As a working adult..

 

是咁的，我終於有工返了。  (個標題我係擺明抄最忙好友的, XD)

 

呢咁多個月，我揾工揾到好頽，有一份工原以為手到拿來，

點知最後臨門一腳個boss有事做要另約時間。。

然後就再冇然後了。個下我真係好唔gur..

之後斷斷續續去見左好多唔同既工，出版社，

電子零件商，銀行，協會，珠寶商，皮革商，

長途電話公司，外資食品公司，

甚至官方機構我都有in過。

有時，我真係會懷疑自己係咪廢到冇人要。。

點解我搞左咁耐都好似冇乜轉機咁。

 

但係呢段日子卻又係我同神最為親密的時光。

我焗住要去面對真正的煩惱:

我是否真的相信神的應許會在人生每一個處境都臨到？

係同佢週旋既過程中，我都有好大掙扎。

由畢業後到依加，我去左好多地方，吹左好多場水，

同左好多不嬲都唔識唔熟既人打交道。

我諗左很多有關價值觀的事，

也被不少的經歷見聞衝擊我的想法及既有的觀感。

很多習以為常的東西被挑戰，

這的確是又爽又痛苦。

黎緊的日子，唔可以再用生活態度作為理由去自製dayoff,

唔可以訓到夠鐘睇都市閒情，

更加唔可以三點鐘都仲睇緊李秀妍同韓正宇既內心戲。

呢幾個月我實行緊一些計劃，

我希望工作唔會令我放棄這些微小但對我很有意義的東西。

我很想去完成一啲目標，去做一些我覺得值得投身去做的事。

我好想將來可以好自豪咁講:我打過那美好的仗了。。。

唔做既話我一定會後悔。

 

===================================

話咁快就番左幾日..

份工都幾有趣, 算係做比較另類既marketing..

我個人認為呢一行都幾有發展前景..

 

到底我應該留係度做幾耐??

我真係唔知..

希望做多兩個星期之後會有D頭緒吧..

BTW,呢度既番工時間真係好爽...

5 day + 朝九晚六準時走 = 正正正 !!!

 

不過返工之後個人真係成日都會覺得好攰..

仲未慣咁早起身.. 成四年都冇試過有咁regular既生活節奏..

 

係呢幾日, 發現左同家人相處既一D關口,

應該仲需要更多更多時間去面對自己的傷口吧..