一場夢

You , 唔係一個人,而係一段消逝了的......

 

我望住你.. 我發覺我唔知應該講咩..

心中有千言萬語,卻什麼也說不出口.

我好驚你會走,但係我又唔知係呢個moment應該點好.

靜默,成了這個時候唯一的選擇.

 

最後,我發覺自己在不自覺時抓住你的手..

點都唔肯放手..

那一刻,感覺很奇怪..

就是有點不真實的感覺.

 

然後,我醒了.

 

==================

醒左之後,我發呆了一會..

因為那夢境所涉及的太真實了..

真實得令我害怕.

這似乎係我心所想的投射..

 

"你"是誰?

我想,這是一份回憶..一份在我心中被理想化了的回憶..

在那時, 一切都彷彿十分美好,日子無憂無慮..

只是,點解你的樣子會出現在這個夢?

我真係唔明..

或者,我根本就心知肚明到底發生緊咩事..

 

可以咁講,呢個係我既一個軟肋.

一件incident,一段時光,一個人...

而你,成為了象徵...

 

應該點樣面對呢???

 

 

 

其實呢首歌,也可以被了解作另一種意思..

要搵一首歌表達自己此刻的想法,實在太難.

畢竟,這只是別人的歌.

 

別人的音樂,永遠也取代不了由我手所寫的文字..

我手,真能寫我心?

我不知道..

但是起碼,我會嘗試去用此方式去表達真實的我..

我的文字裡沒有謊話..因為..

我不會講大話,但我不必對你說出真相..

或者,我只能記下部份的真相.

看情況吧  ^~^

如何毀滅一隊警隊

 

岩岩睇完今集既新聞透視,再睇埋呢篇文章,真係有D嬲..

最近睇新聞,都會發覺警察既處事方式同以前唔同左..

我諗,佢地咁做完全係傷害緊人民對佢既信任..

 

香港點解同國內唔同..

我諗最大既分別係我可以係言語行為上都有個人的自由.

我唔會上唔到gmail,開唔到twitter…

我實在唔希望香港會失去左呢樣人們咁珍惜既野呢.

 

============================

http://uncleraycorner.blogspot.com/2011/08/blog-post_26.html

陳雲 - 如何毀滅一隊警隊

毀滅一隊警察，不須人民起義，不須槍炮刀劍，只須政府以不義之名，唆使警察陷害忠良，警察就濫權營私，不成為警察，而成為家僕與鬼卒了。

回歸之後，警察在警局強姦報案少女，脫衣羞辱保育靜坐示威者，在香港電台門口拘捕做完論壇節目的示威少女以及掀褲拍攝其腰部紋身，胡亂控告和平示威者以襲警罪名。看來，前皇家香港警察的遺風，連帶香港的家業，在曾蔭權手上敗壞得差不多了。新政府不珍惜香港的良風善政，一切終如逝水，無可挽回。

是警察，不是私人衞隊

一九六七年之前，香港警察包娼庇賭，當街勒詐小民，如有牌爛仔。港人信任警察，來自六七暴動。暴動帶有反殖民地鬥爭的色彩，但後來因本地居民與難民要求治安與秩序，斥責土共暴徒，支持警察執法，結果反而令大部分香港居民認同港英維持公共秩序的政府功能，將中共視為境外威脅力量，強化港人的恐共情緒，產生本土居民意識，維護了殖民地統治之合法性。

暴動之後，英女王授予香港警察「皇家」之名，港府大增警力近六成，港督麥理浩厲行廉政，提高警察的入職學歷及訓練品質，令港人放心授權，即使後來有當街無理搜查身份證，這種其他文明地方認為是奇恥大辱之事，港人也覺得理所當然。

然而，港英即使集權，卻是懂得克制權力的。一九七七年維多利亞公園的保釣示威，威利警司嚴厲清場，亂棍打人，很多示威者頭破血流，但港英並未以襲警罪名控告示威者。襲警罪名，是對付黑幫挑釁用的，匪徒一旦與警員有身體接觸，不論是否攻擊，警察便可以此罪名控告，法庭也會輕易定罪，藉此震懾惡勢力。

然而，這是留中不發的鎮山大權。將襲警罪名用來對付和平示威者，是輕賤權力，將游散示威的市民當作暴力黑幫集團成員同等處理。同理，用重案組警力對付示威組織者，也是輕賤權力。政府是小題大做，侮辱警察（假若警察仍有良心及職業操守的話），當警察是家丁嘍囉、私人衞隊，警察日後在行使刑法權力之際，也會失去分寸，動輒濫權，成為酷吏。

個人一例。一九八九年十二月十二日，我在赴德國之前在《年青人周報》登了文章，剖析港英政府制定妨礙自由的《公安條例》，也仗義聲援被捕的「四五行動」成員。爾後，我每年暑假回港，往灣仔青文書屋途中，都會遇到態度特別和善的巡警搜查身份證及書包，令我發不起脾氣來。最後的一次，我忍不住問﹕「我的樣子像偷渡客麼？」巡警笑說﹕「我只覺得你不像本地人而已。」我笑答﹕「也許我僑居德國太久了。」他說﹕「那你有否德國護照，為何不留在德國呢？」

