溫書,是一場永不休止的戰鬥

呢幾日係對抗邪惡既考試的重要日子,
我開始左進攻BRM 呢個對手..
慶幸之前曾經交過手, 都算係有些少勝算..
坐左係M記三日, 算係將大部份筆記背左一次..
可惜的是,狀態非常之差..
天時隨時成為致敗的因素.. ><
辛苦到呢.. 呢種日子真係好難捱..

接下來要面對的科個就冇咩把握了..
Esp HRM…. 話就話讀過, 但係勁D野要背..
同埋上次mid term 比其中一part玩死左,
有D心理陰影.. =.=''

真係好唔鐘意聖誕假期間考試呢..
做咩都要就住就住..
同埋我擔心到時冇士氣..
最後個兩科仲要係超級大boss.. 真係唔知點算..
多野背都唔係主要問題,
重點係背左都唔好似冇背咁..
個種空虛既感覺令我好不爽..

面對大專/大學最後一個考試, 真係好緊張..
唔係驚fail, (應該唔會掛...HAHA)
而係擔心考到好樣衰既grade番黎..
我想拎個好睇些少既GPA收尾呢..
今次真係冇咩信心..

夢醒時份

呢幾個星期,我突別喜歡一星期中某幾天返學的日子,
不是因為課堂有趣與否..而係因為有期待..
想見到想見的人,自自然就會準時爬起身.. (想起中四的我呢..)
返學途中,會睇下佢起左身出左門口未..
入到課室,會自動自覺搵一行冇人坐既等佢返黎..
上堂未必有趣,但時間總會過得很快..
抄筆記,放break,食lunch,上tutorial..
呢D平時成日做既野都有左新既意義..

平時好多時都係專心上堂聽書,最多禁下電話..
但原來上堂傾無聊野係咁正..
講下笑,抄下重點,咁又一堂lecture..

到放lunch,會週圍走在唔同地方食野..
之前每到呢一日都係自己食..
因為同朋友夾唔岩時間.. 通常都係常餐/canteen搞掂..
依幾星期日子不再一樣了..拉面,all day breakfast,蕃茄湯麵..
每次都會想揀D特別既野去試..

咁講好似跨左D..
不過事實上,我的確覺得呢幾星期過得很開心..
我想,當中或多或少也涉及一點好感吧..
人大左,慣左自己一個..
我的大專生活有唔少時間就係自己做自己野..
唔係話冇社交,不過偏向有自己既天地...
同埋,同朋友一齊上堂個feel係唔同的.
點知...
呢段時光令我好似返左去以前咁..補完左我以前冇既野..
返學變左咁有趣味..
雖然講出黎都覺得好白痴..

我都有問自己,其實我係咪借呢段經歷去逃避..
我都唔知呢..
呢幾個月,心情波動指數極高.
之前補習辛苦,但係心情唔會大上大落成咁..
睇黎對畢業後生活的擔憂極度影響緊我的心情..

之前有人問過一條咁既問題 :"你想與指定的人一起過一星期的日子嗎?"
以前會覺得冇必要,
依家發覺,原來有都未嘗不好..
起碼,有一段難忘既回憶..
起碼夢醒之後,會更知道自己想點..
當然,知行合一仍然有一段好遙遠既距離..
有D關鍵問題,我仲係未諗清楚..
內傷距離康復仍然遙遙無期...


============

Yoon Eun Hye 你實在太 charming 啦 !!!
我無限loop左你唱既呢首歌三日...
仲有Romance, 我到依家都成日聽..
考完試之後我一定要睇<想你> 同 <My Black Mini Dress>  XDDD
(Btw,我仲未睇完對我說謊試試.. =.=''  仲差最後兩集..)


