御風再啟航

 

準備了兩個星期的sharing終於都係尋晚完成了..

有冇感受? 嗯,大家比我當年活躍得多了,嘿嘿

大家的活力令我想起以前的C區 & 我們..

 

比較少係大圍分享,其實都幾淆..

之前幾次講資料性的東東,我明顯係比較自在的.

哈哈,講到後來,有D野唔記得左講..

原本我係想提幾位弟兄的事跡的, 嘻嘻

(不過,我都係最鐘意單挑&細圍分享..)

 

係準備有關的分享時,我想了很久, 最後決定分享合一.

最初我係想分享一個比較wow的故事 : 以色列"合一地"圍攻自己兄弟.

不過最後都係唔夠膽,  (或許下次吧 lol 我連草稿都準備好..)

結果揀左分享以弗所書..一個無底深潭..

呢六章經文差D搞到我頭都大埋.

二十份資料可以有二十個唔同既解釋..

唯有精選D我講到既point.. =.=’’

 

係過程中,我一直在思想應該點去講呢個topic..

亦無可避免地會回想自己昔日點理解信仰群體生活.

主要有三段.

1)逆風時代  2)青十時代 3)teen兵/City 禱告團時代

詳情就不在此說了.

我諗很重要的一點是合一的觀念是需要傳遞的.

一個人明,不難. 一班人明,堅難..

唔明的話,好易就會變左做花生友..

 

另外,我亦想到究竟一個大專群體到底係為乜而存在.

我個人的想法是 :

在這段人生最自由的時間睇多D聽多D試多D,在群體中一起確立人生價值

大專除左讀書,最正就係可以冇乜限制地做想做的事.

若果大專信仰群體不能幫他們建立(建基於聖經的)價值&互相扶持的群體的話,

咁就... 有點兒那個了.

 

思考及回憶的過程都幾漫長,除左要消化D資料之外,

更困難的係揀野講..

慶幸在這幾個月有機會在團長及某導師得到一些靈感,

否則都幾頭痛..

 

能否偶爾到別的群體服侍的確是一件不錯的事.

可以在別的角度去思想一些我正在想的東西..

未來的路會係點? 我都唔清楚呀.

除左繼續上中神course & 教小朋友係確定之外,

我都唔知我未來數年信仰路上會遇上什麼.

之前好有火地每星期參觀不同的教會,

呢個暑假都冇乜點去過..

黎緊九月又開始, 又係時間去看看了 !