「巧暴力」誘捕示威者

於是，我才明白是港英用搜查身份證之特權，借助巡警傳個口信。這是港英對付異議者的政術，雖也濫權，卻比曾蔭權政府在二○○八年將利東街的示威者捉入警署，脫光之後，要示威青年張開陰戶或掀起陰囊搜查毒品，來得文明。

殖民地政府在上世紀七十年代之前，用強悍武力對付異議分子，用政治及外交方法將之遞解出境，但不會輕易動用刑法罪名，否則法治蒙污，得不償失。

回歸之後，警隊落在曾蔭權手上，卻不以強悍武力，反而用「巧暴力」（smart violence）的權術，挑釁和平示威者，例如幾個人抬起示威者用手指搓捏其肌膚，使其扭動反抗，或用圍欄封鎖或收緊示威路線的方式，肆意激怒示威者，使其發生口角或身體推撞而控告以襲警罪名，有時甚至示威者舉起鏡頭拍攝警察，也受到一般毆打的罪名警告。這是以刑法誘捕市民，《孟子》所謂「網民」（張開法網驅趕人民進入），猶如大陸的「釣魚執法」。警察在此等戰術擺布之下，會滋生詐偽之心，維護正義與法紀的操守，終將蠶食殆盡。市民—特別是面對互聯網資訊的年青一代，認清警察蠱惑的真相之後，會對警察執法失去信任。

襲警罪名濫用之後，被定罪者會引來社會同情，而示威者稍有異動，都會被控告襲警，反正罪名一樣，為何不真打起來呢？不大白不打，血氣方剛的青年就真的會動武，襲擊警察了。「民不畏死，奈何以死懼之？」稍有政治智慧的領導人，都會克制權力，不會輕賤刑法，就是這個道理。

香港法紀無存，警察與市民爾虞我詐，功利一點地說，香港還能讓資本家安居和招引大陸人來購物消費麼？港府如此輕賤刑法，不正是在挖香港的牆腳，破壞香港的繁榮基礎麼？

回歸之後，年輕人不再尊重警察，近日大量網上留言在辱罵警察，這是四十年來罕見的景象。香港警察從四十年前的頹唐之中，建立信譽，過程維難，年長一代見到今日的景象，可謂痛心疾首，欲哭無淚。正義的執法者，當你不斷地接到不符合公義和法理的上級命令，你還敢正視你頭上的警徽麼？你對得住市民的託付麼？再不辭職的話，你能面對人格腐敗、被正義市民鄙視的下場麼？警察世家出身的曾蔭權閣下，你還能懵懂下去麼？

 

情緒四重奏 2

 

今次重睇..終於睇得明以前唔多了解既野..

睇番之前先寫低既註解.發現有D野同以前唔同左呢..

書中有幾十條用作反思的問題,今日睇完,諗左好多野..

 

以下呢幾條,係其中一D比較引起我注意既題目..

講下自己點諗吧~

 

Q: 什麼是我內心深層的需要?

A: 我想,是深入的關係吧.

係一D比較淺薄的關係上,我實在講唔到自己既心事..

我諗,深入既關係唔係指見得多/玩得多..

而係指彼此願意開放內心..

如果feel唔到對方的接納&願意聆聽, 點深入?

 

有一次同herman分享,好舒服.

我地唔係成日傾心事,但係我願意同佢講一D野,

我知佢會幾明我既一D思緒..

因為,我地係同類人..

係傾計既過程中,我地可以好free咁share..

 

 

Q: 我點形容自己?我又點睇以下既野?

1. 自我價值
2. 自我形象
3. 自我接納
4. 自我欣賞
5. 自我能力

A:  一向都低.. 你問我有咩價值,我都唔知點答..

唔通我答你睇得多書?

我真係諗唔到我有咩值得拎黎講/show..

呢一句,應該算係對我的安慰吧..

神卻揀選了世上愚拙的，叫有智慧的羞愧；又揀選了世上軟弱的，叫那強壯的羞愧。神也揀選了世上卑賤的，被人厭惡的，以及那無有的，為要廢掉那有的，使一切有血氣的，在　神面前一個也不能自誇。(林前1:27-29)

 

Q: 在與人相處中,我點定自己的界線?

A: 我諗,係從嚴的..

我想要的,唔係普通hi bye朋友..

所以,我會下意識唔keep某D關係..

 

Q: 到底我安慰人的能力有幾強?有冇hurt到人既地方?

A: 呢條其實係我想問人既問題..

因為我都唔係好清楚..@@

有時有fd搵我傾計,我都唔係好明點解佢會搵我..

 

Q: 我的同理心有多少?

面對下面的情況,我又能有多少的明白 & 接納?

1. 異常的想法
2. 越軌的行為
3. 錯誤的選擇
4. 不認同的價值觀

A: 睇心情,睇人.. =.=''

當然,有D價值觀係我比較容忍唔到的..

 

講到最尾,睇呢本書最大既收獲係再次了解自己..

明白更多自己既情緒反應係點..

有D野,仲係未有答案呢..

有D野,仲需要再諗諗..

情緒呢個課程,應該可以寫多好多篇~~

好有興趣再知多D,諗多D呢~~

 

============================================

最近聽番燕姿既舊歌..

好鐘意呢首同害怕~~

有些遺憾只能一個人聽..

