愛與律法

我實在告訴你們：就是到天地都廢去了，律法的一點一畫也不能廢去，都要成全。(太5:18)

愛就完全了律法。(羅13:10)

愛與律法的關係,實在很難理解..自己一直都似明非明..

星期三與jacky的一番對話,讓我看到很多的不同,從另一角度的視角去看事物..

神的想法,就是如此不同人的..

人,豈能自大?

Posted 2/25/2011 1:14 AM - 4 Views - 0 eProps - 0 comments

《普魯斯特問卷》@2011

 

幾鐘意呢份問卷~ 一路做,又認識自己多左呢..

以後每隔幾年都要做一次先~~

可以睇下自己有冇變過..

有興趣的話,不妨自己試下做~

甚麼是《普魯斯特問卷》？

普魯斯特問卷由一系列問題組成，問題包括被提問者的生活、思想、價值觀及人生經驗等。因著作《追憶逝水年華》而聞名的Marcel Proust並不是這份問卷的發明者，但這份問卷因為他特別的答案而出名，因此後人將這份問卷命名為“Proust Questionnaire”。

1.你認為最完美的快樂是怎樣的？

點先係最完美? 我根本想像唔到..

在此刻,能不為任何東西憂慮,可自己自在做自己想做的事就是最完美的快樂.

2.你最希望擁有哪種才華？

明瞭人心的能力 (貪心一點,其實真正想要的,是改變人心的能力...)

惟能極於情,故能明瞭人心

惟能明瞭人心,故能真正的關心他人

3.你最恐懼的是什麼？

漫無目的地活著,而自己對身邊的人與事完全厭倦了

4.你目前的心境怎樣？

放緊假,算是寫意吧~

5.還在世的人中你最欽佩的是誰？

Shirley, Onson

佢地兩個一直係我的榜樣.

6.你認為自己最偉大的成就是什麼？

我有做過任何偉大的事情嗎? 點解我自己都唔知既..@@

或者過多幾年我會做一兩件..掛..

7.你自己的哪個特點讓你最覺得痛恨？

心軟

呢樣野玩死我..

8.你最喜歡的旅行是哪一次？

2008年去北海道~因為我好鐘意個度既風景&人

好想去多次~

9.你最痛恨別人的什麼特點？

冇情冇義、冇信用

冇以上呢D野,我點解要當你係朋友?

10.你最珍惜的財產是什麼？

誠信、愛、知識、智慧

11.你最奢侈的是什麼？

我諗唔到..

原本想話知識..不過突然諗起,知識之路係無涯的..@@

而我既知識...仲係好少..

12.你認為程度最淺的痛苦是什麼？

Tends to 冇痛苦的痛苦

13.你認為哪種美德是被過高的評估的？

如果用騎士的八大美德作參考的話 (謙卑，榮譽，犧牲，英勇，憐憫，誠實，精神，公正)

我睇唔到有邊種係被過高的評估...

14.你最喜歡的職業是什麼？

老師 ,不過係在外國教

香港個D唔係老師,係教書機器.(被變成咁..)

傳道、授業、解惑

教養孩童 使他走當行的道

這才是老師的責任!

15.你對自己的外表哪一點不滿意？

ALL 

16.你最後悔的事情是什麼？

06年暑假, 10年頭4個月

一連串的誤會,令所有野一發不可收抬

錯已造成,亦冇得補救..

這會是我心中的兩條刺.. 

17.還在世的人中你最鄙視的是誰？

冇情冇義的人 、冇信用的人

因為鄙視,所以我會疏遠..

18.你最喜歡男性身上的什麼品質？

可靠、穩重

19.你使用過的最多的單詞或者是詞語是什麼？

我講得最多既,一定係助語詞..因為好多時聽人講野都會不斷嗯嗯嗯..

如果冇記錯,應該係: 唉

20.你最喜歡女性身上的什麼品質？

體貼..呢個真係好正~

21.你最傷痛的事是什麼？

唔係掛,要我諗呢D咁既野...

依家唔想講..

22.你最看重朋友的什麼特點？

肯為別人付出,願意交心

凡事都係雙向既..

23.你這一生中最愛的人或東西是什麼？

理論上應該係天父,不過我又覺得自己未去到咁愛WOR..

一生中最愛,呢個名好沉重..

24.你希望以什麼樣的方式死去？

訓緊覺時平靜地死去

25.何時何地讓你感覺到最快樂？

與期說何時或何地,倒不如說和何人~ 

真係要揀一個的話,一定係夜晚在海邊,XD

26.如果你可以改變你的家庭一件事，那會是什麼？

可唔可以係多D $ ..  @@   冇人會介意$多的吧~

全家信主都係另一個好選擇~

27.如果你能選擇的話，你希望讓什麼重現？

冇罪的世界,能嗎?

(咁咪即係講緊最初的伊甸園..)

28.你的座右銘是什麼？

i)信念無關選擇,貴在堅定不移

ii)選擇帶來後果,或是+ve,或是-ve..揀左就不要後悔

Like · · Share · Delete

• Nicole Kam, Grace Wing-Yan Chan and Jeanie Chung like this.

