偶然的孤僻

 

我有一個唔知係咪問題既問題..

就係呢幾個月我越黎越唔想講自己野..

 

依家有D怕大圍問最近你點呀個種情景..

好多時人係講緊佢發生左什麼事,

而非佢經歷左什麼..

返工好攰係一件事,

因為返工好攰以致覺得冇晒自己生活係一段經歷..

感覺大圍傾計講黎講去都係一件件唔同既事..

當中未必有空間盛載人的情感. (又或者係我既情感啦..)

 

係教會既大圍我都係唔知應該講咩的..

帶組? ok冇問題.

講自己就........ 

我好怕個種人地不斷點頭然後講完輪到下一個既"分享"

呢D叫做info sharing, 唔係分享囉唔該.

溝通應該係有聆聽有回應..

依家又唔係lecture要坐定定唔出聲係度聽,

我對住空氣講野做咩?

 

除左怕info sharing,我亦都怕另一種傾計..

有一晚成班人係尖沙咀食完飯圍埋講有冇拍拖..

我真係冇野想講..

別人會期望你發表一下鐘意左邊個你地點識佢係咩樣之類..

請問我該如何表達"我正在苦惱地思索緊關係的一些事" ?

講呢D? 咪搞笑啦..

我真係唔識點傾呢D計..  ><

 

只有在約左fd單獨飲野或者食飯,

我先會放心講多兩句自己野...

大家會知出到黎就係為左見面吹下水..

可能見得兩個鐘,但起碼呢兩個鐘大家真係溝通緊..

 

(To be continued… )