Figurehead

我依家真係好開心!!!
係咁既,今日開完組之後,同日天去左食雪米滋..
同佢傾起自己既事奉..
日天問我,如果我keep住現有的事奉方向,咁做/唔做組長有冇影響..
我諗左一陣,發覺真係冇咩分別..
假如青10既成員構成係冇改變的話,真係冇咩分別..
經過我地既討論,直到依家,青10組長只有一個用途,就係----Figurehead~

突然,我想到了一件事..
一直都唔係好知自己點解咁著緊小區既一D野..
有人問過我係咪因為控制慾/佔有慾..
我又覺得唔係..
其實我同浩然講過,我唔係好在乎呢個title..
經過今晚,我諗我get到D野..
如果組長並不能帶來什麼榮譽/利益/權力既話,咁點解我要做下去??
點解我會咁在乎??

我諗,自己就好似鄭吒一樣,一直有個想法.--- 我們一起活下去..
一起在這個信仰團體繼續活下去..
這是我的執念吧..
我一直都想每個黎過既人,都可以stay係度..
我希望所有人都可以係呢度搵到留下的既意義..
很傻,對嗎?
這可是我的一大信念..
但係,我都唔知點解我會養成咁既信念..@@
應該係在kainos養成吧...

除此之外,熟我既人應該知,我對某D人係特別關照的...
佢地有野,我會出手..
我試過為左一個人走去搵人理論..
有D時候有D事,我睇唔過眼,我會想自己走去做左算數..
我唔想佢係呢度得唔到關心/照顧,etc..
其實,都幾呼應我係上一段所講既..

仲需要一點時間再梳理我的思緒..
不過,大致上應該係咁了~
我諗通個下,我真係鬆左..
因為我真係好怕自己係因為一D唔好既原因而事奉....


今日崇拜,好受呢首歌既歌詞所觸動..
"我是誰？祂無怨無悔。我是誰？祂竟喝這苦杯"

「我父阿、倘若可行、求你叫這杯離開我．
然而不要照我的意思、只要照你的意思。」
我想到主耶穌釘十架..
我想到四福音所提及的事..

難得的安然

呢段時間真係冇咩時間同神有溝通..

依家打blog,已經係難得的安然mode..

應該咁講,係心靈上少左空間去靜下來..

靜唔到,就好難同神相交  ><

之前話要靈修,點知....

上星期去左聽talk,係有得著,但係真係唔太聽得入耳..

唉...... 呢排連返青崇都冇咩心機..

個靈魂,好似飛左唔知去邊..

 

朋友好明白我,因為我地都係正在/曾經做緊同樣既野..

我知咁樣既狀態唔係好得,但係精神/肉體/心靈得真係唔係好妥..

天氣又轉了... 救命..  T_T

 

尋日畢業典禮,係City 留左成日,我在fb記下了這段說話

兩年的Asso生活,實在如斯令人難忘..
尋日畢業典禮,最難忘既係見番一D人,傾左好多句計..
謝謝一些人,曾經在呢段時間幫過我,
謝謝一些人,讓我多了一些忘不掉的回憶..
依家的我,正走在另一條的求學之路上,
生活,多了一點忙碌,少了一點空閒..
與朋友的相處,也無可避免地減少了呢..
點都好,努力吧 :D

仲未影晒相呢..仲想搵一D朋友影..幾時先約到呢??

之前已經打左有關asso既一些感想,

暫時就不再打了..留番年尾再打吧~~

 

今日有D唔舒服...打埋呢幾句之後,都係早D休息下..

=================

 

以下呢篇文章,實是一個好好的支持..

timing呢樣野,神的安排往往是超乎我所想的~~

這是我所確信的..

