

呢句係非常合時既提醒..

 

要處理渴求被認同的問題..

應該複雜過搞兩彈一星..  ><

如果自我價值唔夠高..應該搞不好吧..

偏偏,呢樣係我既死穴.. =.=''

Much to learn, I still have

 

在事奉中,開始覺得面對上帝係幾難頂..

難頂在於同佢有親密相處的過程..

我三番四次大大聲係神面前同佢講要被主所用..

求祂塑造佢成為合用的器皿..

而佢又真係聽呢個禱告,親手揭開我黑暗的地方..

做過咩講過咩諗過咩..佢知得一清二楚..

(不再約會呢本書中,作者曾經提及一個scenario,真係勁屈機..)

最唔想比人知既野..佢都知..

佢最清楚我應該改掉什麼..

 

呢個過程真係辛苦過reengineering.

因為唔係被格式化..

而係在自己甘心的情況下被fine tune..

如果係格式化,咁應該叫無痛改造.因為係推倒重來.

但係佢唔係咁..咁即係話佢看重我跌倒的經歷/我的不完美嗎?

 

被天父調教,真係好辛苦..

有時都幾迷茫..

但這是必須經歷的過程..

耀基尋晚話,靈命的歷程只有兩個,非進則退. 冇得話企係中間..

不想向後,就惟有向前吧..

我估,呢個過程應該會持續好耐..

太多dark side了..

 

什麼是信心？

今晚碰到一個老朋友，在街上聊起來。認識了她超過二十年，她一直都是信徒，但按我所認識，一路以來，她都不是熱心上教會的一類。今晚一見，她的口吻完全轉了，是很標準的基督徒口吻。分別之後，我就想：「嗯，其他我當年也曾為妳的信仰生命祈禱，希望妳熱心投入教會的。」
心意一轉，我就開始想到信心這個問題。我當年為她祈禱，當下甚麼也見不到，後來大家各奔前程， our of sight out of mind，禱告也懶了。我「假設」神是回應了我的禱告吧，她今日是一個熱心的信徒了。我就想，信心，究竟是怎樣的一回事？甚麼是有信心，甚麼是沒有。
我想，其實最有信心的人，會不會就是最唔恨*睇到野*的那個人？如果我們的禱告是有「限期」的，又怎樣？例如，我祈禱邊日邊日唔好落雨，咁我們的信就會鎖定在「那天是否落雨」的結果。若果我們的禱告沒有時限，則我們就要等。
但是，這樣的想法都好輸打贏要嗟。唔得，要再諗過。
信心，就係基於上帝的應許，你去相信某些事會發生（或不會發生）。信心大的人，就是堅定相信所祈禱的事會成就的人。但是，有時候，事情成就與否，其實和信心大小沒有很線性的關係。有時候，一個有很強判斷力的人，也會成功預測事情的走向，然後按走向*祈禱*，那樣的人，大家都會覺得他的祈禱是很有信心的。但說真話，那其實是經驗。經驗正正就是信心的相反一面。
另外一問，信心的禱告，等如很具體的禱告嗎？這一點我也不能太肯定。例如，我的禱告假設是：六四要平反，推翻一黨專政。夠具體嗎？不夠，那麼我再具體一點。天安門死者要得到賠償，中共要向每一個死難者道歉……更具體了吧？但是，我想一般人祈禱，不會去到這樣的具體吧。我個人是很抗拒這樣具體的禱告的，因為，你是禱告，用不著教上帝做野吧？
另一個極端，是籠統。再以六四為例，籠統的禱告，就是「主呀，願你的心意在中國成就」看似很謙卑，很合神的心意，但這壓根兒不是聖經禱告的典範。聖經的禱告，似乎不會這樣犬儒，而比較傾向具體的。
那麼，我們得到甚麼呢？甚麼是信心呢？ 怎樣的表達才是有信心？會不會就是連甚麼是信心的確定性也捉不緊，才是信心的本質？就是無任何憑證之下，一種驅動人相信 everything will be alright 的「力量」？我也說不準。
最後，我想說，就是其實信心是完全主觀的。有點像鍾意一個人一樣，講得太具體，就失了味道。這是我掙扎一輪後，沒答案的答案。

 
一講到信心,即刻諗到呢句: "信是所望之事的實底 是未見之事的確據"
咁即係點?
我諗到2個可能的想法..(應該仲有,不過暫時諗唔到..@@)

1. 在未知清楚一切資料之前已經信任
   
2. 根據以往的資料作出對未來判斷

 
如果我清楚知道我咁做會有某結果而我去做..呢個唔叫信心..
有信心,係因為相信神必掌權,故願意在前路茫茫的情況下仍向前行..
除了建立在神身上,也有其他可能性..
我信我的朋友,所以我會跟隨佢既suggestion去做某事..
這信就係建立在對佢的信心上了~
(我呢篇主要係講緊對神既信..所以不在此詳談了)
 
點解會有信?  不就是曾經在一些事中與主有過同行的經歷,
所以會相信佢會同樣在下一次與你同行嗎?
即係話信心唔係憑空而來的..
理論上黎講,資深既信徒應該是最大信心的一群吧..
因為佢地有大量與主同行的經歷..
理論上..
 