• • 

    Ho Pui Lai ii)選擇帶來後果,或是+ve,或是-ve..揀左就不要後悔
    幾時我先學識呢樣野呢-_-

    January 3 at 1:47am · Like

  • 

    Andy Chu 哈* *
    入camp啦我，遲d再覆+打啦~

    January 3 at 1:50am · Like

  • 

    Double Ding Ding ‎9.你最痛恨別人的什麼特點？
    冇情冇義、冇信用
    .... 最多下次比番隻雞翼你..:(

    January 3 at 5:34pm · Like

  • 

    Nicole Kam

    ‎7.你自己的哪個特點讓你最覺得痛恨？
    心軟
    呢樣野玩死我..
    好正 你對住我成日都係咁 xdddd

    January 3 at 6:01pm · Like

  • 

    Yat Tin Sunny Chan ‎17.還在世的人中你最鄙視的是誰？
    冇情冇義的人 、冇信用的人
    因為鄙視,所以我會疏遠..
    話說，這題不是要指明一個人的嗎？

    January 3 at 9:10pm · Like

  • 

    Tiffany Sham 上帝才有"改變人心的能力"，我們只是一個器皿，讓上帝去使用而已啦~~ (我在研經營都好像對你說過類似的話:)

    January 4 at 2:43pm · Like · 1 person

  • 

    Tiffany Sham btw,一個人不能完全明瞭另一個人，但仍然可以表達關心~~這是沒有先後關係的呢~~~
    加油努力學效基督~~:)

    January 4 at 2:45pm · Like · 2 people

  • 

    Yeung Ka Kei

    RE BC:
    你會做到的~~
    RE ANDY
    等你 ,HAHA
    RE double
    O左><
    仲有珍珠奶茶呢?? 你有排都未還晒,,HEHE

    January 4 at 4:53pm · Like

  • 

    Yeung Ka Kei

    RE 力勞:
    唉..冇計架WOR 呢樣野..XD
    RE 日天:
    要厚道嘛..其實我有一個答案既..
    RE tiffany:
    當然記得啦~謝謝你們在研經營比左好多好的意見我~
    我知人冇改變人心的能力呀..(這幾年漸漸明白..)
    可以咪話想要明白人心囉..
    我諗住,如果可以明白別人多一點,咁我就會對別人少D誤解..
    也會更願意去愛..

    January 4 at 4:57pm · Like

  • 

    Herman Addams 你知道我愛哪種tag note的哈哈SHY

    January 10 at 11:23pm · Like

  • 

    Yeung Ka Kei RE herman:
    我相信呢個tag不是那些千篇一律的tag~HEHE
    其實我tag人,係想比一些我重視的人了解一下我而已.

    January 11 at 3:29pm · Like

2010 Review

 

1)Asso year 1 Sem B
這絕對是一段黑暗的日子..
失眠,身體...把我徹底打跨了..
面對學業,完全無力
另外,在這段日子失去了一段友誼,不得不說是一個遺憾
我對不起我,也對不住你
2)Buxfer
今年對理財有更深的認識..
真正要計算的,不是支出與收入
而是當我有$時應怎樣面對想駛多D $呢個引誘.
真係好多野想買呢..
(smartphone, tablet, camera...............無底深潭@@)
如無意外,2011應該會入手其中一些吧..
3)暑假
暑假的sem break 可算是最寫意的一個假期。做了很多想做的事~
懶洋洋的，過了精彩的三個多月。
在退休前,應該未必會再有咁歎既假期了..
4)犯禁
8月的那一晚,突然間心神失守..
那一刻之後,真的好像夢一場,
只係冷靜左之後,極後悔..
5)尋尋覓覓
“我們中間誰當首先上去與便雅憫人爭戰呢？”
“我們當再出去與我們弟兄便雅憫人打仗呢？還是罷兵呢？”
順服,真的不易.
6)Rss & Evernote
在非常偶然的情況下，走進了另一個知識的殿堂，一個充滿各類範疇資訊的地方（原本我只是想留意下應該買邊部電話好@@）。科技、信仰、
心靈、政治、教育…應有盡有。每個作者，都有其特質，或是想像力豐富、或是邏輯嚴謹、或是學識淵博……他們所寫的一字一句，對我都有
很大的提醒。不得不承認，越來越發覺自己還有很多東西要學。學校只會教你如何成為工廠的一件零件，但我討厭這樣的學習。我喜歡的，是
隨心去學自己喜歡的東西。繼小學主動看課外書，今次是另一次旅程的起步。站在巨人的肩上，才能走得更遠。而我，願意用一生去走。

是時候更進一步，不只是看一個又一個的feed，也想自行製作一個屬於自己的資料庫，記下一些有意思的文章。我希望有一日，這些資料會用
得著。或許在未來，我會多下筆寫一些各類型的文章，記下更多想法，更多感動。哈哈
7)與神同行
好難寫這部分呢。
今年同神一齊經歷左好多…