 

===========

延伸閱讀:

「高路」與「低路」之別

仰望恩典

 

以前睇聖經,成日都睇唔明詩篇..

我唔明點解D詩人會寫低咁既作品.

例如呢首:

耶和華我的　神啊，我投靠你，求你救我脫離一切追趕我的人，將我救拔出來！
恐怕他們像獅子撕裂我，甚至撕碎，無人搭救。
耶和華我的　神啊，我若行了這事，若有罪孽在我手裡，
我若以惡報那與我交好的人，（連那無故與我為敵的，我也救了他。）
就任憑仇敵追趕我，直到追上，將我的性命踏在地下，使我的榮耀歸於灰塵。〔細拉〕
耶和華啊，求你在怒中起來，挺身而立，抵擋我敵人的暴怒！求你為我興起，你已經命定施行審判！
願眾民的會環繞你；願你從其上歸於高位！
耶和華向眾民施行審判。耶和華啊，求你按我的公義和我心中的純正判斷我。
願惡人的惡斷絕；願你堅立義人！因為公義的　神察驗人的心腸肺腑。
神是我的盾牌，他拯救心裡正直的人。
神是公義的審判者，又是天天向惡人發怒的　神。
若有人不回頭，他的刀必磨快，弓必上弦，預備妥當了；
他也預備了殺人的器械，他所射的是火箭。
試看惡人因奸惡而劬勞，所懷的是毒害，所生的是虛假。
他掘了坑，又挖深了，竟掉在自己所挖的阱裡。
他的毒害必臨到他自己的頭上；他的強暴必落到他自己的腦袋上。
我要照著耶和華的公義稱謝他，歌頌耶和華至高者的名。〔大衛的詩，交與伶長。用迦特樂器。〕

 

點解佢講到神好似唔理佢,

然後在最後又可以滿有盼望咁仰望上帝?

我一直都諗唔明..總覺得佢好似精神分裂咁.@@

 

今晚,我諗我明多少少佢地既心態了..

今日企係碼頭祈禱..

我發覺我講既wording一模一樣..

又係發脾氣,跟住求神出手,信靠佢會做野..

 

有時知道左D野,真係會好嬲好想發老脾..

會係咁問點解神睇住D野發生而唔做野..

越在乎,情緒就越大..

越去想,心情就越差..

彷彿看不到盼望似的..

當了解人的無力後,唯一能做的是把信心建立在上帝身上..

咁講聽落都幾矛盾@@

不過這確實係我既經歷..

(今日冇心情搵書既內容了.)

再呻幾多次都係冇用..

因為現實確實係咁..

而我可捉實的,就只有上帝的應許.

唔搵佢,搵邊個??

 

上星期同andy傾計..

無啦啦諗番起一首歌..

那時我仲係好後生,好鐘意哼呢首歌..

因為個melody好聽..

大個左再聽,感受唔再一樣了..

因為開始能夠品味到當中的一些意義..

"我的心不要忘記啊，他鞭傷換來新的生命啊"

 

在此記下這段說話..

係想記住神的足跡..

我信,第時睇番呢段野,.

我一定係勁感恩咁再讀的!

 

 

你...是我們每一個的主! 我們每一個...

 

這麼近，那麼遠

"這麼近，那麼遠" 呢句野,是其中一句我喜歡掛在口邊的說話..
因為好多時人與人之間的相處都係咁..
似近,還遠.

前幾日食完個tea,頹頹地..
我問:你有多少個"朋友"?
你苦笑了一聲..然後問番我轉頭..
當下,我既反應同你一模一樣..
這個問題,實在太難回答了..
如果要hea答,只要打開facebook就可以了:


但這些全都是"朋友"嗎?
好多frd之前都有感慨過,
都唔駛我再講..
當我數手指數到一些名字時,
突然發覺我唔識將佢地歸類..

聽完你講,有以下的感想..
關係有好多種.
有些關係,曾經很close,卻經不起歲月的考驗;
有些關係是因為了解對方,而要彼此退後數步;
有些關係,註定只是" Hi & Bye"
有些關係, 只是因利益存在..
當人生去到某個位,就會發覺大多數的關係都係不外如是..
一路聽,我個心一路震..
有D位,似曾相識.

人越大,發覺冇咁易同人交心..
客套,問好.好多時都係一句句無意義的話.
唔係話無需要,只係睇下同邊個講.
當要同某D人講呢D說話時,個心完全係赤赤痛..
幾年前你同我講我會咁,我一定當你講笑..
但當AT field要局部開啟,這使成了無法避免既事..
只是,我仍然好唔習慣..
(我好似仲未打有關AT field既野..@@)

在唔同地方看了幾句說話,見幾match個題目,
就貼出黎吧..

長大了才知道，從現在開始應該把握每一個你能把握的人，
放棄你留不住的人，不要因為想留住個別人而失去一群人。

  <上了大學才知道 [分享]>
 
要是你細心想想，會發現真正值得被我們記住的人其實並不是那麼多，也不需要那麼多。 ...... 從不在我生活中出現的人，沒有被記住的價值。
<還記得我嗎？>
 
友誼需要長時間來建立，在那連續的長時間內，大家在生活上有深入的同甘共苦，並因此產生關懷，而不是純粹的在場但沒有交往。
<友誼為何物？>

=============
能成為密友，大概總帶著愛。
否則,又怎能keep到呢種關係?