--------------
你和我 以前的我們 互相喜歡過
但是默然地握手 離別後 現在的我們

 又遇見了別人 又戀愛了
何時起再也無法回憶起對方的那天到來了

 love is blind
像是日間的星辰無法望見
love is blind
耀眼的光芒掩蓋了世上所有的事物
只剩下愛過的回憶
漸漸被我們遺忘
刺痛雙眼的某一天
我也不清楚 眼淚不自覺地落下 全是因為你

love is blind
像是日間的星辰無法望見
只剩下愛過的回憶
漸漸被我們遺忘
刺痛雙眼的某一天
我也不清楚 眼淚不自覺地落下

愛情只能帶來一顆破碎的心
卻永遠都不明白
非常抱歉 對不起
除了這句話再無其他 所以對不起

對不起
對不起

謎之情境

受到強大精神攻擊.躲避失敗
正面裝甲損毀嚴重, 機體秏損率70%..
準備脫出戰場
AT Field 開啟..自我保護機制啟動..
遺忘程序, 開始.
強行封鎖核心記憶M10.12
準備運行修復程序..

封鎖失敗..是否強行覆寫該段記憶??
(警告: 可能會失去部份機體控制權..)
預定完成時間 : 未知

不能覆寫.
正在寫入新的核心記憶.

搵野食

尋日番學同朋友去左試食係學校附近既all day breakfast..
多謝晴晴既好介紹 ~~
好多款色可以揀呢..
最後我揀左一個冇咩特別既餐..
朋友叫個個好似溫泉蛋的東東好好味呢
我下次想試下勁大份個個餐.... :D

其實我都幾怕去同人試新野食/帶人去食野..
好就話冇事..之但係如果唔好食的話...
比人講勁耐.. =.=''
今個sem試過, 之後我都係唔提議食咩..
保守D算數...
試野食,都好睇同咩人去~~

識我既人都話我食野冇咩所謂..
"連你都話唔好,咁一定好難食" ...
有D無奈...
平時如果唔係約fd,我通常都係食D最普通既野..
冇錯,就係茶餐廳啦..
我係佢既忠實支持者..
好既一餐,唔好既又一餐..
自己一個食咁好做咩..
(我寧願駛$飲杯starbucks, XD)

呢一年約食飯,被迫上openrice搵野食..
睇完異塵大大的google map介紹之後,
我決定自己整番個自己既搵食地圖..
將D人地介紹過既野食save低...
有機會就去試下..
係就係mark低左好多,不過仲未有機會試晒呢..


上星期食完橫綱,今個星期就去試all day breakfast..
實在太好了,有人同我一齊週圍去食野,HAHA
最衰之前同你唔熟..之前我幾個星期四都係食飯堂.. T_T
最後呢兩個星期,一定要試多幾樣野食!!

================================

依家D人好鐘意係mtr等埋一齊返學校,
突然想起一件中學的事.
記得有一段日子,每天起身返學都好有衝勁..一起身就係拎起部電話..
個時好興用sms/電話問朋友起身未/去到邊/約係邊度等之類..
呢排有機會做呢D野,
真係有D回味以前的中學生活呢..

做project之後...協調者

 

我的大專大學生涯就黎完..

就快做晒所有project..

呢個sem做project時所遇到的壓力比以前大呢..

每個group既人數多左,事亦都會多左.

之前聽人講返工唔係講能力有幾勁..而係你識唔識做人..

依家總算明白了..

 

係有D group,我需要做一個協調的角色..

有D同學做野好勁,但係其他人未必明佢既style&想法..

有D人做野比較慢,需要比人推先郁..

有D人慣左臨尾爆seed,有D就鐘意早D比貨..

好睇到唔同溝通模式碰撞後所產生的火花有幾爆.

明明想表達同一樣野,但係傾完之後大家竟然唔明對方想點..

 

身處呢D group,我覺得有D 辛苦..

上星期有一晚傾左好耐電話,目的係同大家解釋唔同人既論點/跟進做野進度..

傾仲攰過寫文..

係傾既過程,人地比我既comment係:"你同人講親都好聲好氣,唔會插人.."

有D位我都會好火,但係唔通爆粗會有用咩..

傾左,大家明大家想點咪ok lor..

最多之後唔gur再做低佢.. @@

 

由於頹到爆炸&病到九彩..

我做唔到一個好的coordination..