年頭，繼續延續上年的頹，情況甚至變得更壞。我信，但我信不足這句可算是最佳的形容。
困境，果然最能顯出一個人的本性。
那五個月，實在很慘痛，不知該如何說…
我不斷在問神苦難何時會離開我&為何是我。我求他使我脫離這一切，但我彷彿得不到回音…
或者，他早已回答，但我不服，我想他順從我…
下年，我會再次面對同一個困難嗎？
下半年，得到很多領受。
透過一個個的聚會和敬拜，上帝向我說了很多話。愛，是一切的源頭。天父一直用滿滿的愛注入我飽受創傷的心，讓我
有力走以後的路。他提醒我，事奉也要帶住呢份愛。此外，他一切在挑戰我的信念，把一些不對的想法拆毀，也把一些新的異象交比我。我有
力完成他所交托管的事嗎？我知道,只有靠住他的靈，方有可能。之前在facebook已經寫了很多,就不在此重複了..
另外,我發現了自己的心結是什麼..
是懷疑神不會在我的生命充充足足的供應我..
口講容易,但當面對現實,才會知道自己的信是多麼不足..
雖然我信不足..但是我仍然要說,上帝的供應是非常豐富,遠超我所想所求!
最後要說的,是在2010年,我一直在思考信仰的意義。做了咁多年基督徒，開始思考到底自己可如何活出從神領受的信仰。我特別對社會公義有
興趣。看了小先知書，疑問開始浮現。二千多年前先知的話，對現在的我又有何意義？上帝的教導，我又該如何理解？我用了幾個月的時間去
問，去了解…只是，這題目太難了，我還是未有答案。明年繼續，哈

Posted 12/31/2010 11:55 PM - 20 Views - 0 eProps - 0 comments

把生命投資在哪?

 

我好怕會忘了這感動,所以要快快手打落黎..
話說12月頭阿秉搵我幫佢做一份功課,於是同佢食左餐飯,傾左幾個鐘計..
佢問我,有冇諗過自己的召命係咩...又同我分享左點解佢會讀神學..
一路傾,發覺原來我地兩個好多野好似,性格,對福音的想法等等...esp 我地對神的一些睇法..
好快,我就將呢件事擺埋一邊...
跟住個個星期六(4/12)係宣傳主日,.係兆麟宣教士講多元宣教..
其實我對多元宣教不是有太大興趣..都係抱住聽完就算既想法..
但係好奇怪地,當佢係最後問會眾打算點回應上帝時,
我無啦啦浮起左個念頭: 在25歲前係小區玩鋪勁..
(唔好問我即係點,因為到依家我都唔點先算係玩鋪勁..)
其實我都好奇怪點解會係差傳主日諗D咁既野@@
不過唔知阿,總之就同神講左我呢個想法..
點知,之後11/12個個星期仲勁..
返到青崇,成個人冇咩心機敬拜..
一路企係度一路諗..明明之前個幾個星期都好有火,點解突然會咁..
點解信徒的心可以有咁大波動?
好似以利亞咁,佢明明單挑完事奉巴力的450個先知,跟住會灰到求神取佢條命,
跟住個腦不斷想起一堆聖經人物,想起他們也曾在生命中對神失去信心..
亞伯拉罕,以利亞,以賽亞,跟住諗到去彼得&保羅..
突然定左格係新約既呢班使徒度,
點解佢地可以滿有信心去傳講主的道?
點解佢地被囚,但仍滿有喜樂?
為何佢地以前明明唔係咁,但係信主後有咁大的改變?
忍唔住問神:到底我的生命應該點行? 事奉又會係點?會是全職事奉嗎?
(其實我一直都有諗自己會唔會全職事奉,不過每次都搵到好多理由ban..)
心諗,我什麼也沒有,可以點wor..
突然有句野係我心中出現:
事奉是靠人的能力嗎? 靠主的靈,什麼都能作..
阿秉同浩然都選擇把生命投資在永恆,那你呢?你的選擇是什麼?
一聽到呢句,個下即時狂哭,
"人的所有,都不是自己應得..而是上帝所賜..所以我把生命投資在永恆"
這句話正正是12月頭阿秉同我分享的..
亦是我最印象深刻的一句..
估唔到神會係呢個時候提起我的兩位屬靈師傅..
我又問神,咁$$$$$$$$$ 呢?
你會供應我未來的需要嗎? 你知我煩左好耐..
(越黎越覺得自己成身都係銅臭味><  無時無刻都係諗$$$$$$$ ...)

你們看那天上的飛鳥、也不種、也不收、也不積蓄在倉裡、你們的天父尚且養活他．你們不比飛鳥貴重得多麼。何必為衣裳憂慮呢．你想野地裡的百合花、怎麼長起來、他也不勞苦、也不紡線．然 而 我 告 訴 你 們、就是所羅門極榮華的時候、他所穿戴的、還不如這花一朵呢。

