給重要的你

原本以為放假應該有多D時間做自己野..
點知...作戰失敗><
兩個細路都考緊試..所以呢,我都係繼續教書..
我想整理舊blog,睇書,執房,出去行下,打機,搵朋友,調整想法.............................
唉... 唯一成功的,應該是搵朋友.
除左之前的早餐之外,我呢個假期都傾左幾多電話.

前兩日終於有時間同一位大忙人傾番一次電話..
每次係facebook見到佢既動態,
一係就開會,一係就搞function,一係就食飯..@@
話咁快就咁多年啦..點解你可以成日都咁忙?!

今次可以話係另一次十分有價值的談話..
(突然諗起,我地既對話有幾多次係傾閒計?! 應該極少..)
每次傾計,總係同你傾埋D好大既事..
讀書讀成點,升大學報咩科,未來點樣,感情點樣,信仰點樣..
好似將所有既重要話題濃縮係每次對話咁..
其實,我都想同你可以無無聊聊咁吹下水..
我諗,唔一定要每次的對話都咁有價值..><
換個角度,這也實在太沉重了..

一直以來,你都係我好重要既朋友..
第時結婚唔搵你做伴郎都唔知搵邊個..@@
只係,每次一班朋友出去玩出去做其他野,卻總是很少見到你的身影..
經過呢晚,我諗我更了解你的大志&想法..
但係我的愁緒卻增加了不少..

或者,在以後的日子,我地既關係都會繼續係咁..
深入,但卻缺少相處.
這是好事嗎?
有時我有野好想搵人傾訴..
但我知道我唔會打比你..因為知道你好忙..><

我知,為神付出係一件好正既事..
見到你係呢幾年有咁多既收獲同領受.實在為你感恩..
不過與此同時,我又會有D不是味兒..
我多麼想能在年輕既時間多D同你相處..
之後你做左野結左婚,就唔會有咁既空間時間嚕.

好朋友呀, 我都唔知應該再講咩了..
希望黎緊呢個暑假有多D時間同你相處啦..