劣作一幅,有冇人估到我畫緊咩?
呢幅畫係我坐係亞公角某個山頭默想時畫的..
當時我一路望住山下的馬場&數之不盡的住宅
即刻想起世上的萬國與萬國的榮華...(太4:8)
坐在山上的我(們),又如何看待這一切?
關鍵只有一樣: "你愛我比一切更深麼?"
我仲未整理好入camp時寫低個十幾頁筆記呢, D野太深奧了=.=''
=========================================
再度躲在M記的我,又繼續埋首於讀熟馬太福音呢個任務..
(點解考完試都要落黎坐..T_T)
今日睇到人民&部份宗教人士對耶穌的拒絕,
當時的以色列人一直知道有一個救世主會黎打救佢地..
但係當耶穌出現既時候,並唔係個個都鐘意佢..
Esp 個D 既得利益者
宗教領袖擔心耶穌會影響佢地既權威/利益..試圖對佢進行"人格謀殺"..
而一些人則不願意接受耶穌所傳的價值觀,寧願行自己心目中個套..
有人以為耶穌係建立新皇朝的建立者,以為跟佢搵食有著數..
點知耶穌黎既使命根本就唔係咁..
馬太多番強調耶穌的工作是教訓人,傳福音&醫病..
這些工作明顯與他人的期望不乎,被拒絕係好正常既事..
耶穌差遣門徒時,亦好清楚呢一點,
佢一早話比門徒知大把人(甚至係至親) 會同憎佢地,同佢地反面..
但係神亦指出世上的莊稼已經熟透,
所以要差佢地往以色列家迷失的羊那裡去..那怕會受到留難..
而係之後的記載,開始有一些徵兆顯示一些人對耶穌事工的挑戰.
當我睇完馬太福音第10-12章呢幾章經文, 好快想起兩批人
1) 對主有錯誤期望的人
2) 不接受主既道的人
有D人之所以D人信主..
係因為覺得神好似黃大仙咁保你平安,
有人以為做基督徒就會冇苦難, 開開心心又一世..
當人對信仰的認識有偏差,
佢地自然會係逆境時拋棄神.. 覺得呢個神幫佢唔到,好流,etc…
當然,更多人怕既係主的道會影響佢地既利益..
點算好? 抗拒都可以有大把方法..
最好當然係努力曲解聖經啦..
依家唔一定需要趕盡殺絕基督教, 只要成功稀釋/曲解聖經已經ok
例如要宣傳順服掌權者/信耶穌只係等如做好人等等呢D觀念..
只要班基督徒被成功扭曲,咁就mission accomplished.
最麻煩的是,曲解與誤解其實是一體兩面的問題..
呢個世代信耶穌的最大挑戰未必係遭受迫害,
而係不明瞭聖經到底講咩.. 人地講咩就信咩..
依家資訊太多,聖經淪為眾多價值的一套,
判斷對錯變成大家觀點與角度不同,
以為聖經只是講緊要做好人等母親是女姓的顯淺道理..
再係咁,我地好快就會不戰而潰..
再次拿起釋經書,其實有D汗顏,
以前讀聖經,好自然會睇完就算,
唔會深入諗下點解作者要這樣記載..
只係讀左D字落肚,而好少去仔細思想..
帶查經,算係一個好好的機會比我去用認真mode睇聖經..
仲有15章要煲, 路漫漫其修遠..
沒有留言:
張貼留言