你們要先求他的國和他的義，這些東西都要加給你們了。

一聽到呢2句,更加忍唔住..
自從考完AL之後,我已經為日常生活開支& 未來煩左好耐..
呢2年黎,我係咁問神點算..係咁求佢唔好離開我和我的一家..
點知,佢就係咁用D好屈機的方式令我有收入可以維持生活..
我好清楚呢D唔係我叻所以有,而係上帝賜比我..
雖然係知佢有好大既保守,但我都係對神冇信心..
怕未來會點...講親未來,我真係一點信心也沒有..
其實佢已經答左我好多次了..(有記憶起碼有4,5次)
不過我都仲係成日淆底..
以前試過有一日成身$1都冇..
個下徬徨既感覺,真係點都會記得..
所以我唔想自己經歷咁既一日..
一直有很大的心障..唔識講出來呢..
到尋日,我又在青崇又一段同神親近既時間..
在聽james的分享時,實在有很大的感受..
最令我感動的,是他堅持把一切交到主的手中,去面對那難關..
無啦啦諗起挪亞&大衛..
他們被托付去完成神的工作時,又何嘗不是抱著倚靠神的心去完成那看似不可能的事..
我,又是否有咁既心?
我向神作了一個禱告:
求你讓我可以把腦中的教導行出來..不再是好像搬字過紙般識講道理,
而係可以活出那真道..
在所有對話的最後,一句話浮現了:

路,不易行..你願意走下去嗎?

=====================================================
到底這幾個星期的對話到底有什麼深層意義?
直到現在,我也不知..
只知神不斷問我是否願意讓他真正進入我的生命..
我想,他透過這幾次的對談回應了我問左2年既問題..
講左咁多,其實我都係唔知我要點..
玩鋪勁---點玩?我玩得起嗎?
把生命投資在永恆---知,不過似明非明...
我的伙伴阿,求你為我守望..
我很需要你的支持去走以後的路..
一條充滿未知的路..

Like · · Share · Delete

• 
  
• 
  Grace Wing-Yan Chan likes this.
• • 
    Grace Wing-Yan Chan 關於呢堆... 我地可以share下呀! 等我有時間同整理好自己時... 再回應你好嗎:)
    加住油俾你先!!
    December 19, 2010 at 11:26pm · Like
  • 
    Andy Chu read tmr, after exams
    December 20, 2010 at 11:17am · Like
  • 
    Kenji Fujima 相信神不停地對你講話是你屬靈生命的新階段！為你感恩！神對我地的方向早已在我們心中了！所以餘下的除了是「主說什麼」外，更重要的是我們如何求主改變我們！願主在對你的祝福中仍賜平安 ^____^
    December 20, 2010 at 4:51pm · Like · 2 people
  • 
    Tiffany Sham 欣賞你認真看待自己的生命~~!
    我相信不論是什麼崗位，都可以把生命投資在永恆，只要盡力遵行聖經的教導，對人對事都實踐出來，就是最基本的啊~加油~~!!:)
    December 20, 2010 at 8:29pm · Like · 1 person

真實與謊言

 

很久很久以前，謊言和真實在河邊洗澡。
謊言先洗好，穿了真實的衣服走，真實卻不肯穿謊言的衣服 。
後來，人們的眼裡，只有穿着真實衣服的謊言，卻很難接受赤裸裸的真實。
<quote from Sam's Milky Way >

在網上看到,剎那間呆了,然後是苦笑..忍唔到手,打下自己對呢個故事反思的地方吧..
諗諗下諗到好多野想講..@@

• 照直解

1. 作為「人們」，很多時候，我們每一個都是「人們」，我們對別人的事，總會有錯判的機會 ---點先可以減少誤會?
   
2. 作為「真實」，路仍然需要走下去，真實應該有其真實的角色繼續演下去。問題係,點樣演下去?
   
3. 作為「謊言」，做錯了，是否要讓件事繼續錯下去？

路是艱辛，仍是要按自己所想正確的，繼續走下去。支撐自己的,一句就足夠了 : 我自橫刀向天笑, 去留肝膽兩崑崙。
(呢D,先係真正的霸氣.. 現在的人,有如此豪情嗎? 實在不喜歡人地亂用霸氣呢個詞..)

• 白色謊言

人大了,開始對謊言有更多的反思..
"有D野講左出黎會傷害到人架..拿,如果講白色謊言就好好多了~"
常常聽到這類說話..
我地慣於幫人做判斷,用自己個一套去為人"著想"..
到底咁樣做真係為人著想,定係我地其實好心做壞事?
又或者...係存心做壞事..
誰又有權決定別人應否知道/知道多少有關他自己的真相?
現實是,白色謊言大行其道..點解?
因為忠言往往逆耳,真相,往往殘酷..
到底多人鐘意聽真話定多人鐘意聽"修飾過的真話"??
修飾過的真話,往往造成Distortion.

I won't kill you, but I don't have to save you.  <Batman begibns>

我不會講大話,但我不必對你說出真相..
這兩句的意思何其相似..此亦是我現在的處事方式.不過..這樣好嗎?
怕傷害人,呢個係我既死穴..
為了不破壞關係,慣於用一D比較soft既詞彙,比較輕既語氣..
最緊要,係唔好咁直接,唔好hurt到人..
人地話,大人好假,因為句句野都收埋左一些意思..
為著保護自己，外表是面帶微笑待人，心卻拒人於千里之外；
人渴慕別人對自己有一個好印象，故常作表面功夫，卻非由衷而為。
其實,如果我keep住現有既做法,又會否走向同一條路?

Now you've become the very thing you swore to destroy. <Star Wars>

我唔想變成咁...

