還能作甚麼

早兩晚同最忙好友傾電話,我話左我的未來大計比佢知...
為何想行開一下?  有光明正大的理由,也有暗地裡的原因.
想出去開眼界是其中一個理由,
我想在不同類型的教會聚會中了解大家係點樣敬拜同一位上帝..
另一個理由係----我面對唔到服侍時應許與現況那種巨大的落差..
我諗我需要抖下氣..
現況如此是因為我的問題嗎? 如果我做好D會唔會唔係咁?
我一直擺脫唔到這個念頭..個種煎熬真係爽到爆...
(雖則之前的講道舒解左一些心障,但還是有一大埋...)
有另一個可能性...會唔會係我理解錯左個份應許既內容??
我唔知道,也唔識答..

呢幾個星期因為種種原因成日唔係小組,
感覺好像跟以前冇咩分別...
要見的人,平時/突登約出黎都會見到.
不會見的人,也繼續不會見到.
信仰的交流&支持並不是友誼的一環.
大家反而更似出面既朋友.食飯吹水等等先係常況.

如果我地只係朋友,我應該很滿足才對..
現實卻並非這樣,對此我感到廿級無奈和無力.  (喊出黎 T_T)
奮鬥的理由唔見左一大半...
我不想日以繼夜夜以繼日咁繼續分享近況.
也不想每星期睇下到底夠唔夠人開組..
上星期六走左去隔離度開組,我有個不太好的預感..
似乎大家都面對緊差不多的問題..
就係每星期圍埋一齊,但係唔太知到底係為左乜..

最忙好友期望我可以繼續留係度為左振興牧區而奮鬥..
要考慮的不是我有冇能力,而係我的心..
依家我成個人好似懶洋洋的,不想去做什麼..
又或者是我在努力躲在角落對住傷口發呆..
我可以做什麼? 
有D野我諗我仍會繼續做既..
其他的就唔知啦..
我期望參觀過後我會解答到心中的一些問題..
教會,應該是教會...