上個Sem OB明明幾好架,不過今次就..... 

有D組得我先做到呢個位.. 搞到有時我好似兩面不是人.. =.=''

有時兩邊都有pt,咁可以點呢.. 最後唯有取折中之道.

只能說性格同溝通模式真係會好大影響..

 

仲有一樣野,就係我今次有機會去一組完全唔識既group做野..

真係大把機會/動機做free rider..

人地會信你唔過,懷疑你既能力..

兼且佢地係fd,你比咩意見都冇意思..

據理力爭? sorry.. 人地多人,你點夠講.

唔通人地會buy你而反對自己個fd?

好既想法係可以輕鬆D,

唔好咁諗就係我何必出咁多力,做左自己個part咪Ok..

有一獲比人寸到我一棟都冇..

個下真係... ><

 

經過3年半既合作,有D野好值得記低..

1)成日返工的

依家做學生,個個都忙返工..但係有D人勤力返工多過勤力做功課..

返完工就話攰,然後遲交野..

每次聽到都好火..

返工唔係問題,但係你可唔可以兼顧好你既學業?

我有朋友每星期返30個鐘頭工,但係佢做野唔會交行貨..

請問點解佢做到??? 我真係好佩服佢..

 

2)易病的

呢樣真係好尷尬,但係一定要同人講聲/事後解釋..

病唔係死罪,冇同人講先係問題..

你幾次唔出現,人地就會覺得你唔重視讀書..

跟住就唔gur你..

我衰過,所以好明兩邊既想法..

 

同埋依家諗返,真係要多謝City asso..

之前會唔鐘意D老師咁多要求,

依家反而慶幸佢地咁嚴..

慣左高要求,做野自然會養成習慣做好D..

新人笑

依家打blog,好似係為左比自己睇多過係想比人睇..
有D野,係唔多想同人講但係又想記低的.
點解之前我會咁想人地睇我打既野架..?!
依家想法又唔同左.

點解有D經歷我依家先有?!
自從滑鐵盧之後, 因緣際會下同一個朋友熟左少少..
呢段經歷,好似補完緊我之前冇經歷過的事情..
既新鮮,又易令人迷醉..
個種感覺好奇怪..


以前唔會講咁多低B野,依家人大左好似越講越多..=.=''
我搞咩..

敗於大象之下 2: 逃

呢幾個星期唔多想打blog呢..
好快就過左三個星期了, 我的心情彷彿已平靜了不少呢..
但我總覺得事實並非如此..



考完midterm之後,我開始左追動畫..
實在好唔似平時既我呢...
唔多好的心情再加上生病,
令到個人好燥底..

早兩日同最忙好友係火車站相遇,佢講得岩,
有D野根本唔應該避..
掙扎左一陣,終於都係要面對天父,
我仲係做唔到有規律既靈修,
不過過左兩日,心情貌似好左好多呢.
之後都要繼續呢..
知道點面對,但更重要既係去面對..

=====================

出左幾科midterm成績, 果然係差過上個Sem..
勁高分 + Above mean X2 + Below mean + Unknown.
我應該開心嗎?
今個sem溫書完全不在狀態都死唔去,
我應該滿足吧..
黎緊仲有4份大功課等緊我,
希望撐得住啦.
好病既我真係好冇心機做野...  =.=''


=====================

朋友們開始畢業了..
感覺他們好像突然長大左..
返左工,諗野都唔同左咁..
年少時建立的關係, 真係唔同D..
未必會成日見到,但係會feel到大家好用心咁去keep..

敗於大象之下

敗於大象之下的我, 要承受隨之而來的後果.
一個我好難頂得順的後果.
真係好難受呢..

我很想對你訴說我有多麼失敗,
我說要倚靠你,但我做得唔好..
我以為我搞得掂,跟住就奶野..
對不起... 天父爸爸..
我應該會頹好一陣子吧..

----------------------

如果這樣是比較好的話, 我只好接受.
要不是責任,或者我會想試試做一件一直冇做的事..
做左,會否對自己好一點?
但做左,又可能有負所托..