過分的謹慎，過多的謀劃，卻缺乏當機立斷的勇氣與信心，此大不足。<quote from 佣兵天下>

體諒人&過分體諒,其實唔係差好遠..或許我應該試下率性而為@@
不過,暫時我應該都係做唔到...我太鐘意諗&估人地既反應了..

• 引導真實的謊言

“鄭吒，問你個問題。”楚軒想了好半天後才說道：“如果你要讓別人不知道你的底細，那麼你該怎麼辦？”
“呃，隱瞞吧，把我不想別人知道的事隱瞞起來。”鄭吒想也不想就說道。
“那麼你想要別人知道一個錯誤的信息，以此來誘導他干出些錯事，你會如何去做？”楚軒又問道。
“……欺騙吧，這些個問題有什麼聯系嗎？都是很簡單的道理吧？”鄭吒皺著眉問道，他認真看向了楚軒，雖然不知道該如何去解釋。但是憑直覺他認為楚軒這廝肯定有古怪。
“如果有一種欺騙，可以讓別人堅信認為這是真實的，那麼它就不是欺騙了……你可以把這種欺騙當作某種程度的真實，換句話說，當所有人都堅信虛假是真實時，在這些人的心裡它就是真實的，即便該事實並不存在。”<quote from 無限恐怖>

引導真實的謊言呢個字其實係我之前睇小說時睇番黎的..
一路諗呢個話題,突然諗到呢樣野..

1. 我會否正在相信某種虛假是真實?
   
2. 我有否成為那引導別人走向錯誤方向的人?

最恐怖的,是那些似是而非的價值觀...
現代人運用文字&說話的技巧出神入化..好叻偷換概念..
會唔會我自己都中左招而不自知?
自己如果都搞錯..咁就好可能都會令人搞錯..
尤其我是一個屬靈領袖,這就更加值得小心了..
一講就諗起法利賽人... 

你們這假冒為善的文士和法利賽人有禍了.

' 他們以為一個人只要有儀式的敬拜，只要明白聖經，就可以蒙神喜悅。然而他們卻不追求在每日的生活上遵行神的旨意，活出像基督那樣的生活。他們完全忘記，神看敬虔的人生比這一切更重要。他們的信仰只是在頭腦裏和嘴唇上，卻不是在心靈中和生活裏。他們自以為是敬畏神的，是與不信派完全不同的，其實他們與不信派的分別，不過是在頭腦和嘴唇上罷了。
信徒的信仰和生活分了家，是最不好的現象。其實二者是萬萬不能分家的，信仰合乎聖經，行為也須合乎聖經，不然，其信仰必不正確。我們不要以為只要宗教生活做好，實際生活好與不好沒有問題。若實際生活不合聖經，則宗教生活雖沒有瑕疵，亦得不著神的喜悅。

父親,求你原諒我.直到此刻,我仍有好多位係信仰同生活分家..
我在讀到上面既文字時,突然嚇左一嚇...
係一些生活範疇上.其實我都做得好差..
並冇係生活上為神而活..
仍需要很大的改進呢!!
Like · · Share · Delete

• 
  
• 
  Grace Wing-Yan Chan, Wong -yiklam and Ki Kwan Yip like this.
• • 
    Wong -yiklam 其實係要完全放棄自己的intrepertation呢
    以愛心說誠實話 真的很難
    我呢排都struggle緊 講/唔講/講幾多
    不過神岩岩提醒我不要以人的方式去詮釋人的想法 (會loop的)
    & 要保護人的話 就由神保護吧,
    我們都保護不了多少, or somehow自己都需要被保護
    October 16, 2010 at 12:12am · Unlike · 3 people
  • 
    Grace Wing-Yan Chan
    用少一點智慧/知識, 用多一點信靠
    我們幾時知道甚麼時候說甚麼"正直的話"怎樣說說幾多, 態自己的腦袋很難有答案. 唯有問上帝, 到底祢要我怎麼做? 若祢要我這樣, 求祢教我說話, 讓我說的是為建立人的生命, 而不是摧毀.
    正正因為當我們做起來時發現自己原來甚麼都不懂(甚至, 自己也不好到哪裡), 才要追求上帝, 因為若不是這樣, 我怎能說我明白上帝的心思? (這追求真是一生的...) 亦只有這樣, 我們才能使自己不敢於信仰和生活分家.
    我也很喜歡看其他人寫的文字, 因為可以幫助我們思考, 有時也會有不少提醒. 但真理, 還是需到聖經裡找. 因為那是真真實實上帝留給我們的話. 至於我們會不會也扭曲神的話解讀錯誤... 這個就要靠多上課多聽牧者的話去幫助我們有更正確的理解了~ (相信這個你是絕對做到的~)
    btw, 想起你說那個"真實與謊言"那一段, 那真是個極深的學問~ 不過我想起在禱告訓練時耀基和國蘭說的話: 有時神會讓你在禱告守望中知道別人的一些事, 可能是他經歷的一些痛苦或是掙扎甚至是罪, 但這不等於神要你去開口提醒警惕那位肢體, 因為在神眼中可能你說出來也不是好的做法, 只管為他禱告, 在禱告中記念, 在有需要的時候, 神會叫你說的." :) 或許我們都可以參考這個做法丫~~~ 有時我都會反省到... 我口口聲聲說我是為人好, 但事實我放了幾多時間為他們禱告呢, 又好像並不多... 真是要多緊貼神啊!
    讓我們一起加油活在神的心意裡面吧:)
    October 16, 2010 at 12:25pm · Unlike · 1 person
  • 
    Yeung Ka Kei
    Re eros:
    我好難做到放棄自己的intrepertation呢..
    強的價值觀令我有動力,一方面也令我常常用黎measure人..
    未識搵個平衡..
    我會係有機會時點都講少少..用隱喻.
    我唔甘心咩都唔做..所以想做少少野..
    當然,冇心情就咩都唔做..
    最後呢樣... 我諗唔明...><
    道理知,不過..都係唔明..@@
    October 16, 2010 at 12:52pm · Like
  • 
    Yeung Ka Kei
    RE 柴:
    我信,但我的信不足,也不完整..
    對別人,我總相信神會帶領..
    對自己,我卻常常懷疑/冇信心..
    你說得對..越黎越覺得人既說話冇咩用..
    只有神才能真正打動人心..
    係咪因為見我係咁quote唔同範疇既資料所以咁同我講呢~
    放心,我知道什麼才是真正的真理..
    那些資料,係用黎trigger我既思緒的..
    有時會唔知睇聖經同我有咩關係..@@
    個D 人名,事跡,好似離我好遠...
    所以想搵D新衝擊..
    依家好好多了,多左反思經文同我既關係..
    講起上堂..唉..我miss左好多正野><
    對的,我好多時都係gerenal咁話為小組祈..
    好少specific咁長期為組員的需要求..
    嗯,我知點做了~~
    October 16, 2010 at 1:07pm · Like

