互動.互惠

 

呢兩日,腦袋不斷浮現interaction呢個字..

跟住就諗起一套戲既其中一幕..

前兩日同最忙好友食左個lunch,

時間總係唔夠,話題總係好多..

每次,我都好慶幸我能夠認識到你..

唔係咁多關係可以冇咩避忌咁去傾去講..

好多位,我唔駛轉廿個圈先講到我想點/我點諗.

 

 

人與人既關係,不就係講緊一進一退之間既默契嗎?

進與退,係講緊兩個人既事.

有時係有D位,我發覺自己會好刻意咁去做一D野..

因為我怕控制不住我腳下的大象.

有D位,我需要小心翼翼咁去保持距離...

有D時候,要刻意講D適當既野,釐清彼此既定位..

有D事,唔好傻更更走去做..要睇定D..

依家,我開始識玩呢個遊戲了..

好似講到好負面咁,不過咁樣做係有必要性..

依家既人際充滿太多計算與企圖..

當你想表現最真實的一面時,人地反而會懷疑 ><

所以係初段,總是要大家試下對方..睇下夾唔夾到..

 

有人做過測試,發覺最好既相處模式係根據對方上一次的行動去作反應..

即以惡報惡,以善報善..

其實都覺得幾岩既..

經過一次又一次既互動.人就會建立左對別人的觀感..

"佢不嬲都係咁架啦.."

"上次佢都咁咁咁咁啦.."

例如約gathering,當有人成日都唔應機/唔去時

好自然就會對佢有負面既諗法..下次就未必再搵埋佢..

 

而往往最穩健的,是大家能互相惠及對方..

當一方只是不斷付出/收獲, 那段關係就會變質..

變得好似service provider 同consumer..

呢D應該叫....transaction

係幾段/批特別close既關係中,好感受到個種暖暖的交流..

個下真係會覺得咩都抵晒...

唔會諗付出幾多,唔會諗值唔值..

(試過比人不斷寸,但係個心都係咁sweet嗎? 我試過~)

 

 

其實無啦啦打上述既話都係因為最近睇完呢本書..

入面講左好多人生既野,如愛,人生意義,互動等等..

講中左好多野,之後應該要打多幾篇~