 

 

=====================

每天也安然

父親已經進了護理安老院兩星期有多，各樣的事情漸上軌道。院舍方面開始安排一些活動及治療給父親，在生活節奏上，我們也逐漸適應過來。

雖然說來好像輕描淡寫，不過，這適應其實一點也不容易。父親覺得院舍的生活沉悶，而母親也要每天來回兩次，而我在可能情況下，也趕著下班到院舍去探望他。其實這兩星期自己心情很緊繃，相信母親也是如此，憂心父親的適應。

要適應院舍的生活，一定需要頗長的時間。但我們相信，我們的天父在這事上，早已為我們作了最好的安排，叫我們可以一無掛慮。原本，幾個月前，通知我們有床位的是另一間在沙田圍的院舍（我們的次選），那間院舍也不錯，但距離我們家較遠，步行要二十多分鐘，又沒有巴士直達。就在等待這間次選院舍的正式通知之際，最近我們家的另一間院舍（本區最好的院舍，是我們的首選），居然通知我們立即有床位，叫我們喜出望外，感謝主。

更感恩的，是在等候床位的四年多後，叫我們學習到，天父的時間，永遠是最好的時間。我們也曾問，雖然父親已患了失智症，但情況未至於太差，現在就進院舍，是否「太早」呢？不過，一面等候，一面慢慢看到，這問題其實是一個錯誤的問題。可能很多年之後，我們可以看到這是「太早」。但也可能很多年之後，我們看到這是「剛剛好」。我只能說，我們現在不知道，也不能知道。

更重要的是，我們其實不需要知道。因為這樣問的前設，是人以為自己知道，能為自己籌謀。難道我們一家經歷了這一切之後，依然自高自大，以為我們就是自己生命的主宰嗎？基督信仰不是叫我們看世事無常而萬事成空。世事固然無常，但天父卻保守我們，叫我們就算不論天色或晴或陰，每天也安然。

就正正因為我們的信仰，我們不是看這安排是什麼的生死攸關。而是，我們看，這新的階段，是叫我們一家在新的環境繼續學習，我們所倚靠的不是人的謀算，而是上帝的看顧。願主幫助我們，叫我們看到自己的不足與無能，懂得全然依靠衪。

那些年...我的一段往事

自從睇完本小說同套戲之後,我呆呆咁生活左兩個星期.
好看嗎? 是很好..非常好..
但要命的,是一些回憶因這動人故事而從心底重新浮現..

我的中學生活,不算平淡,但也算不上多姿多彩
我想,應該算是普普通通吧.
曾經,我也為了女孩子而不知所措..
那時,不是太明白什麼是愛情,但心底卻對此滿有期盼.

那些年,我是一個讀書男,讀課外書個隻..
如果不是中二時被一班同學邀請我參加班際比賽,
我應該會繼續我的讀書生活.
那時,對其中一位女同學有點好感..
不過個時咩都唔識..只係一直保持住呢種淡淡的喜歡..


直到中四,我遇到了我的沈佳宜..
我們可算是陰錯陽差下相識的..
那是我是guidance perfect..負責招待新生..
帶完班中一參觀學校,走左去同朋友吹水..
就係咁,我識左呢位女生..一位新生..
如果唔係因為佢,我既中學生涯應該會失色不少..
是的,我好肯定
直到依家,我都好感謝佢讓我有一段美麗的經歷..



那些日子,我係不知不覺之間鐘意左佢..
無論係早上,放學定係夜晚,我地都會係咁傾電話..
每天最想的,就是在小息時靠在圍欄下看她的身影..
那幾個月,我滿腦子都係佢..彷彿活著就係為左她似的.
那時剛開始接觸公開試課程,好多野唔識..
但係因為有佢,日子過得好開心.
每天返學,都充滿energy.
每次見面/傾電話,我都異常享受其中.
有一次約左佢在學校食早餐,我緊張到呢.. ><
依家諗番都覺得好正~

這些好時光,在四個月後戛然而止..
個時我講左一D唔應該講既野,得罪左佢..
之後,大家少左聯絡..慢慢地疏遠了.
之後個半年,我都係混混噩噩咁過..
突然之間,成個世界好似失色了不少..
個時,我成日同shirley講我幾唔開心..
第一次,我感受到那牽腸掛肚的滋味.
直到暑假..
當時和同學一齊去左camp..
點知佢無啦啦打黎..
我先發現,原來半年時間並未能令我忘記她..