開sem,羈絆

原來我已經2個月冇打xg...><
Time flies..人總要勇敢生存.面對生活..
開sem,突破了一些事情..
可惜一些羈絆未解決..
多謝bc..你幫左我好多!!

---

天父,求你告訴我..
這件事我可不可以做?

已經一個月了,我仍然唔知點好..
我唔想自己是是但但咁就走去做..
願你帶領..

---

說接受與喜歡自己，不是辯稱自己就是這樣，不會作任何改變。性格其實只是一個範圍，我們還是能在其中作些調整，去適應不同的人生階段。說接受與喜歡自己，也不是說要為水仙花星座的人，以為自己無可比擬，只有自己可愛，人人都是垃圾。說接受與喜歡自己，是指我們要認識的，是我們是神所寶貴的兒女，我們都是神所創造，有神的美意在其中。所以，我們喜歡自己，不是因為覺得自己美貌如花或者聰敏過人，而是我們要如道，我們已經有了神所賜予的身份。同樣，爸爸媽媽對你的愛，不是因為你性格可愛或是樣子甜美，而是因為你是我們寶貝的女兒。而這身份，也同樣是神所賜予給你。爸爸覺得，這認識的重要性，在於每一個人在成長中，或多或少有時忘記這重要的禮物，變成以別人的才能、美貌、身家才決定是否接納另一個人。
<copy from the internet  http://wesspirit.blogspot.com/2010/08/blog-post.html>
超鐘意呢段!!!

20個"其實".. @2010

 

20個"其實.."關於自己既秘密,習慣,事情,希望.....

總之要和你有關既。然後tag20個人,一定一定要tag tag你那個人;

我tag你就即是我想認識你更深.

其實...依家心情真係唔多好..

呢幾日屋企有事,擔心爺爺有會出事..

每次見到佢個心都好痛..

咁岩又煩緊幾樣野..

心情自然比較差

其實...我好鐘意自己一個人

自己一個,可以唔駛就住就住,想點就點..咩都可以做~ 勁正!

所以我比較少搵人.

通常都係人搵我@@

有時人地未必知個刻我既心情係點,得自己先知應該點調節..

呢個時候,我都會選擇自己閃埋一二角..

其實...我好怕要同好多人建立關係..

要做"Hi--bye" Fd好易,但我唔鐘意咁..我覺得冇咩意義..

可以同人的內心有結連,比hea傾有更大意義

我希望可以用有限的時間放在同部分人建立更深的關係..

相識不必滿天下,但求有數個知己在身旁,於願足矣

其實...我的自我形象一向也好低

最近幾年,終於發現了呢樣野..

我會成日好懷疑自己到底在別人心目中有冇地位..

我好怕比人忽略,無視..

我好需要有人話比我知我係有價值..

男仔成日話心照,其實我好唔鐘意.

因為咩都照唔到..><

其實...我好鐘意知識

我喜愛追求知識,了解當中的意義..

我特別鐘意軍事,歷史,政治,心靈等等既範疇..

聖經,反而不是我的preference..只係我知道需要了解而已..

幸好,我對聖經也有一定興趣既,如果唔係一定勁灰><

有私人時間,我通常都會拎去睇其他野,而不是聖經

我唔講應該冇人知吧..XD

不過,通常都只會落得自得其樂這個下場..

冇計,不是太多人喜歡..

其實...我好重視關係..

可以在生命中識到唔同既人,並能在關係上進深實在唔係必然.