延伸閱讀:

友誼為何物？

還記得我嗎？

似近，還遠 : 火柴人的故事

 

其實,我間唔中都鐘意畫少少示意圖,

點樣用幾筆就show到一個concept真係幾難..

但係畫到之後又好有滿足感XD

可惜我的畫工實在太美..><  都係自己睇算了..@@

看到一些很有趣的圖畫,特轉貼~

 

========

^{宇宙很大，我們所分得的個人空間很小很小…}

^{平時埋頭苦幹，各有各忙。}

^{空閒時我們會聚會一下，耍樂一番。}

^{熱鬧過後我們又感覺特別寂寞，似乎欠了些什麼…}

^{我們會嘗試尋找這欠了的東西。}

^{有時不用刻意，卻會有意外收穫！}

^{我們會通過瑣碎事而發現了對方。}

^{我們會互訴心事，開始認識對方。}

^{當彼此欣賞、互相靠近的時候，才會發現…}

^{我們是來自兩個不同高度世界的人！}

^{表面上很接近的人…}

^{實際上是來自不同高度的世界。}

^{生活在不同高度世界的人，有很不同的視野。}

^{有不同的價值觀。}

^{遇到障礙時，亦很難…}

^{很難共同進退！}

^{高攀很冒險！}

^{屈就很辛苦。}

^{如果對方夠高，也許會例外！}

^{放開眼界時，會發現其他人的距離比我們的還要大很多！}

^{又或者各自有更適合的選擇。}

^{如果擁有翅膀，又會怎樣？}

^{那時，我可以擁有更多的自由，彷彿全世界就是我的！所以上帝沒有給我一對翅膀。}

^{或許生活在同一高度世界的人曾經很接近，卻看不見對方。}

^{即使遇見，我們又會猶豫…}

^{當發覺世界會改變時，我們已經失去了機會。}

^{究竟 ' d ' 要多細才可以接受？}

^{有些人很執著！}

^{也有些人，不顧一切地顛倒全世界，去換來同一個世界的感覺。}

^{或許，完全生活在同一個世界的就只有自己的影子。}

(from : 立體愛情觀：火柴人的故事)

 

===========

RE chai:

其實這一番思考,係用我自己為本位做思考..

唔去短宣,都係因為這番思考後而作的決定..

 

再想想吧 :D

有關反覆思慮 (ruminate)

 

研究表明，出現問題時，喜歡反覆思考的人往往更有可能得抑鬱症……

最近的研究表明，可能存在某種「思慮基因」，也就是說，我們可能天生就愛苦思冥想。

不過，你也可以做一些事情來解決這一問題。

在你反覆思慮時，是將注意力集中於自己——尤其是自己的悲傷、負面想法、疼痛和痛苦以及自己的過去。你不斷地向自己抱怨，而且最後會對別人抱怨……從一件事想到另一件……

反覆思慮之所以是抑鬱症的一個關鍵因素有這樣幾個原因：

第一，當你反覆回想的時候，你只關注消極的事情。你在挖掘每一次能記起的不愉快的經歷、感覺及感受。

第二，你總是在問一些沒有答案的問題——如「我怎麼了」或者「為什麼是我」。你關注沒有答案的問題，這就使自己覺得很困惑、很無助，從而使你覺得更抑鬱。

第三，你在抱怨一些事情，卻又沒有對此採取任何行動，如「我真不敢相信發生這樣的事情」。這只會使你更加沮喪，更加抑鬱。

第四，當你沉默思想的時候，並沒有置身於身外真實的世界。你沒有行動起來，沒有解決問題，或收取回饋。你只是耽於自己的想像。

第五，當反覆思索的時候，你強調的是無助感，而不是賦予力量。你正在剝奪自己的感覺，即你實際上能夠做一些會起重要作用的事情的想法。

再三思慮是你弄清楚問題的策略，是你總結過去、準備解決問題的策略，是你弄清楚個人經歷的策略。那麼以上這些目的有什麼不對呢？首先，你不具有實現這些目的所需的信息。即使你已經想了好幾週，你也不會知道別人怎麼想，或者別人不讓你知道的事情。我們幾乎從來不敢確定為什麼某人會做某事。其次，反覆思慮不會幫你了結過去，繼續向前——只會讓你停留在從前。你只是重播了一部舊片，並沒有增長新的閱歷。

反覆思慮不僅僅是反思。反覆思慮的時候，我們會深陷其中，我們在不斷重複思考，我們腦子不停地在運轉——但運轉得毫無結果。

情緒四重奏

之前在上俞牧堂時,無啦啦想起情緒四重奏呢本書..

於是決定重睇呢本正野..兩年已過,今次再看,感受大大不同..

很想記下一些自身的體會與想法..

 

唔知有冇人聽過一句頗不雅的說話?

"嘴巴說不要,身體卻很誠實"

雖然這一句的意義不是太好@@

不過如果改成這樣,意義就很不同了-- "意識說不要,情緒卻很誠實"

這句話講出左情緒的重要..

 

人作為一生命體,擁有一種強大的武器--情緒.

情緒是一把雙刃劍..既可以使人充滿力量,也能讓人一蹶不震..

咁什麼是情緒?

當受到外在/內在事物所影響,人會基於以往的經歷而作出快速反應.

