YRC 2017

好耐冇試過去四日三夜camp，今日仲係好攰＞＜ 今次係我第一次去學傳既營會，想分享幾個個人反省。｛頭盔Mode:由於我已經畢左業，所以有時會難以代入某D基於大學生經歷而設計既活動……｝

1）對營會的感想
見到黎自五湖四海既弟兄姊妹都願意一齊向神委身，個種感覺的確係好正。仲讀緊大專／大學既弟兄姊妹要好好珍惜在學校的時光，努力跟隨上帝＆尋找事奉方向呀！不過對我來說，呢種「熱血」既感覺並沒有想像中咁大。一方面係因為我早已計劃左未來數年既成長方向，另一方面係因為自己已經係一個職青，唔會咁輕易被一些口號影響自己。另外我覺得有一樣好值得講既野，就係營會入面既祈禱氣氛。當聽到幾百人一齊為神既國度／校園／世界去祈禱，的確會好被激勵。希望黎緊有多d時間同教會既弟兄姊妹一齊祈禱啦～～

2）小組分享
一個常常帶組既人有一個問題，就係會不知不覺間變得唔鐘意分享自己既心事以及開口埋口都係「鼓勵你xxx」／「挑戰你yyy」。所以是次營會我刻意唔想開帶組mode，想講多少少自己正在思考既野同埋掙扎。感恩遇到好好既組長＆組員，可以分享一d自己諗緊既野同埋聽下大家係職場／教會既處境，大家既分享讓我有一份盼望，就係職青除左分享「返工好攰」呢個永恆既話題之外，其實都可以分享深入既個人想法＆對信仰既反思。期待係往後既日子繼續聽到大家既深入分享呢。

3）呼召
其實我係好怕大型活動入面既呼召環節的。如陳韋安所言，這樣的聚會大概去一次就足夠了。感動，感動一次就夠了。我17／18歲曾經在培靈會舉手回應呼召。此後我一直冇忘記呢個承諾，一步一步咁努力回應當初的呼召。是次牧師呼召提醒了我要係中神努力完成餘下的學業＆努力研經，在學習過程中等待神向我說話。當讀既書甚多，當反思既東西更多，黎緊真係唔可以偷懶呢！（BTW，我仲諗緊應唔應該讀埋MCS……）