我好想好想可以同一D人一起互相扶持,一齊經歷喜與悲.

.我願意付出我所有的,為的是維繫一段段的關係..

與此同時,我亦好在乎別人點睇我同佢之間的關係..

係好重要,定係有同冇都冇咩所謂?

付出,唔一定有好結果..

有D位,我仲係睇唔化..

其實...我想用有限的時間去建立別人既生命,

講得好偉大,不過其實一D都唔偉大..

如果唔係有好多人建立我既生命,我根本就唔會好似依家咁..

佢地教左我好多野,令我知道人生處事應該點..

所以我都想做番同樣既事,讓其他人都得著改變...

算是傳承吧~

其實...我同神既關係好複雜

唔好以為由細番到大就一定同神好close..呢個係BS..

我以前只係星期日信徒,番教會個幾個鐘就好"神",一番左屋企就打回原形.

.依家唔同左,但我仍然會發上帝脾氣,唔想同佢講野..

佢對我好好,但我會唔領情..

心知佢好,但不想順服..想靠自己..

一路都知自己係咁,我諗,依家改緊..吧...

其實...我好鐘意去旅行

每次去唔同既地方,我都鐘意留意下人地既生活係點..

景點只係死物,故然值得睇,但我同樣在乎當地的人係點,同我又有咩唔同..

遲D,希望可以一齊去同一個地方玩下吧~

其實...我好鐘意音樂.

唔知有幾多人知其實我識彈琴..已經係好多年前既事了...

之前唔鐘意練習,覺得意練黎冇咩意義,所以就冇再學了,,

依家人大左,鐘意用音樂去抒發自己的心情,想法..沉醉在音樂的世界..

可惜,只能哼歌或聽歌..

我好想好想,可以玩番樂器..

唔係想show野,只是想用黎自娛..

其實...我好鐘意諗野

思考,對我而言是不可或缺的..

諗下時事,諗下人生,諗下東諗下西..這就是我..

不思考,即係任由世界把你牽著走..

我不想做一個沒有思想的木偶..

我認為冇人係唔識思考,只係懶得思考而已(至於層次,或會有唔同既..)

其實...我唔鐘意讀書

我鐘意歷史,但係中史/歷史科唔係教緊歷史..

(最有趣既野/事件咩都唔講,只係教D最悶既,想點><)

我鐘意physics,但係physics屈我讀一D我唔鐘意既範疇

(流體力學不知幾得意~想在中學讀?諗都唔駛諗)

有好幾科自學時我都幾鐘意,但一讀就死晒@@

我有D懷疑到底學校(esp 中學)係咪揀左最悶既方式黎教書..所以先搞到我咁唔鐘意...

其實...我好鐘意食野最鐘意掃零食~

不過我唔會週圍去唔同地方試野食..

係咪好奇怪@@

其實...我對一些價值觀好執著 (天音:呢句擺明係廢話)

我睇得一D野好重..例如,權利&責任係一體兩面.. 選擇&結果亦然

每當見到有人無視,我都會勁唔gur..

我都唔知幾時建立咁既想法..應該係12歲前吧..

其實...我好偏心

我唔覺呢個係問題.. 因為冇人係唔偏心..

咁點解我唔將心機放在我重視/重視我既人身上?

想偏幾多咪偏幾多,總之我覺得值咪得囉~

(講講下諗起一D人添..)

其實...我好鐘意小朋友

每當看到佢地天真可愛的一面,即刻唔記得晒所有野~

好享受同佢地玩既時間..

理想,想生

現實,應該唔會生

其實...我仲未好清楚自己將來想做邊種工作..

一路都有諗,不過仲係唔清唔楚..

或者真係要出黎做一兩年野至知吧

其實...我心中有好多野壓在心房

好沉重呢..我一直都放不下..

有D野,我覺得我應該做,不過我做唔到

有D野,我知我應該做,不過我唔想做

有D野,我知我要做,不過我唔想做

其實...我成日都冇覺好訓

自從中四開始,成日都訓唔到..

有好多原因,加加埋埋,就搞到訓唔到..

間唔中會搞到見到日出都未訓得著..好痛苦呢..

其實...我好少做tag。

因為我覺得D問題好無聊,

有D野,我想講就會講;唔想講,你迫我都冇用..

依家每次做tag,通常都係揀open ended既做.唔駛比人困住..

故此，我做了這份，很認真的做了。若你又很認真的看了，我相信你對我的了解又會多了一點。 <引用自herman 的note>

Like · · Share · Delete

• Kenji Fujima, Jeanie Chung, Chan To Ching Raymond and 7 others like this.

• • 

    Herman Addams ‎21.其實…我地好似。

    September 1, 2010 at 1:58am · Like · 2 people

  • 

    Yeung Ka Kei ‎22. 其實..我地2個只係用緊唔同既方式去堅持我地共有既一些理想/信念..

    September 1, 2010 at 2:01am · Like · 1 person

  • 

    Ho Pui Lai 我有睇! 晚安。

    September 1, 2010 at 2:05am · Like

  • 

    Snowie Yau 可以同人的內心有結連,比hea傾有更大意義=](兩者真的有很大差別)
    其實...我好重視關係..,,ME 2!

