無效的聆聽 2

好耐以前,我已經在想有關溝通的事..

我留意到一件事,就係好多人都係假設人係理性地去溝通,

事實上,人大部份的溝通都會涉及情緒.

亦即係話大部份的對話都會受情緒的正面/負面影響.

說話的時候,如果忽略了情緒的表達,註定了那次的溝通將會失效.

即使說話的論點幾正都好,都係冇用.

因為--- 對方聽唔入耳.

 

講起溝通&聆聽,我忍唔住睇下到底耶穌係點同人溝通的..

我參考左幾個故事

1. 撒瑪利亞婦人的故事(約翰福音四5-29)
2. 犯姦淫的婦人(約翰福音八1-11)
3. 坐在耶穌的左右 (馬太福音二十20-28)

我留意到耶穌係呢三個故事中都展現出佢點去溝通.

在經文中,我留意到佢會在意對方的情緒..

如西庇太的兩個兒子雅各和約翰問左一個咁令人激氣既問題,

耶穌冇罵佢地一餐,佢反而從另一個角度去讓門徒知道自己的心意..

又例如在犯姦淫的婦人這件事中,佢有去考慮那女人的心情,

故選擇用提醒的方式去叫她不要再犯罪..

 

我諗,真正的溝通,就是要了解說話背後的真正意思..

肢體語言,情緒等等,都會流露人的心意..

亦都可以咁講,真正的溝通是極為耗用精神的.

因為要全神貫注於段對話中.

記得有次傾電話,對方一路睇facebook一路同我傾.

結果我是但搵左個理由cut佢線..

如果你都唔重視段溝通,咁不如唔好講..

 

每次溝通,其實都係一次交流.

可以係言談間了解對方的心聲.

相比文字的交流,我更喜歡對話

冇錯,文字的對話質量係比較高..(條件係大家的文字功力足夠..)

不過,文字亦抹掉了當事人的情感.

如果不是學術需要,我覺得都係面對面溝通比較好..

因為我可以從中看到更多...更多文字表達唔到既野.

 

列根被稱為The great communicator,

我在想,到底要花多少心力&時間,

先可以做到呢個境界?

花心思建立溝通的氣氛,培養互信,理解對方..

真係諗起都覺得好難..@@

 

---------------

RE chai

你講得岩.

個體好易搵,群體就比較難..

我一向都係期望牧養組可以發揮這個功能既..