栽培雜記 6 :預備查經的壓力

早幾日同組員們食lunch,(點知食左五個鐘.. HEHE)
係閒談中講起信仰,
原來佢地岩岩返左教會大約一年..
唔知點解,我總是覺得虧欠了他們..
我呢個組長,係栽培上好似做得唔夠多...

當神將一些生命交托給呢個小組,
我會很想努力將自己有的拎出黎..
無論係時間,金錢,還是我對信仰的一些認識..
我希望可以和他們分享上帝在人既生命上的奇妙作為..

我看到的是,他們很願意在信仰上進深,
我心想,我可以為他們做什麼?
一直以來,我都信奉傳福音不止是"傳福音",
更是要裝備他們,使他們更認識上帝..
上年的栽培+查馬太福音是我的一次嘗試..
但係我總覺得自己的技巧很生疏..
我懂得依書直說,將經文逐隻字解釋..
我也識得係當中講下自己的經歷體會..
但係...
我還是覺得做得唔夠好.

係見面時,我提出再次一起睇聖經,
我想這是我可以服侍大家的方式..
今晚我終於開始坐在電腦前預備查經資料的,
但係我有種很大的無力感..
一來是岩岩見識完神學院老師的功力,
二來是有成三個月冇預備查經資料,
三來是唔知什麼原因,
拿住本釋經書的我,不知如何是好..
我應該點樣將耶穌的教導深入淺出咁解釋?
呢段樣睇落好易明,係咪可以飛左佢算?
每次見面用個幾鐘逐個字解釋一章會唔會悶得滯?
好多好多問題係我個腦度出現...

組員對我說已經好好..
但係我又不斷咁懷疑緊自己..
平時係小組帶,都會有壓力,
若果當晚開組的人係我唔熟悉的話,我就會方寸大亂.
因為我難以運用對他們的熟悉去run落去..
所以係栽培同帶組我會用兩套不同的方式..
practice makes perfect,希望我的帶查經技巧都會升level啦.