    September 1, 2010 at 2:06am · Like

  • 

    Lawrence Renze Lau 好 detailed. 我好擔心我打唔到你咁深入 ge tag ..~

    September 1, 2010 at 2:10am · Like

  • 

    Yeung Ka Kei

    BC:
    你真係好好~ ^^
    gd nite~
    Snow:
    哈,所以我好少主動打比人~
    努力吧,真的不易做到"重視"...
    Lawrence:
    其實冇咩所謂既~ 想打幾多咪打幾多囉~
    都想透過呢篇野認識自己,認識別人多一點~

    September 1, 2010 at 2:14am · Like

  • 

    Snowie Yau 哈哈,,一齊加油啦=]

    September 1, 2010 at 2:15am · Like

  • 

    Andy Chu YKK係有價值
    uncountable value ^^

    September 1, 2010 at 10:07am · Like

  • 

    Andy Chu 其實...我好鐘意小朋友!

    September 1, 2010 at 10:09am · Like

  • 

    Lawrence Renze Lau invaluable~

    September 1, 2010 at 11:08am · Like

  • 

    Dreamie Yau 其實...我仲未好清楚自己將來想做邊種工作.. me2 ^^

    September 1, 2010 at 12:23pm · Like

  • 

    Chan To Ching Raymond 其實...我有少少鐘意o左你:o)

    September 1, 2010 at 6:53pm · Like

  • 

    Nicole Kam 我係第一個比人Tag!!!
    傻豬來的你好明顯係Nicole心目中好有份量啦（你知你幾重…）
    我知你偏心加不過我冇份受惠咋…sadsad

    September 1, 2010 at 7:09pm via Facebook Mobile · Like

  • 

    Yeung Ka Kei RE andy & lawrence:
    >< 無言...
    anyway, thx u guys~

    September 1, 2010 at 11:56pm · Like

  • 

    Yeung Ka Kei

    RE snow, dream:
    add oil~~
    RE raymond:
    why@@
    RE nicole:
    係啦係啦~不過我一D都唔重囉~~
    你點會冇份受惠WOR~ 即刻比D你~XD

    September 1, 2010 at 11:58pm · Like

  • 

    Kenji Fujima thanks, your sharing let me have an idea in which way we are alike !

    September 3, 2010 at 12:26pm · Like

衝擊.痛苦

 

已經11個月了,到底要搞幾耐先會完?
唔知點解,自從去年年尾,我成日諗好多同信仰有關既野..
我的信仰&想法重新整理了一遍..
新的想法,與我過往所想有所不同的意念...咩都有..
好大衝擊阿!!!
我唔識點去面對..
當我肯定信上帝的道係堅到爆既時候,
我不禁去想一些問題..一些在生活遭遇的疑問..
我想搵到答案,想搵到真理..想知應點做..
但在尋求的過程中,好痛苦...
我開始對好多野唔Gur..對好多野好懷疑..
既想在一些地方做更多野,又好想係一些地方縮手..
與此同時,我的愛心,似乎多了不少雜質..
當信仰真正與生命接軌..
好多問題出現..
事奉,個人生命,朋友關係,感情,人生目標
樣樣野一次過殺埋黎..天父,你係咪玩野??你到底當我是什麼?
我是一個凡人,最平凡個隻..
點解要令我咁?
我只係small potato,唔好搞住我得唔得?
我知這應該係因對信仰更加認真而要面對既情況,
但我依家真係唔識面對,亦唔想面對..
(我唔知我係咪老屈緊天父,可能係吧..但我真係唔明點解無啦啦會有咁既心路歷程.)
口說不想再想,但腦卻不停在想
想點... 好大掙扎阿!
我心裡籌算，終日愁苦要到幾時呢？
耶和華我的　神啊，求你看顧我.
我深信你是那能改變人心的神
是那位在我生命中的掌權者..求你記念我,帶領我.
Like · · Share · Delete

• 
  
• • 
    Oreo Wong 神的保守和帶領，不一定使我們感受上好過的。
    但當主呼喚你要更認真的去面對祂和你自己的時候，祂總不丟棄的。
    跟你面對同樣處境的弟兄上。
    共勉之。
    August 25, 2010 at 12:09pm · Unlike · 1 person
  • 
    Grace Wing-Yan Chan 沒有思想, 沒有掙扎, 便不是信仰了
    而且, 我們怎知道其他人是不是也經歷著同樣的內心鬥爭/混亂呢?
    很多時當落入局中, 我們看到的都只有自己內裡的世界啊!
    很多人都和你走著一樣的路, 包括我, 加油! :)
    August 26, 2010 at 12:31am · Unlike · 1 person
  • 
    Yeung Ka Kei Oreo:
    我明白...只係..真的好痛苦..
    呢排真係唔多想理佢.. ><
    待平復一點後,我會再細心想想..
    August 27, 2010 at 12:13am · Like
  • 
    Yeung Ka Kei
    Chai:
    知識與體會,都隨著年月而增加 (to me)
    掙扎,也大了..
    怕無力呢..更怕,做人會變得好假..
    很混亂,今天和朋友有兩段對話,
    我想,應該清晰了一點..
    August 27, 2010 at 12:17am · Like