不可或缺的教會 4 : 從初期教會反思小組 II

 

那時，門徒增多，有說希臘話的猶太人向希伯來人發怨言，因為在天天的供給上忽略了他們的寡婦。十二使徒叫眾門徒來，對他們說：“我們撇下　神的道去管理飯食，原是不合宜的。所以，弟兄們，當從你們中間選出七個有好名聲、被聖靈充滿、智慧充足的人，我們就派他們管理這事。但我們要專心以祈禱傳道為事。”大眾都喜悅這話，就揀選了司提反，乃是大有信心、聖靈充滿的人；又揀選腓利、伯羅哥羅、尼迦挪、提門、巴米拿，並進猶太教的安提阿人尼哥拉，叫他們站在使徒面前。使徒禱告了，就按手在他們頭上。

打埋呢篇之後,應該會寫另一本書的感想了~

呢一段經文,對服侍者而言有好大既提醒.

 

服侍者無論幾努力都好,總會發現自己能力有限..

佢地好易會有個感覺, 就係樣樣野都關佢地事..

A君的學業,B先生的感情,C小姐的工作,D太太的家庭...

事實係,根本冇可能滿足晒所有人既要求.

就算識分身術都冇用..

 

門徒後來醒悟了,佢地被召並不只是單單照顧人的生理需要 (管理飯食),

佢地係為左傳福音而聚埋一齊,依家丟下召命去管理飯食是本末倒置.

信徒的生理需要係重要,不過不應該是事工的首要目標..

祈禱&傳福音先係佢地應該集中精力去做既事..

所以最終佢地委派願意承擔的人去負責呢件事..

 

睇完呢段經文,我有一些反思..

作為組長,有好多事情可以做..

做Admin野,關心組員,預備開組,搞活動,帶查經做栽培.......

唔會冇野做,最怕你唔做..

但係聖經並唔係叫領袖只顧做做做.

 

聖經表示領袖應該多祈禱多傳道,我會集中講禱告呢一部份..

當我們常常覺得為小組做多D事就等如好,

我地會否和初代使徒一樣犯相同既錯?

上帝提醒我們應該花多點時間去祈禱,而唔係掛住去做..

亦即係話神認為多D祈禱比掛住做更能完成佢交代的使命..

 

如果呢個解讀冇錯的話,我想我應該好好分配我的時間..

一直以黎,我都比較重視與組員相處/用不同方式聯繫..

但呢段經文卻提醒我較重要的是禱告..

我諗我應該重新諗諗時間既擺位..

 

到最後,當然要提一提呢本書既一些建議啦..

1)教會的活動應該有連貫的目的,而唔係為搞活動而搞活動..

目的,當然係完成大使命..

 

2)教會應該深化成員對神的道的認識,拒絕將聖經簡單化/避開扎心的課題.

 

3)教會對成員應該有高的期望,要求他們高度委身

(上次係另一篇文解釋左呢個point)

 

4)教會應致力推動所有成員參與屬靈事務,如宣教及事奉,

這些事不應該只由部份人肩負

 

我諗呢D建議,都可以係我們走下去的好方法..

認為信仰不可或缺,係因為認清上帝的道,愛&恩典.

而教會應盡其所能帶領會眾達到此目標..

這樣,教會才算是實踐了耶穌的指示..