有時間諗

 
上兩個sem過得好快，
其中一個原因係因為每日都好忙，
返完學就要趕去補習，之後再趕下一場…
係咁忙碌既生活中，根本冇咩時間available 去思前想後，
每日都係為左衝個個星期既deadline.
呢兩個月相對而言算係比較輕鬆，
一來岩岩開學仲未有project,
二來補習少左，有多啲時間留比自己，
所以我去左行山，集會，睇畫展，見朋友 etc…
空間多左，亦即係話可以諗野既時間多左，
無啦啦會有一啲好耐冇諗既事情浮現腦海…
之前以為完左既事，又彈番出黎。
有時間比自己思前想後，好容易會有一些負面反應。
係大唐雙龍傳中有一場叫慈澗大戰，
李世民故意迫王世充離開前線返回洛陽，
令佢有空閒想起少帥的利益衝突，
從而破壞兩人的合作關係，
依家諗番，呢招真係好毒…

是但記低一啲胡思亂想先
1) 重返舊地
去番以前成日去既地方一遊，物是人非。身份唔同左,感覺真係好唔同.
細個覺得冇咩野，點知依家人大左先發覺原來那份不捨暗藏在心。
紅樓夢所描述的變遷與那份感覺，我好似領會到些少…
有些東西，原來一直影響緊我…

2) 自閉仔
呢排唔多想講野，鐘意玩自閉@@
冇咁鐘意主動揾人，比以前更怕開話題講
同埋我仍然覺得處於一大班人當中好唔自在
Esp 作客… 有時真係唔識回應某些說話/玩笑。
係別人眼中，會被理解為拙口笨舌吧。
出聲又死唔出聲也死……

3) 男女男
我都幾唔識同拍緊拖既pairs相處，
通常會自自然疏遠啲佢地，
感覺真古怪@@
是怕對方伴侶的反應吧…

4) 頹.讀書
呢個sem係我係speed咁耐以黎最有意識要温書的一個學期，
但係呢兩星期我偏偏勁冇心機…
Notes有温，上堂聽書會抄野，
但係好似冇左靈魂得個肉體係度咁。
希望呢個星期會好啲啦。

以上既無厘頭雜記係我做assignment做到發火時打的，
點解我睇晒書同筆記三次都可以唔明佢問緊咩…

Ps做完手頭既野，要迫自己打埋未打完既讀書感想！！