寒夜中的sms

唔經唔覺,原來話咁快已經sem 尾..
原來,我已經讀左12個星期...
前幾日睇facebook,突然發覺靜左好多..
昔日總會見到好多熟悉的名字留言/貼link..
但係..呢一年真係少左好多..
係因為太忙嗎??

每次同朋友食飯見面傾計,總會見到一個個疲憊的面孔..
大家著實很重視相處的時間,但係你總是能在大家的眼神中看到一點事情..
累..
睇住大家好努力咁去維繫彼此既關係.
其實我都幾感動..
前幾日去左睇iris singing contest,
我真係好享受架.
一班人願意為左個圈子而努力個種感覺真係好令..

今日收到一個sms叫我小心身體,個下真係勁warm..
好多謝朋友的關心呢~
夜晚時send左一句問候比一D朋友..
跟住成程車都停唔到手..
因為要覆msg..

我有個感覺,就係其實如果我們每一人都肯花一點點時間去關心朋友的話,
那世界已經可以很不同了..
呢個只係得一個德蘭修女,
但係呢個香港有700萬人..
難道我地咁多人都及不上一個人嗎...