暑期班 1: 吾之心願

講左咁耐的暑期班終於開始左幾天了..
今次呢班小朋友都幾乖同幾精靈~ HAHA
能夠同佢地一齊係接下來的幾個星期相處,真好.

呢次搞暑期班,我係抱有很大期望的..
我唔知將來工作後會有咩方向/打算.
故我想在能夠話事既時空中做想做的事.
今次參與呢個服侍,可以話係了結左我的一個心願..
之前一直有想過不同第一份工作去NGO度做..
不過思前想後之後,發覺呢個想法未必太合乎現實,
所以決定放棄..
而今次,可以話係圓夢的一個機會..


教養孩童,一直是我的心願,也是我召命的方向..
呢7,8年黎,我有唔少機會去接觸小孩子..
係兒童之家做義工,補習,教會的暑期班等等..
係每一次的相處中,我都更堅定我的信念,
就是想將好的價值教給一班細路,
盡我的能力去照顧佢地..

係預備的過程中,其實都有不少徬徨的時間.
既擔心唔夠參加者,也怕冇人願意抽時間幫手..
不過,感恩最後能夠順利開得成班,
可以同一班好好的partner一齊去服侍~
平時真的沒有機會去認識呢幾個弟兄姊妹呢,
呢一個月係一個很棒的機會~

黎緊呢幾個星期,我地會出去參觀/打波,
也會整手工,玩唔同既game..
望住班小朋友的笑容,我發覺一切的付出都是值得的.
或者我們的預備有不足的地方,
但我發覺,在我眼中沒有太大意義的東西,
往往是他們所重視的..
佢地要的,是哥哥姐姐陪佢地估下謎語,同佢地玩下uno..
我不禁想,是我長大後思想複雜了,還是他們的想法太天真?
孩子,有時也是我的導師,
提醒住我人的價值到底是什麼.
不是金錢,物質呢D中環價值所鼓吹的事物..
而是關係&愛..


真期待明天呢,又可以同佢地一齊玩一日~~