Walking with a limp 3 : 掙扎

大約13個月之前,我開左這個blog,
我希望可以係呢度記下我的一些想法,一些感受.
成日有人問,點解要擺上網比人睇呢?
我想,這是因為我想朋友了解/知道我的想法吧..
搵人講野,很難.
要講天時地利人和.
寫係度就不同了,我可以隨時記低我的心情,我的意見.
(當場,而係因為我覺得寫係本薄度冇咁方便.)
我開始遇到一個問題,就係好難控制散佈意見的scope..
好多時我放條link係facebook,跟住親人朋友補習學生...全部都睇到晒..
然後又會有人叫我唔好XXX/YYY/ZZZ..
另外,最忙好友鼓勵我唔好成日咁灰..
我忍唔住句句駁佢..@@

walking with a limp,是指人生路上所經歷的掙扎.
這亦是我命名呢度既原因
這裡是一個我抒發自己的地方,
信仰,人生,時事,總之想講咩就講咩.
(不過好明顯我多數都會打特定某幾個題目...)
我渴望透過文字流露我的掙扎,我的煩惱,我的一切.
我唔否認用字/行文風格上我係會傾向負面的.
可唔可以咁講,寫得灰唔代表我冇盼望?

我最近看詩篇的一些章節,
作者描寫的世界充滿黑暗,週遭全是惡人.
但在詩歌的尾段,他們卻會宣告神的臨在.
我想,這亦是目前的我既style吧.
我一向唔信人應該只用正向思考的,
人的情緒有咁多種,為何我不能展現負面的?
掙扎,怎會不扎心?
歡喜地迎接掙扎? 我唔識囉..
掙扎,唔等如看不到盼望.
掙扎,是因為唔想放手,但又知神想我放手..

不過,我都發覺自己比較少講感恩事項既..
唔講,唔係冇,而係我唔鐘意同大圍講姐..
我感恩,成日遇到對我好好的家長&小朋友.
令我的補習生活充滿美食及笑話
我感恩,有好信任我的朋友.
使我可以細聲講大聲笑.
我感恩,有錫我的屋企人/家人
會成日記住我.關心我...
(下刪幾百字..今日唔係想分享感恩..)

阿秉講得岩既,我是一個情感濃烈的人,
未必個個都會明白我點解會咁..
所以,我係會繼續係度散播我既情感的,HAHAHA
每次睇番自己寫既野,我都會看到一點神出手改變我的痕跡..
我希望,呢度能記下我成長路上的回憶~