那瞬間的判斷及反應,就係我地所講既情緒了..

(唔好問我definition.. @@  因為學者們對此仲未有定案..)

這種反應係唔經大腦思考的..對,我並沒有打錯.

信息由Thalamus 直接輸入 Amygdala..並立時作出反應.

如果冇記錯,當年既bio係有提過下的..不過我早忘掉了><

 

 

可以咁講,呢個係當下人最真實的反應..

記得騎象人一書的介紹曾提及,

我地話鐘意/唔鐘意一樣野時,其實並未作出思考..(思考仲未完成)

所謂的理由,往往係之後先想出來的..

當然,我唔係話理由都係籍口..

(仲未睇呢本..好想睇阿..)

 

其實我一向都唔太在意情緒的..

因為不懂,所以沒有多作了解.

直至人大左,因緣際會下才對此有多一丁點認識..

有時經歷左一D事,自己會突然有好大的反應..

我依家先知原來係身體比緊一D signal 我自己..

 

最近這個月,我嘗試即學即用,探索一下自己的情緒..

正巧最近大把情緒..正好拿來做試驗品.

(有時不禁在想,這也太巧了吧.. 是天父你的安排嗎?)

書中所說的,和我察覺的差不多..

搞到我有少少驚..因為我聽過人講過..

如果唔識處理拆掉保護網後爆發的情緒既話,

會非常大獲..

而呢排自己既情緒又的確比較差..真係複雜阿..

努力多日後,都只能處理&了解一部份的情緒..

 

幸好在知識上對情緒有了多一點的了解..

這也算是大收獲了~

下次再打一些領會吧,嘿

 

====

Re chai:

多謝你打咁長既回覆~XD

我唔係質疑弟兄姊妹的心志..而係有點懷疑靠把口傳福音的意義..

用幾分鐘,就可以改變一個人?

我知有成功例子..那,不成功的,又點計?

我唔係想無視聖靈的力量..

只係想想多一點,到底我們在怎樣deliver 這個"好消息" ...

 

至於singleness,其實之前都有同人講過類似既野HAHA

前幾個月仲好似重新get多次添..

不過唔係好clear..

 

上述既兩篇文章,都係我上突破個website搵的~

見佢地寫得幾好,咪成日睇佢地舍blog囉~~

司法獨立與彼拉多

在西方普通法地區，一個法官最大的成就，是他的判詞可以成為日後法律經典，他的姓名可以成為某些法律的代名詞（例如美國的 Learned Hand 和 Benjamin  Cardozo 兩位法官）。但是，在實際生活中，很多法官一生都不會遇到一件這樣的案件。就算有一兩次這樣的機會，幾十年後，隨著環境、政治、文化等改變，也不會再有幾多人知道他們了。

但是，歷史中有一個法官，他的名字卻兩千年來都被人認識，現在每星期，在全世界任何地方，都會有幾十億人提到他。可惜的是，如果這法官泉下有知，他就肯定只會希望世人都不認識他，免得不斷受到世人的咒罵。和他比較，中國的秦檜連「提鞋也不配」。

這個可憐的法官是誰？他就是審判耶穌的本丟彼拉多。每次信徒背誦《使徒信經》的時候，他的惡行就會再被人清算。

本丟彼拉多真的是那麼罪大惡極，比起希律、決定要殺死耶穌的祭師和文士、甚至出賣耶穌的猶大更可惡嗎？彼拉多的心腸其實不算太壞。他相信耶穌是無辜的、甚至希望通過當時猶太人的法律程序來救耶穌一命（在逾越節釋放一囚犯）。用法律的術語，他對耶穌沒有 malice，只是「人在江湖、身不由已」。

但是，如果我們相信《使徒信經》的內容也是神的心意的話，就要承認本丟彼拉多的確應受這樣的咒罵。那麼，他的錯在那裏？彼拉多的錯，就是在於他沒有捍衛司法獨立，為了所謂「社會安定、和諧」、不惜犧牲無辜人的利益（太27:24）！作為法官，他應該只按法律去判案，當時耶穌被控的罪名是他要做「猶太人的王」，這就是作反、搞革命。既然彼拉多發覺沒有證據，就必需無條件的釋放耶穌。

「司法獨立」，最簡單的定義就是法官不能受當權者 (Administrative Branch) 或者民意 (Reflected in Legislative Branch)影響，而只可以考慮法律和事實。無論判決怎樣不受歡迎，法官也不能讓步。

現在，在外傭居港權一事上，香港的司法獨立正受到從來未有過的挑戰。既得利益者和當權派，已經公開挑戰司法獨立這最後的堡壘。香港政界中，自稱基督徒的多的是，願意和政客站台的「教會領袖」也多的是。我只希望這些「基督徒」，再讀一讀《使徒信經》和本丟彼拉多的故事。不想你們和彼拉多一樣，成為香港人以後咒罵的對像。

作者擁有美國加州和聯邦法庭律師執照

***

行出來的福音

 

 

成日聽唔同既人/群體講傳福音,

但係唔知點解,我次次聽完都無咩反應..

我諗,應該得三個可能性:

1) 我聽唔入耳  2) 我有另一件更想做的事 3)我係掛名信徒,聽完就算

諗左呢個問題一年多了,開始有點想法..

