1) Census 2011
呢個可以算係我人生既第一分工..
雖然只係短短的半個月,但我真係十分享受當中既時間..
可以同一班好好既同事一齊做野,真係好正~
此外,呢份工亦讓我有機會接觸一些平時冇機會接觸的人/事
起初,我唔係好想被分配去灣仔架,
不過依家諗番,就覺得好正..
呢個舊區,有$人與平民並存..
呢十幾日的訪談,令我對這個城市有更深的認識..
( Related post 我,曾經是一個統計員 )
2) 補習
補習,除左係一份工之外,亦都係生命教育的一部份..
今年下半年開始,我要完全負責自己的所有開支..
這是我對母親的承諾..
生活的壓力,無可避免地增加了不少..
感恩的是,我在不算太辛苦的情況下搵到足夠我糊口有餘的補習..
上帝,再一次在不同的角落保守我..
呢幾句經文,真係應到爆..
我求你兩件事、在我未死之先、不要不賜給我．求你使虛假和謊言遠離我．使我也不貧窮、也不富足賜給我需用的飲食．恐怕我飽足不認你、說、耶和華是誰呢．又恐怕我貧窮就偷竊、以致褻瀆我 神的名。
冇錯,係好辛苦,每日都要走黎走去..
對我既體力係一大考驗..
我完全明白半工讀係幾咁辛苦..
有時返完學補完習,真係成個人散晒..
除左講$之外,都想記低下同班小朋友相處既經歷~
我對講教左D咩主科真係冇咩興趣..
我反而對佢地既生命比較感興趣..
係同佢地既相處中,我睇到好多野..
呢一代,欠缺的唔係物質..而係和同輩既相處..
我覺得,呢家既小朋友,真係唔係太識同人相處..
佢地本質唔係差,只係在這個氛圍下被影響而已..
我有努力去做D野架..不過唔知有冇用呢..
睇到D小朋友鐘意同我玩,我真係會笑到keke聲..XD
3) 人生本來就有很多事是徒勞無功的啊
今年5月尾,我做左人生既第一次嘗試..
我都唔知這是對定錯.. 我只係知我不悔..
沈佳宜說得對,有D野真係徒勞無功..
係咪所有野做左就會有好結果? 答案是: 不
起碼,呢件事讓我對自己的一些堅持有了多一點的體會..
我想,我正在追求的,是一個可宏大的目標吧..
到呢一刻,我都未搵到我想尋找的東西.
事已至此,以後點好? 係打呢句說話既時候,我仲係冇咩想法.
我唔想順從眼目的感覺去尋找 ,
我想要的,是有你旨意的關係..
4) 台灣之旅
真係好開心可以這裡旅行..
去到呢個華語地方,我完全感受到與香港不一樣的氣息..
一種我很喜歡的氣息.
好享受走在大街上的感覺呢~
另外, 好開心有去十分 & 平溪 ..
個度真係堅令..
如果可以的話,我一定會去多次呢個地方~
這裡的人,真係好好人!!
搞笑的是,在旅途中竟然有個香港人問我路 =.=''
5) 讀書.升學
其實我好覺得我依家呢個讀書機會係恩典黎..
係asso,成績唔算好好..
當時聽世宏講報左speed試下..
當日的interview很有趣,我直覺認為佢一定會收我..
我都唔知點解釋..@@
新學年係新地方讀書,
其實有些少唔慣,可能係因為慣左city的氣氛 & 環境吧..
係呢度,多左時間做自己野 (對我黎講即係補習@@)
同埋都識到一班好好的同學..
希望係黎緊既兩個sem都咁享受啦~
6) 同神既關係
呢一年,都幾經歷到天父既帶領..
可以講既係,一言難盡..
有好多位,好喪氣,好灰心,
但係佢又用各樣既方法去令我重新站起來..
其實用心回想,可以睇到好多佢既足跡..
只不過,今年我真係比較謝..
無論係asso尾/年尾,我既靈性生活都幾嘛嘛..
有時都覺得幾lonely,
以致好多時都視而不見佢既保守..
謝謝耀基,係同佢既見面中,
有機會去review自己既信仰..
從而可用另一角度去睇到神..
黎緊既一年,我希望可以繼續去努力行出信仰..
有D野諗左成年,最後得出一個想法:
講咩都係假,做左先算..
只有繼續實踐,才能發掘更多信仰的真義..
那我就繼續下去了喔~
至於別的事,等我放埋個假先算..@@
未有時間review晒..
應該有時間可以係sem break之前想想吧.
沒有留言:
張貼留言