信心這個課題很複雜..
應該係除盼望與愛之外最需要探討的topic吧..
(參林前13:13)
原本不打算寫這主題的,不過見到上面篇文章..
所以心思思打幾句...
 
對於信的含義..暫時冇咩貨仔係個腦..
睇緊一本講政治既信仰書籍.所以冇心機諗其他野...
遲D再寫過吧,HAHA

退修.心疲 1

今年係我第三次同組長導師們去退修camp..

今次係最少人的一次呢.. (其實都有成三十幾人,HAHA)

 

今次係去烏溪沙青年營..

多少都有一點物是人非的感覺..

四,五年冇黎了..和以前比,自己也變了很多呢.

當然,也有其他..

 

今次其實係最唔想去既一次..

因為我預計會好悶..(D區得好少人去><)

我什至諗過帶部電腦去.

點知,經歷比我想像中多很多..   不,係太多.

 

在入camp既過程中,天父透過一本書提醒我..

本書其中一篇係講以前的詩人在面對不公義和患難時佢地點向神呼求

一路看,當中的原則與我之前領受的竟然係完全一樣 =.=''

 

到夜晚聽道..我繼續聽到好多野..

jacky提到小組成員如果已經太熟,就會變成一個自給自足的群體..不願與別組相交

而能/喜歡跨組與別的肢體相交的人,又可能會與原有的小組唔兼容..

我想,這不就是iOS  vs Android 嗎?

點面對好? 靠xda & developer吧,XD

係最後的唱詩,有一句好觸動我..

就係 ‘I can’t afford to stay the same.’

我一路聽,一路想起自己的一些領受..

真係唔想留在原地呢..這不是我既目的地.

 

之後去左吹水..吹左3場..

第一場係同jacky,james,oreo,賜,浩然,mark,日天傾計..

james既分享,實在非常感觸..

以前,他是我的導師;

現在,他再次回到kainos做導師.

我看到的,是上帝如何在佢的生命中與他同行.

佢話依家既我同以前唔同左..

冇左以前既閃縮&冇自信.. (連原因都講中埋! @@)

佢係第二個咁同我講既人呢.

好多事自己真係唔會留意,反而係身邊既人睇到..

 

第二場係同青C班男人吹水..

講下牧區的氛圍,小區的差異,未來的發展,做見證的經歷,等等...

咁就傾左兩個鐘..

Sosin講得幾岩..我地真係冇一個鼓勵談信仰的氣氛..

我地會講有咩感動,有什麼煩惱..但卻好少傾信仰的疑惑..

仲有一樣,就係好多事奉既組長/導師都係做到好攰..

一個頂幾個位,仲要係長年累月咁..都咪話唔辛苦..

多謝bryan答左我一個我困擾左一排的事..我的爆seed計劃可以無限期擱置了.

 

最後係與joseph既聊天..

呢個係最唔舒服的一次既傾計.

佢問左我一些事,我答不了..

答案唔難..關鍵係我是否真正認同&願意實行..

事奉預左要付出,呢層我明..

但係要付出幾多? 我又願意付幾大既代價去為主而活?

佢提出的代價,我實在付唔到..我什至會認為,大部份的組長導師都做唔到..

我會諗,真係要做到咁先去做那事奉?

我唔係想搞一個大的事工,我只係想做D野姐..

需要有咁既心理準備? 如果呢個係standard,咁我一定fail..

只是,這真的是standard?

律己以嚴,就要去到咁?

 

在你慈恩裡，願讓我更新、改變。

心中的一切軟弱，全憑主愛大能。

 

 

 

(To be continued…)

六四事件廿二週年

六四至今已經有廿二年了.
細個時唔係唔知有發生過呢件事,不過冇咩特別感覺..
人大了,懂事了.回看這段歷史,驚覺原來這件事對中國的影響是如斯巨大.
一代的知識分子被摧毀殆盡,
一代的希望被徹底消滅.


眼看我愛的祖國發展一日千里,經濟發展異常快速.
但人心的失落,人性的沉淪.
卻是任何物質都不能遮蓋的.
看了以下的中國人民的一日三餐,相信你會明白在祖國生活的美好:
「早起，買兩根地溝油油條，切個蘇丹紅鹹蛋，冲杯三聚氰胺牛奶，吃完開錦湖輪胎的車去上班。中午，瘦肉精豬肉炒農藥韭菜，再來一份人造雞蛋滷注膠牛肉，加一碗石蠟翻新陳米飯，泡壺香精茶葉。下班，買條避孕藥魚、尿素豆芽、膨大番茄、石膏豆腐，回到豆腐渣工程房，喝點甲醇勾兌酒，吃個染色饅頭。然後躺在甲醛四散的床上，蓋上黑心棉棉被，心滿意足地睡個好覺。」

這是一篇在網上泛傳的網文,我看到的,是無盡的無奈,及內藏的憤怒.
這是怎樣的世界?
我們能上太空,也能舉辦世界級的活動,
卻沒辦法保障人民的生活..

