24小時的感傷

 

別人說頭髮係三千煩惱絲..咁剪頭髮又能否剪掉煩惱?

今日剪頭髮時,無啦啦諗起呢樣野..

我忘了,剪頭髮只係剪短D頭髮..

一日根源仍在,問題都係未解決.

 

昨夜耳聞了一些事..

聽到後,即刻苦笑..

預計會發生同發生真係差好遠..

我以為自己已經做夠心理準備,點知都係招架唔住..

整整一天,我仍然沉沒在傷感中沒法脫身..

返工時,冇錯係不斷抽人水..

但我知,這是我心情唔好時既自我保護機制.

越唔似平時既自己,越大獲..

 

時間,只會向前走..

關係,卻可以向後退..

只要我狠下心,一切都會結束,通通變成歷史..

互動,不正是這樣嗎?

二人的進退,決定事情的走向.

一人的堅持,只是無謂的掙扎..

我努力讀書...80%肯定會有回報,

但在這裡,冇呢支歌仔唱.

當同步率變成了一個無關重要的數值時,

還要為此作任何努力嗎?

呢排唔知點解直覺好強..

完全feel到那些不起眼的變化..

那一個signal..我好耐以後先察覺到...

 

回望人生,自己能掌握的東西越黎越少呢.

小學時,榮譽總是垂手可得..

直到中學,才知道什麼是天外有天..

人越大,越覺得冇什麼事係必然..

一切,都有因有果..

細個,我以為我係萬人敵.

大個,至發覺自己係一隻卒仔.

當對大部分事情都再無把握時..

卻步就成為了最佳的選擇.

兩年前如此,想不到兩年後我的想法仍是一樣...

我仍然信奉"不打沒把握的仗"..

又或者應該說,我是怕冒險吧..

怕面對不可知的結果...

 

仲有一樣,係關於自己既情緒的..

今日番工時,嘗試了解自己係呢段日子的情緒變化..

有一點想法,及無數的疑惑..

這應該是我生命中必須要了解的一件事吧.

 

期待在他方的日子,好想比心靈放下假..

放下香港的人,事,情感.

不過...我做到嗎?

 

 

兩種版本,兩種的感覺.

是因為體會不同吧.