 

傳福音係咩?我諗大部分基督徒都識答: 約翰福音3:16咪講晒囉 ..

我知,只不過我唔係好滿足於教科書式既答案..

要講呢D,我一定唔會差過任何人..

只係,我唔想要呢種答案..

我唔係要質疑呢句經文,只係在elaboration方面,我有一些疑問,,

如果要拆解傳福音,起碼可以想到兩條問題—How & What..

 

當見到人話去洗樓派福音單章時..我其實係唔多鐘意的..

咁樣就係傳福音? 我覺得係擾民多D..

福音係用講的嗎?

我一直認為,福音係應該做出黎的..

"你們若有彼此相愛的心，眾人因此就認出你們是我的門徒了。"

我覺得福音同樣如此..

如果我能在生活中跟隨神,不就是最好的途徑了嗎?

疾風知勁草,講幾多,也及不上用行動去實行吧..

我一直都係咁諗,所以一向都唔多熱心"講福音"..

 

基本上識我既人都知我係一個基督徒..

有D可能唔係識左好耐,都會同我傾下呢方面既野..

好記得有一次有個fd無啦啦同我傾,個下我呆左..

因為我岩岩識左佢十幾日..@@

我自問有努力傅福音的..用我的日常生活.

唔知人地點睇我呢..

 

人越大,開始在想福音是什麼..

係咪令人知道人有罪神好愛佢為佢死三日後復活...(下刪三百字) ??

如果係咁,那為何需要四卷福音書?

點解四個作者要寫咁多野,又寫耶穌既教訓,對話之類?

我真係唔明..依家既福音,是否被人為地刪減了?

當福音成為可以用幾分鐘講完既說話時,

我們是否無形中閹割了真正的福音?

 

仲有一樣,依家大家都強調一次得救,一世得救..

我有個疑問,如果係咁的話,

我只要在幼稚園做老師教細路,令佢地信主咪得囉,不是嗎?

另外,如果我好細個決過志,之後大個左做左殺人犯..

咁我是否得救?

據我所知,古代的神學唔係咁的..

只係近代先變成咁..

 

講左咁多,其實我一直覺得我的召命唔係focus係呢方面..

只不過,成日聽到呢方面既信息時,唔到我唔諗多D  @@

下面篇文,講左一D我問緊既野..

(好多時寫文,都係受人啟發..XD)

 

===============

on 傳福音

2011年06月23日 12:31.54

（寫在前面的後記：寫作就是我思考的過程，我思考的結果可能只是一些老生常談。但這老生常談是經過我一番掙扎得出來的，和拾人牙慧不同。所以，歡迎大家和我一起思考，但不要介意我沒有新觀點。）

這陣子一直在想，究竟我所傳的，是甚麼福音？我們用各樣的包裝，要講的是甚麼？觀乎主流教導，講的就是一份「救恩」。坊間流行的救恩有以下特徵：完全是出於神的恩典；只要「口裡承認，心裡相信」就可以；是一份神送給你的禮物。至於委身、奉獻、使命，則彷彿是進深信徒才須要關心的事。初信主的，就像一個嬰孩一樣，躺著吃奶吧！

大家都有一個假設，就是吃吃下奶，就會長大；返得教會耐，就會自動成為一個委身的信徒。但看來現實卻非如此。現實是教會坐著一班信主很久都還在吃奶的熟靈嬰孩。他們總是在要求人給他們換片，喂奶。吃不飽，或是瀨了屎，就會哭。我不是不愛弟兄姊妹，只是我要問一個問題：這個是基督想見到的現象嗎？

早陣子聽一位長輩分享，他講到老年人要聽的福音，和年青人很不同。他們沒有你一樣的神學，甚至他們的觀念殘留著過往拜神裝香的習慣（筆者就曾聽過有個老人家拆了偶像之後，在原位放了個十字架，之後放幾個橙在下面）。但是，老人家信了，就很堅定和忠心 。所以，傳福音給他們的時候，長輩也同時也給他們*使命*。那為長輩老人家的使命就是為教會、長執祈禱，去教會聚會，十一奉獻等。聽起來很膚淺，但重點不在這裡。我看到的，是傳一個好信息的同時，你一定要傳遞一個使命。這好像是一個銅板的兩面，救恩和使命。

好，這個銅板兩面論抒解了教會充滿屬靈嬰孩的問題，但我仍然要問，究竟福音信息是甚麼？我最近的發現就是根本沒有一個 universal 的福音信息。由於每個人都是獨特的，所以每個人在接收的福音會有所分別。保羅說過向猶太人就作猶太人，向希臘人就作希臘人。他的意思不是要我們牆頭草兩邊擺，他大抵是要我們懂得對著不同人要用不同人的 language.

