期待已久的回信與M型關係

 

四年前,曾經寫了一封很長很長的信給一個人.

個時的我,唔知點解會咁有心機寫幾千字比人..

話咁快就過左咁耐,我終於收到回信了..

 

當初寫完呢封信,萬分期待收信的朋友會回覆.

點知...冇.

我諗個時的我應該係幾唔開心..

因為心中很渴望收到回應..

到現在終於收到回音,真的是百感交集呢..

 

新先生曾經同我講過我份人情感深厚,

唔係太多人可以頂到我呢隻風格..

佢講完之後,我諗左一陣點解我會咁渴望有深入的關係..

倒過來問,就是為何別人不會有我的想法/渴望?

係唔係我在關係上比較貪心?

 

最近的日子,唔知係什麼原因,

我好似冇之前咁渴望擁有更多深入的關係..

反倒比以往更需要獨處的時間..

看的東西,多了;想說的話,少了.

越來越不想說內心收藏的東西..

閒聊,反倒多了不少.

只有夜幕來臨的時候,才會願意與知己談及自己的感受..

一方面,我好像變得比以往更talkative,

一方面,我又好像比以前更封閉自己..

唔係話唔享受同人傾計,

只不過發覺真誠的對話空間越來越少,

時間,地點,人物,角色,都成為影響的因素..

障礙,好像在不知不覺間增加了不少呢..

 

想多一點,或者這可稱為M型現象..(借住大前研一既用語用住先XD)

深交/願意對話深入的,談得更深入,

喜歡閒聊的,繼續閒聊..

而交情處於中游位置的,則向深入/閒聊流動..

中層則漸漸消失.

 

到底點解會咁?我想是因為高不成低不就吧..

以前彼此的空間比較多,

反而會存在比較多唔係超熟,又唔係冇計傾的關係..

間中同你交心的關係好似容易D出現..

依家,成日有種感覺係,驚會阻住人..

msg,網上對話等依舊有,

對話/見面則變得買少見少了..

時間,未必沒有

只是唔知點解撥電話打比人漸漸變成難以啟齒的事情..

 

面對此境況,我也不知應該如何面對呢..

其實,我是有能力去嘗試改變的..

To be, or not to be??