的士司機的信仰問題

難得坐的士，司機無啦啦同我講佔領中環。。
(事緣我趕時間去沙田浸信會,唯有坐的士.  ><)
佢問我點解牧師要趕參加社會運動既人出教會，乜唔係神愛世人咩？
之後佢又話唔明點解個牧師要咁聽個政權話，到底佢當神國子民既身份係咩。
個人覺得,其實佢問既野都幾尖銳, 
問緊教會在社會的角色,
另一條則有關神國子民身份與人在地上身份的衝突
 我冇諗過坐十分鐘車會遇到啲咁有意義的對話。。

邊個話普羅大眾唔留意教會在社會的動向？？
佢問既野其實好正路,但係我地又有冇去諗過呢D問題?
冇,又係因為咩原因?
想專注傳福音?不食人間煙火?
定係根本就冇諗過/冇動機去思考...
教會真係需要多多思考點樣回應一些社會的事呢,
未必有完美的想法, 但起碼我地需要開始去諗..