Talk with Jacky @2011/2

一直想動筆記下這段對話,不過抽唔出時間..
再唔打.應該會唔記得了..@@

今年2月,我聽完jacky既一篇道,
之後突然想搵佢傾幾句..
就係咁同佢係starbucks傾左兩個鐘..
對話的內容已不太記得了..
只剩下一些重點..
五個月已過,係時候做一些review了~
下面所記的,是我對該次談話的理解..
原話,早忘了><

1. 懷疑我所懷疑的
呢個係其中一個我印象最深刻的point..
依家諗返,真係勁中.. ><
到底我一直所相信的,是否經得起考驗?
我所懷疑的,又是否合理?
我心知,呢個係我要面對的一個大難關..
隨住視野的拓闊,開始發覺自己仍是一隻井底之蛙..
只不過所看到的天空比較大一點而已..
但仍有好多野唔識..

呢兩年經過文少,Chris  等高人的洗禮之後,自覺我既分析能力高左不少.XD
佢地成日係網上討論不同的課題..
睇得多,自己都學到唔少野~
當然,政府都幫左我好多..
教左我邏輯學既不少理念..
例如偷換概念,滑坡理論等.
真係多得佢唔少.. =.=''

Break down & Build up, 係呢個過程既主旋律..
同metabolism咁似既..@@
關係如此,信念價值亦如此.

人與人之間既關係，其實也需要Metabolism...需要建立互信、默契、以及對彼此的愛。同樣，也需要破除自私、猜忌等。關係要進深，無可避免會遇見衝突，需要彼此用愛去維繫、包容、接納。心意，只係擺係個心度係唔足夠的，亦需要讓人明白…需用行動去表達.

呢段文字係我上年來寫的.
今日睇返, 別有一番滋味..
想趁這個假期多看一點書呢,
有些事,是現階段的我所不能想明白的..
唯有靠外力吧~

2. 愛完全了律法
凡事都不可虧欠人，惟有彼此相愛，要常以為虧欠，因為愛人的就完全了律法。
(羅馬書13:8)
我都算係一個鐘意"依法辨事"既人..
但是,以前的我總看不到規條背後的價值為何.. (定係我視而不見??)
今年其中一個得著,就係看到律法背後的恩典..
無論是節期,獻祭,律例等, 背後都有其意義..
只是我到現在才略知皮毛..

只係拿住律法,那即是忘掉了神的救恩和愛.
律法與規條並不能讓人得著生命的改變..
唯有愛才可以..
而上帝的愛,正正完全了律法..

這是對我的一個大提醒呢~
有恩典(神的愛),不代表容讓罪惡的滋生..
恩典與律法,是一個錢幣的兩面.

道成了肉身，住在我們中間，充充滿滿地有恩典，有真理。
(約翰福音 1:14)

3. 愛與忍耐
在即食文化充斥的這個社會中,我也是其中一個鐘意快既人.
咩都好,最緊要係快見效.
但聖經的教導從不是這樣.
神看事情與我們非常不同..

我要的,是快速有效果/結果..
這樣的思想,忽略了一個重要的事: 任何事都需要時間去發展.
如果神都係咁的話,彼得一定唔會成為教會的基石.
佢同耶穌相處左三年,,到最後也是跌倒了.
但耶穌仍然對他說:「你牧養我的羊。」
耶穌咁做代表了什麼?
佢愛彼得,雖然他曾跌倒,但耶穌仍然愛佢..
沒有利益關係.只是因為---愛.
如果不是愛,很難想像耶穌為何會在此事後仍把重大的責任交比佢.
我會理解為---這份愛當中包含了深厚的包容和忍耐.
耶穌容讓彼得有成長的空間..
這份從愛而來的忍耐,實是我要學的一件大事..
忍耐,不代表維持現狀什麼也不做.
忍耐,代表要係內心及處事層面都有改變
忍耐,需要無比的大愛.

多謝jacky,因為他讓我有時間思想一下自己的事.
不過要作改變,仍需不斷的練習..