考試後,還剩下什麼?

 

其實呢,我星期六已經考完試..

不過呢兩日長抖黎..之前扯得太盡..

呢兩日訓到成隻豬咁><

 

今個考試,唔係好在狀態..

之前我都講過,呢個sem比以前辛苦好多好多..

係多方面的透支...而各方面的累又會互為影響..

身體,心境,靈命 ...... 全部都中招..

 

係考最後一科時有D時間剩,

我同神吹水..細數番呢3,4個月所發生既事..

時間過得很充實,充實到連個腦都實埋..

衝衝衝,好似WW2班士兵衝上諾曼第咁..

原本以為內傷會繼續發作, 點知忙碌反倒令我的內傷強行壓住了..

我的內心好成功地借忙去逃避左呢件事..

 

這幾個月我到底做過D咩?

我都唔知..

我只係知我就黎變左做喪屍...

一星期有168小時,但係我好似只係得20個鐘係可以做下私人野..

上堂,聽左好多野..但唔太岩我口味..

當你可以有更好的source去學習時,

你就會發覺D Lecture notes係幾咁唔掂..

 

我同神一路傾,我一路唉聲歎氣..

這幾個月,無錯係得到一些東西,可失去的更令我汗顏..

有些價值,被狠狠地挑戰..

我都唔知應該點持守一D我一直相信既野..

我自己知道的,當精神層面得唔到滿足,我會好大獲..

呢幾個月,我一直同自己講我想要買呢樣要那樣..

除左真係想要之外,我心知真正的原因係我有點自暴自棄..好想寄情於物質世界..

 

我真係好唔鐘意咁樣既心境..

原來,當生活冇左神,個世界真係會完全唔同晒..

原來,當人選擇生活唔需要神,個世界係可以變得一團混亂..

我慶幸,我冇放棄神..

只是,點樣走之後的路?

我有點迷茫..

 

假期來了,

尋日同個小朋友玩左成日,仲收到好大盒朱古力;

今日又食到好好味既愛心粥~

除左身體上的休息之外,我好想心靈上也好好休息呢..

 

=========================

兩個version都好好聽~~