中五回到學校,我仍然無法擺脫這樣的心境..
準備公開試確實令我冇咁想念她..
但我知,我心底仍有無盡的思念..
只是,我冇同太多人講呢件事..
當時,我唔知可以同邊個分享..
慶幸當時認識了兩個紅顏,
雖然唔係識左好耐..但我可以好安心咁同佢地分享呢件事..
傷口,在不知不覺間慢慢好番..

直到會考,我同佢既關係又去到另一階段..
那種喜歡的感覺,彷彿化成了別的東西..
一種說不清道不明的東西..
可以咁講,我到依家仍然好在乎,好著緊佢..
但係又唔係要同佢一齊個隻..
依家間唔中見下,我都會有好窩心的感覺.
我都唔知點解會咁~~嘻嘻

在睇呢套戲之前,我同佢傾左幾句電話..
佢提起番一D以前既事,我倆都忍不住笑了..
原本想一齊睇架,不過最後約唔成.
也許在平行時空,我們是一起看這套戲的:D

終於寫完了~
上面的文字只是一些刪減了的記述..
有D野,我唔想同人分享..
其實係中五,仲有一段故事發生過,
那是另一個動人的回憶..

在呢幾年,我曾經想搵一D鏡花水月既野..
但我知,呢D畢竟只係幻影..
緣起緣滅,   盡化灰燼.
起碼在此刻,我不太想記下.
那些經歷,讓我更了解自己..更清楚我想追尋的是什麼..

依定既我,實在冇咩心力去想感情..
是有一些心事收藏在心中,
但我想不明白..
Speed的生活很忙,好多野要做..
每日都好似同groupmate拍拖咁,仲邊有時間諗其他人,其他事?
順理成章地,我把這些思緒封存起來..
沒有抹掉,只是不懂去想,也不想去想..

如果唔係因為九把刀,我應該唔會比呢D回憶衝擊..
不過咁都好丫,可以把心目中的那些年重新回味一次..

===========================================
我幾鐘意呢段先導片架~~HEHE

 
呢兩句,係我最鐘意既句子:
座位前，座位後。男孩衣服背上開始出現藍色墨點。
一回頭，女孩的笑顏，
讓男孩魂牽夢繫了好多年，羈絆了一生。

咩都想講少少..

 

腦袋很累,沒什麼空間去想什麼..

每天的生活,就是在番學,補習,回家上網+訓覺.

再唔係就是去lib對住D notes..

這樣的日程,確實係一個好理由去讓人庸庸碌碌去過生活...

和朋友間的communication少了,有時連sms/電話都唔想理..

原來當你唔想擺心力/冇咩心力既時候,係可以有無限既理由唔keep contact.

對朋友說得最多的,竟然係 ---- 多D休息,小心身體

唔通講加油努力? 我真係講唔出口..

溝通,的確少了..

但你會了解到,誰在你的心底佔有一位置..

 

有時在家,話題總是離不開"補習" .

其實我真係唔多鐘意...

點解每次都係問:今日去邊補習?

我知你關心我先問..但係我又好唔鐘意每次都係講呢樣野..

 

 

總算考晒所有mid term test..

成績, 不算好也不算差吧..

星期三考finance,著實有點衝擊..

一開始考,我個人就勁緊張,完全集中唔到去做題目(即係計數..)

我知我一向計數都係麻麻..但係我有比心機溫架..上年分test,我仲完全識做添

但係一做今年呢份,我完全怯左..

黎緊個project同final點算?

我真係冇咩信心..

 

就這樣吧.是時候訓大覺了~

 

 

PS 算是完成了我之前話要做既事了~~XD

這樣的方式,倒也不錯.嘿

Christianity = ??

其實我一向都冇咩點留意其他宗派的資料..