我知道六四縱使沒有發生,
我國的發展也可能和現在一樣.
不過,我信一件事,就係只有願意正視歷史的民族,才是一個值得人敬重的民族.
特奉上一段禱文作結束

六四廿二周年聯署廣告禱文

民主終不悔　薪火永相傳

創造天地萬物的上主
掌管歷史的三一真神
在這陽光亮麗的六月天
我們向祢禱告
當世界的天災地震禍害連連
遠方的戰爭衝突呼嘯處處
求教我們恆存感恩的心存活
不要忘記別人身心的痛苦
感同身受地分擔憂患　分享資源
確信上主會在苦難中與世人同在
因為聖子耶穌基督也曾道成肉身
經歷人艱　施恩憐憫　安慰扶援
上主啊！我們沒有忘記
八九年那一頁傷痛的歷史
今日仍有人在抑壓與屈辱中活著
國家雖已進入繁榮盛世
卻容不下誠實和問責
在追求經濟成長　維持穩定的前提下
多少人的聲音被壓下去
多少人的身體被關押起
更多人的恐懼與善忘
留下更少數人去承受壓力
經濟的狂飆掩不盡人心的荒涼
喧鬧的繁榮換來了無聲的中國
我們只祈求　民主法治的呼喚
自由公義的風聲
在維穩的低壓下
能在神州大地吹送
吹不熄　掩不盡
因為仍有上主在天上垂顧
上主啊！
求祢賜下平安　勇毅　
堅定　無悔的心志
教我們珍惜身處自由的土地
讓民主的爝火薪傳不熄
和諧的社會需要包容與接納
經濟的增長需要公平的底蘊
深信民主　自由　法治是國家邁向
長治久安　均富康強的基礎
不管天有多黑　路有多長
上主的慈愛與公義就有多長
縱然困乏疲累　我們還是會走下去
願主旨成就
願天國早臨
奉基督耶穌的聖名祈求　阿們

 

-------------------
延伸閱讀

練乙錚：忘卻六四、懷疑六四、修正六四

冇相處冇真相

「seed呢，＿＿＿？」

我想講既係,冇證據(seed)的話,咩都係廢up..

(這裡有原來的解釋. =.=')

 

前幾日同朋友傾計,發現佢認識我的一位朋友..

佢話直覺認為我地係同類人.仲話估我地應該幾frd下..

我個時即刻答左一句 : 冇相處冇真相.

即刻比人話我高登上腦@@

 

其實係有感而發既..

好多時自己都係憑第一次相處時既表面感覺去判斷別人係好定唔好..

(唔好睇少first impression,真係好重要..

Y combinator只係用10分鐘的見面去決定會否投資個間start up..HEHE)

現在,我不再這麼肯定我的做法了..

 

曾經有些人,表面上同佢相處都幾唔錯..

點知..相處耐D就出事了..

不是大是大非,而係從一些不大不小的事上看到佢的為人係點..

學某君講,呢個世界真係冇咩大奸大惡既人..對嗎?

不過我接受唔到呢D價值/行為..

 

好記得有一次比人扇左一次..

個下真係好嬲..我係咩都唔知既情況下被陰了.

從此,我就好唔鐘意佢..

共患難唔係問題,但冇理由係我唔知情下迫我獨自去食隻死貓..

 

當然,也有一些係一開始冇太多相處,

係後來唔知點解就好熟好多野講..

人大左,同有D朋友反而有多幾句傾..

當然,timing係一個好重要的factor..

尋日睇一個blog..

佢話自己係因為check-in功能而同一D朋友有多D connection@@

我自己,其實都有差唔多既經歷..

除了時機,籍口亦係keep關係既其中一個絕招..HAHA

(這可是面對存在感這個大敵時既好武器~~)

 

交朋友,還是相處多點才決定點對待佢吧..

有些可能是外表超令既蘑菇,完全係只可遠觀..

有些可能係臭豆腐,鐘意就鐘意,唔鐘意就唔鐘意..

有些可能係燒雞翼,色香味俱全,不過食得多會熱氣..

(一時為食,用晒食物就比喻添XD)

其實,我只係想搵一碟叉燒意粉...

相識滿天下係好,不過我應該做唔到..

知己有幾人就已經很不錯了..

 

下次我真係要知規矩了，^~^

畢竟,中伏並唔係一件開心既事..

冇相處既關係,與巴比倫既空中花園冇太大分別..

 

===========