講完公民廣場 & 不可或缺的教會之後,
係時候談談呢本最近睇緊既書~~
點解會遇到呢本書 ? 呢個完全係一個巧合.
事緣我要買一份禮物送比剛決志的組員,點知就係基道發現左佢..
個一刻,頗有眾裡它千百度的感覺.
"是你了,你就是我此刻要追緊的那個.." 個下我真係有呢種感覺.
我總覺得有一把聲音引導我去選擇它,而不是另一本講自由既正書.
呢本書係一個神學院教授寫比剛加入牧職的人的.
試圖從不同角度解釋牧養這項職事.
組長是不是一個牧者? 我以前一直試圖去否認此事.
我覺得自己係small potato,點會搞呢D大事..
但係拎起呢本書個刻,我被迫去再次面對這個挑戰.
就係咁,我就開始左睇呢本書. 嘗試去了解更多..
我之前話神好鐘意對住我出必殺技..
"冇人可以奪去我既兒女"呢句, 我到落筆這刻仍然覺得很震撼.
我發覺神透過作者多次向我開火,狠狠修理我..
此外,他又在不同章節讓我看見一些很少留意既東西..
這些說話,催促我去反思自己的服侍,面對上帝的命令.
作者係第一章就清楚表示牧養職事不是一份職業,而係一份召命.
神呼召人去服侍教會,在上帝百姓當中去生活&服事.
依家再思考,我必須承認組長呢份服侍唔係一份簡單的工作,
而係神揀選人去做眾人的僕人.
係回望過去的境況時,我想上帝是特地把我放在這個地方的.
我有個感覺,它要我透過服侍呢個群體去睇到佢既大能.
係服侍的過程中,我一直睇到神的作為臨在小組..
雖然有些時間會發生一些令人沮喪的事,
但仍然有祝福在當中.
由會考,預科,到大專/大學,
我都看到神點樣係我地既生命中出現.
我看到神如何改變人心,把人領回佢既寶座前.
"我看見耶和華坐在高高的寶座上"是以賽亞所見的異象,
這亦是我所看見的圖畫.
神同在並沒有因環境改變而有所轉變.
在服侍中.我發現自己有個我很討厭的缺點,
就係我心底中的自傲.
這份自傲,一直影響住我點與人相處..
我好唔鐘意呢樣野,但係神卻話佢要用既,係人既全部性格/經歷,
這些東西全都會用作服侍人.
呢D說話,我以前係唔會講的, 因為我覺得好廢話.
神的智慧是人看為愚絕的? 我睇完咪照背囉,
但唔多明白佢講咩..
係服侍的年月中,我漸漸了解這些道理背後的意思.
有人說多謝我之前同佢講過一些話,以致佢明白神更多..
我竟然一D都唔記得自己講左D咩.. @@
當我跌跌撞撞咁去服侍時,神竟然用這些話/行為去祝福別人.
呢D唔叫屈機叫咩?
感恩的是,神比我係這段過程中搵到我的方向.
"你當剛強壯膽．不要懼怕、也不要驚惶、因為你無論往那裡去、耶和華你的神必與你同在 。"
"建立你教會,來醫治這地"
"我看到靈魂中的憂傷，孤獨中人的心在角落顫抖"
以上呢D經文/歌詞都是我在呢幾年中所領受的,
這些話,讓我看到我到底應該做什麼..就是去牧養主的羊.
呢個應該會係我呢幾年都會繼續行既方向.
好快我就要離開校園進入職場,我相信我的服侍又會進入新的關口..
原本想分享本書既內容,點合打打下變左講自己添.. =.=''
唯有留番下次先打...
hohoho
回覆刪除