我的中神延伸課程 1 : 緣起

 

今年開始左讀中神的延伸課程.

呢個係我畢業後的其中一個計劃.

 

一直以黎,自己都有上course的習慣..

上既原因除左係想學多D野之外,

亦因為自己比較懶,需要D逼迫先有動力  =.=''

係跟不同傳道同工學習的過程中,自己都學到唔少野..

(最難忘的一定係王木的輔導course~)

 

年頭被一對夫婦鼓勵參加了獻身營,

返黎之後萌生了去中神上course的念頭,

我想用七年ko左其中一張證書呢..

 

第一個course係楊醫教的,講創造觀與人生意義

楊醫讓我從另一角度去看待創世記

唔係講進化、環保 , 而係上帝的創造&其對我們生活的期望

點知過左一個月之後佢就退休><

 

今日開始左上院長教的以賽亞書,

聽到我呆晒.. 完全冇諗過可以用咁樣既角度去睇呢卷書,

為左準備呢個course, 我特登買左本查經書,

D內容睇到我好痛苦,

只能夠片面地理解到經文的一點意思.

聽書都未係最難,

份功課係寫對課程內容的個人見解,

真係諗起都頭痛….

 

上解經course同睇相關書籍最吸引我既地方係嘗試做O&I,

唔係抽一句經文然後無限個人發揮,

而係真真正正從結構,當時處境等去理段經文,

我幾擔心依家既人"拎句經文當令箭"

之前的一句順服掌權者已經夠玩死人,

我想擺脫呢個情況..