最近兩個星期有機會與四個長輩碰面，在談話少不免會談及自己對信仰／事奉的睇法，
佢地分別比左d好特別既建議我呢…
1）每次與這一對長輩傾計，總會發生好多事（見屬靈長輩一文）。正因為上一次的對話，催使我花時間在最近兩年去讀書。今次再次碰面，他們提議我除了讀經卷科之外，可以嘗試讀一些神學科，了解多一點相關的東西。另外，他們也提醒我不要將一切都考慮到極致差的處境才做決定…
2）另一次是與阿賜傾計，佢問左一個問題：到底係咪有必要思索那麼長的時間才能下決定？為何不趁年輕＆較少負擔時去讀書？
3）最後一次是同阿威傾，佢提出左一個我一直都冇考慮既option: 既然其中一個重要考慮是錢財的話，Why not part time? 當然，呢個option會非常玩命……
就係咁，咋天我帶住一個又一個的疑問回到教會祟拜…唔知點解，我望住一齊敬拜的弟兄姊妹時，心中有種唔太識點形容的感受，這是另一種愛的感覺嗎？我覺得好頭痕…
－－－－－－－－－－－－－－－－－－－－－－－－－－－－－－
好啦，我嘗試列出我正是思考的東西吧。
第一係到底我係咪真係有calling讀神學，我到依家都仲會擔心自己到底是否葉公好龍。這幾年是有好多圖象／畫面出現，但我仲未係唔敢肯定呢。同埋，我覺得自己仲係唔太夠自律…
第二係錢財既問題。起碼要預十幾萬呢。不過，呢個應該算係最唔煩惱既因素吧。尋日埋單計數，如果分五年讀pt MCS既話，應該負擔到既……
第三係timing,之前一直打算待遲點才考慮，那我就可以有足夠時間放在大專的服侍上。之前我同自己講過唔想在佢地在學期間輕易抽身呢。但如果提早讀書的話，我就要放棄呢個想法…
我需要D時間消化一下上述的事情呢。呢兩年我覺得自己都算係跟到自己定下自己既計劃。
我之前仲話想提前做決定，依家似乎係鼓勵緊我再早D做決定？為左多d時間靜下諗下野，我諗我要調整下之後既生活節奏至得！
沒有留言:
張貼留言