最近和朋友在談論「怎樣鼓勵人七一上街」，朋友就提出其實你是要用他們的 language 向他們提出一個 need. 例如，面對安逸的中產人士，猛向他們講崇高的民主自由理解不會 work. 不如就直接和他們講「其實你上街，政府肯改，你就可以賺更多」。把這個原則用在傳福音上，可以 work，也可以唔 work. 取決於你換一套 language 的時間，有沒有犧牲到基督信息的核心。

這還未解決我的煩惱，就是究竟那核心是甚麼？和傳福音其實是不是去 prompt 一個 action. （用基督教術語是叫人決志）？

那個核心，就是耶穌基督的故事，學術點說，叫基督事件。誠如保羅說，我們傳的，是那愚拙的十字架。但是，究竟是不是要下下拉到「個人得救」，我則相當有保留。在基督事件中，我們不一定要下到結論就是「神為你死，快點認罪，決志吧」。其實基督事件給我們很闊的空間去思想，究竟福音是甚麼。

我想像，如果我用耶穌的故事，去鼓勵一個人不要再自私自利，這可以比我勸同一個人決志更像傳福音。福音，會不會就是從耶穌而來改變生命的力量？我重申，這或去不牽涉決志和其他一大堆教會套語。可能，讓一個人效法基督（而 without 決志）就是傳了福音。而決志和其他相關的東西，都是將人納入教會這個機構而已。教會，若能忠實地使人活出基督，則將人納入教會不是一件壞事。相反，若教會本末倒置，把傳福音視為目的，將活出基督放在一旁，則返不返教會也沒有所謂了。

=====================

RE chai:

我係睇書睇番黎的呢..

多謝你

Singleness in celibacy foreshadows heaven

 

 

個腦有D攰,但係又想打D野wor..

呢個時候當然係轉貼下人地既文章啦~~HAHA

評論別人的文章,比較容易;

自己寫一篇相關的文字,難多了.

 

今日同方明傾計,無啦啦講起單身係咪唔好..

諗番起呢篇文呢..

我都贊同佢所講,兩者各有兩者的好處..

當然啦,重點係人既心態..

心態不正,講咩都係假.

 

不過,似乎好多人都覺得一定要有一個伴侶呢..

要人陪真係咁重要?

有D後果,係年輕時唔會留意的..

到之後要找數時,大叫中伏都無謂了..

 

================

單身，預示天國的臨在？

前天去了佐敦的聖安德烈堂崇拜，很久未聽過這樣深刻的講道了。
牧師John Menear講的，是哥林多前書7章25-40節。經文談及保羅如何看獨身問題。除了驚訝一次在朋友的婚禮上，有人用這段經文作訓勉外，我對經文的印象，其實不怎樣深刻和特別。

John一開始先說了經文的一個重要歷史背景：當時的信徒，有的剛經歷完耶穌被釘死、埋葬、復活，然後升天。他們並認為、期盼着耶穌很快會回到地上。
「弟兄們，我是說時候不多了。從今以後，有妻子的要像沒有妻子的……因為這世上的情況都要過去。」（林前7：29-31，新譯本）

如此，我們明白，保羅在這段經文裏所表達的對獨身的觀點，是在當時的背景下而有的。知道這一點非常重要，因這表示在現今的21世紀，我們不能很浮面地理解這段經文，而是需適度地調節理解。

我是想，適度地調節理解，正表示人與人之間的關係和感情，沒有一個普遍處理的所謂「法則」，根本是充滿着無數個我們控制不到、未可知的變數，如社會環境變遷、歷史因素等。單以一種關係，是很難描述、捕捉到我們跟上主的關係的。

很多時候，我們（教會的傳統？）卻是很單一地、不假思地只用夫婦的愛，比喻基督如何愛教會（保羅也的確這樣講過）；又用新郎迎接新娘，預示教會在終末與基督結連。

John Menear在講義大綱中，最後一點卻這樣說：Singleness in celibacy foreshadows heaven
在世獨身，也可以預示天國的臨在？

我想，我們的愛是有quota的。意思是，在有限的心力與時間下，能建立多少和有幾深入的關係，必然是每個人都有所不同。而且，兩者很多時是此消彼長的——當我們要顧及家庭的需要，又有多少心力和時間，是花在社區裏關心那些失業、貧窮、行乞等有需要的人？有家室的人，機會肯定是比獨身少的。

John說得好：獨身，其實給了我們機會，去實踐基督群體、團契的意義。
在世獨身能預示天國的臨在，很在乎我們是否願意把那有「quota的愛」，延伸到範圍更闊、更廣的群體去。身邊有些人選擇「獨身」，其實出於自私的理由——不想負責任，不願意承擔，不願去愛。保羅在緊接着的第10章說，凡事都要榮耀神。所謂「獨身」，不是指從此可過一個自私自利，不用理會、關心其他人的生活。榮耀神，其中一樣要做的，就是在世實踐上帝的國度，以愛去連結一個更大的群體。

我們的生命是否精采，很在乎我們如何釋放愛這東西——哪管對象不同，這一刻還未找到另一半的朋友，卻是有更多機會領會愛的真諦。

 

====================

還是害怕突然寧願當初沒有決定

我,曾經是一個統計員

 

可以靜靜地咁打下blog,已經係一件好幸福的事了..

這個暑假,有好多意想不到的事..

心情直情爽過玩海盜船.. =.=''

很想記低第一次返工既一些感受..

見到的,聽到的,經歷到的,都非常難忘..

 

是咁的,我的第一份工就係暑假做人口普查—Enumerator

我被調左去灣仔返工..

而我係負責做短問卷.

 

第一日見D同事,發覺全部都係紅磡人.@@

仲要大部分都係讀Poly添.  XD

班同事勁好囉, 相處左一兩日已經熟晒~

一齊食飯,一齊坐車,一齊吹水.. (仲有抽水,HEHE)

日日都係笑住返工,笑住放工~~

如果冇左佢地,呢份工應該會悶死人吧..

