小事與大事

終於有時間寫番兩句了~嘿嘿
有幾個人,在服侍的道路上十分影響我..
佢地用行動向我示範左咩係走在人群中..

或者,人們未必好知佢地做過呢D野..
但係我真的好佩服佢地..
可以為別人無私咁付出時間,心力,金錢..

回憶1
有一次,成班弟兄姊妹係度玩,食野..
我見到一個身影走去搵一D坐埋一二角既人傾計..
有聊好,無聊好,咩都傾下咁..
其他人呢? 正在同自己熟既朋友一齊.
基本上冇點理其他在場的人..而當日,有兩個新朋友..
(一方面,我好欣賞他,一方面,我又覺得好灰..)

回憶2
每次見到妳,都會聽到熟悉的一句問候: "家驥,你最近點呀?"
每次聽到,都會感覺到個份關心...真係好warm..
我都唔明,點解係你講先咁powerful..
我想,這是因為你真的好在乎每一個人吧.


依家既我,唔多唔少都受左你地既影響..
只係,我都仲係未夠道行..
起碼,我做唔到你地咁無私..

好多時會唔想做呢D小事,因為真係好花心機..
關心人/傾電話真係需要拎個心出黎..
要成副心機擺落去聽&傾..
依家真係比較難好似以前咁..
不過,唔同時間應該可以有唔同做法既,對嗎~~

唔知點解,頹完之後,又會好有energy關心人..
點解會咁??
 
=====================================

不義的大使命
「人在最小的事上忠心，在大事上也忠心；在最小的事上不義，在大事上也不義。」 路加福音16:10

小和大，在耶穌的眼中，有很有趣的關係。
小事和大事，不能這樣簡單地解釋說：「小事簡單，容易完成，俯拾皆是，但大事更重要更難做；所以有完成小事的能力，是做大事的預備。」
這只是辦公室老闆的口吻。事實上，返開工的人都知道，一個人做了很多小事，有時也不代表他有做大事的能力。
這解釋或者應該倒轉來思考：處理小事，其實比處理大事要難。
這不是能力的問題，而是敏感度、心思的細密度、對價值的堅持度，這些問題。
講「大事」很容易，豪情壯語、振振有詞、躊躇滿志，一毫子都不用花，一滴汗都不用流，完全可以感動人心。
但在說話的背後，每一個行進的細節，每一個參與的人的配合與關懷，每一天實踐要注意的地方，當中體現的精神面貌，都會決定這件「大事」，究竟是結結實實，還是虛偽空談。
沒有「小事」的幼細與執著，「大事」就會變得十分粗疏，甚至無法立足。
所以，「小事」在耶穌眼中，比「大事」要大。最小的事，就最大。
這不是對我們很重要的提醒嗎?
基督徒群體，大使命、大方向、大計劃，講得最多。
但講得多不代表真的體現了精神。
每個星期都站在台上講要為上帝打拚，但走到台下，對身邊的弟兄姊妹，
連最基本的關心、包容與關懷都做不到。
分享的時候一定包括感恩，
但身邊的人無私的服侍，我們從來沒有心存感激。
每一次都講要往普天下去將福音傳給萬民，
但萬民今日身處的境況，社會對弱勢群體的壓迫，
很多基督徒一點也不了解。
小人小事，我們常常嗤之以鼻，不予理會。
假如耶穌在，在流淚被忽略冷落的的信徒中間，
在被耗盡遺忘的事奉者中間，
在被忽略關懷的孤兒寡婦中間，
他會用這金句去審視教會，說：「這些『小事』你不關心，你的大使命有多響亮，也是不義。」
===================
RE chai
好似係你定tiffany講..
我都唔記得了..@@
我地一齊努力打blog&tweet吧~HAHA