我最多機會接觸其他宗派的,是在學校

KRS係禮賢會,BHJS係聖公會,

我總算體驗過不同的信仰生活...

 

有時諗番,會覺得呢一代的信仰好膚淺..

耶穌的信仰是走進當時的弱勢群體..(婦女,殘障者等)

我的信仰,又係點?

對其他宗派,我又有多少認識?

 

因為種種的原因,算是有機會進入不同的(比較)貧窮人中..

話咁快就已經7年幾了..

每次與他們相處,我都有點感慨..

除左對佢地好D,仲可以做咩??

真係冇咩可以做..

 

或者,諗太多未必係需要..

努力做做緊既事吧~~

能參與其中,真係好好^.^

 

 

 

 

 

=================
聖公會朋友在基督教選舉的遭遇，看今日華人教會的危機。

Lee Chi Pan Mark 寫於 2011年10月31日 0:48

有聖公會朋友，今天到基督教協進會票站進行投票登記。義工見到其堅振證書時，指他是一位「天主教徒」。經解釋後，那義工又指聖公會是天主教一員，朋友直請她看看基督教候選者的簡介：當中多位均為聖公會人。

這是一樁「真人真事真笑話」，同時揭露了華人信徒對「基督教」Christianity 的認識，已被基要派和福音派嚴重污染！連基協的義工都可以這樣無知，其他信徒呢？

多年來，華人社會的「基督教」團體及發言權根本一直被某些基要及福音派騎劫壟斷，以至普遍的市民，甚至基督信徒自己，把「基督教」等同於 Christianity 光譜中最短歷史最沒傳統最缺神學基礎的新教社團。

這對聖公宗、信義宗、循道宗，以至浸信宗，甚至羅馬教會（天主教）的信徒，都是十分不公平的。「聖禮」、「聖餐」、「聖職」、「神學」、「聖徒相通」等等觀念，只因在資歷最淺的宗派中沒有席位，就被刻意忽略，以致廣泛市民甚至信徒，以為「基督教」等於結他、流行曲、開聲祈禱……而把二千年來，由猶太時代、耶穌時代、門徒時代、歷代教會先師、改革者的信仰，一掃而空！

每個新教的教派都自稱源自「路德的改革」，請問有多少基督徒（無論是天主教徒抑或新教徒）知道路德所提倡的改革是怎樣的？有多少個參與過信義宗的崇拜？多少人知道路德堅持聖餐是有真實臨在（他反對用偽科學的「變質說」，但他反對聖餐只是「紀念」）？多少人知道路德一直尊敬聖人及聖母，以至他的徽號－－也是信義會的標記－－就是一朵象徵聖母的玫瑰？？

至於相近地保存大量原有大公傳統的聖公會、循道宗，以及改革得來較溫和的中華基督教會等，那些自封「基督教」發言人的機構，認識多少？聖公會仍是行主教制，那是否聖公會等於由羅馬教宗按立？

最可怕的是，他們霸道地要把一切基要與福音派活動、觀念（恕我不能稱為「神學」）的海報、單張、書籍推進所有傳統宗派，不肯貼不肯放不肯賣就是「不合一」甚至「異端」，但他們的出版物或言論中，卻又從來不包括任何大公傳統或神學，把聖公會、信義會等所有禮儀崇拜、神學立場，視為「個別宗派傳統」。當然，更別說他們乾脆把羅馬大公教會視為「另一個宗教」去處理了。

結果很明顯，不少年輕信徒，特別是中學、大學時代，會被他們的團契、活動、「崇拜」同化，以至傳統教會的觀念（甚至連信德帶信徒）流失（這在聖公會和天主教尤其嚴重）；同時，他們可以愈加厲聲打遏各大公傳統，並把一切打為「天主教」甚至異端（有時候兩者是相通的）身上。

對著他們這種作風，真的可怒卻不可言。而除非我們這一代信徒認真處理，又有傳統宗派的牧者敢站起來對這種「冇文化侵略」說不，否則早晚會變成非天主教則基要派的變態社會。