我真係好鐘意呢班同事!!

火柴人,中醫...一個又一個既花名..

都成為我既美麗回憶..

(聽其他fd講完,更加慶幸遇到57-12 ~~)

 

起初以為呢份工好易做,只係問下問題咁..

我完全忘記左呢份係政府工 --- 官僚制度下的產物..

成個工作站最多既唔係人,而係文件..

拎一張問卷,要記低;

拎一D裝備,要記低; (仲要係垃圾黎..  ><)

幾點開始做野,要記低;

簡單D講,咩都要做記錄..

對左十幾日,我已經頂唔順呢種風格..

 

作為一個統計員.我需要到特定的大廈為指定單位的住戶做訪問..

灣仔區,是一個比較舊既區,勁多唐樓..

但係與此同時,呢區都有不少service apartment..

我正正要去晒呢2個地方..

而我亦在過程中有不少的體會..

 

絕大部份願意受訪的住戶都好nice..

佢地有一部分係尼泊爾人/菲律賓人/其他種族..

而佢地都好願意回答相關的問題.

係洗樓的過程中,都有幾多有趣既事..

例如要去性商店/公廁"調查"有冇人住..

有人當左我地係人肉地圖..

有個細路指住我同我地,話我地同電視個普查員一樣@@

呢D有趣事,都為呢份工增添左不少笑料~

 

講完開心既野,都想講一些別的感受..

我有四分之一需要訪問的單位都係service apartment..

住得係度既人,都有返咁上下人工, (總之我知啦..)

但係在同一條街.亦有另一種住宅---拆細/板間房..

平時新聞就聽得多..當真係身在現場時,又係另一番感受..

有一個單位,同我屋企差唔多大..但係就住左4戶9個人..

你能想像那是怎樣的景象嗎?

一家四口,迫埋係一張碌架床度..

這就是他們的"家"

我只係在門口企左一陣做訪問,已經熱到頂唔順..

但係人地呢,佢地係住係度..

返到屋企望下自己間房..我其實已經好幸福..

起碼,我有一個屬於自己既空間..

 

有條友話香港冇住屋問題..我真係好火..

請你用你的眼睛看清楚這些拆細單位..

香港的基層真係已經個個安居樂業?

不要自欺欺人了..

近年來香港有不少政治議題..

最低工資,外傭居港權,大陸孕婦來港生子等..

你敢講你同你既團隊有做好自己該盡的本分嗎?

官員唔係master亦唔係boss..

佢地係人民既僕人,為市民管理香港..

在位者阿.收起你的傲慢吧!

無錯,你們的學歷或者真係好勁..

但你們真係有為市民著想嗎?

 

 

-----------------------------

 

=====

延伸閱讀

白離：人口普查－－先生小姐，我們不是要 查你條命

哀傷.寂寞.刺蝟

有一個故事,唔知你聽過未?

刺蝟身上有短而密的刺，當他們想從其他刺蝟身上得到溫暖時,

就會因身上的刺而傷害對方。

所以刺蝟就面對著一個進退兩難的局面 — 應否為了取暖而刺傷對方?

 

 

原來上次既事已經發生左幾日了..

這幾天心情也不太好..孤寂的感覺好強..

第一天心情極差..成個人唔識function咁..

做野時少少事都好易火..

幸好有一班同事們陪我~ (仲未打census發生既事添..再打吧,大把~)

 

唔知點解,呢幾日有幾個唔同既人搵我..

平時少見的,少傾的..突然有contact..

更O嘴的,是佢地都好明我既處境..又聽我訴苦..

(心諗:有冇咁多阿.. @@)

 

平靜了點後,是有想過應該點..

只不過,我仍然克服不了我的情緒..

我知,這情緒只係隱藏係心..而唔係消退左.

我係可以用dummy plug推動的..  =.=''

 

小儀比左好好既提醒我..叫我唔好沉沒在呢種情緒中..

我知你岩..而依家亦已比之前好好多..接近完全冇事咁..

問題是, 當trigger point 出現時,還可以這樣嗎?

都係個句,當內心有一根刺時,仲點可以restore?

唔通要格式化? 

如果係咁,咁我應該唔係人了..

 

突然想起在本文一開始提及的故事,

佢既名堂叫做Hedgehog's Dilemma..

其實,我們就是那堆刺蝟..

人類一方面渴望了解自己和別人,

另一方面卻害怕被人知道自己心底的想法而被出賣.

我們希望在別人身上取得滿足感,

但同時間我們又害怕自己在人際關係上受到傷害.

距離走得越近,我們就越容易發現人與人之間其實並不是真的認識得那麼深入.

 

與別人保持距離是保護自己的唯一方法,只是你可以忍受寂寞帶來的痛苦嗎?

受傷與寂寞,又應如何取捨?

 

PS 

單獨唔一定係寂寞既..

Alone 同 Lonely其實好唔同..

有興趣compare & contrast 嗎?

在我心中,是有一點定見既..

 

 

 

很喜歡的一個版本 :D

 

 

RE 浩然

你已經知道了嗎.... ?

呢個問題,我唔識答.

未來的數天,可能係一個好方式吧~~