死亡與喪禮

 

呢幾個星期接連去左三個喪禮..

坐在殯儀館入面,自然會思考死亡同自己既關係..

一直覺得呢樣野同自己冇咩關係.

直到爺爺年老過身, 先驚覺原來唔少家人親屬有番咁上下年紀..

到依家,我都幾怕我識既人死, 我似乎仍未自爺爺的離開recover呢..

到依家我都好掛住佢..

中秋做節時突然很想哭..一直想起佢既面容&聲線..

 

另一樣係想起<新君王論>中提及朱利亞尼的說話,

佢話出席婚禮是錦上添花,而出席喪禮是雪中送炭 (大意如此)

細細個睇見呢句說話,我就已經決定,儘量出席喪禮..

係喪禮的確好悶, 但我相信出席是對家屬的一份支持.

好記得上年有傳道同工為我家負責處理喪事的細節,

又安排詩班在安息禮拜獻唱..

這些細心的服侍安慰了我和我的家人..

係這次經歷中,我明白到出席係一份好重要的支持..

有時會想,其實喪禮是為生者預備的..

平日大家可能唔多見面,但是會在呢個場合相遇.

在一個記念死者的場合,生者彼此相交,溝通..

 

之前上堂曾經設計過自己既喪禮係點.. (其實真係應該寫定..)

我一定會要求播仰望恩典..

呢首詩歌唱出了我的心聲..

此外,我希望可以係當日同嘉賓分享神的恩典,而唔係憂傷..

 

黎緊,希望唔駛去咁多喪禮啦..

真係好怕我認識既人逝去..