行山隨想 : 入肉的信仰

上次自己去左行南丫島,今次有人陪我行愉景灣XD
雖然今日冇查經，不過有機會嘗試於生命見證中apply馬太福音。
在行山過程中，分享了自己點在以往的日子經歷神。
我發現，信仰的深度是會隨住分享而進深的，
一路講，對某些經文會有新的 interpretation.
不得不在神的話語前俯首稱臣。。

尋日的話題係耶穌會垂聽禱告，
我分享了他在我信仰跌入低谷時怎樣使我再度重新站起來，
令我重新拾回失掉的福音。
一路講，提起耶穌說的兩種根基，
又令我再思想多一點點點解信仰入肉..

入肉係因為信仰直指我們的核心價值，
我地點去持守信仰，就會有點既結果。
入肉的信仰迫使我們正視人生的價值和未來的方向。
面對人生關口，我地一定要選擇，到底係跟神定跟自己。
點解有些初信的人會成長得咁快？
因為他們毫無保留地選擇跟隨上帝，奉行佢既旨意。
這種態度，令他們有大量機會去經歷恩典與祝福。
他們在過程中會發現,神所講的道路才是最好的.

相對而言，我係唔多識感恩的，
由細到大，太多野係垂手可得了。。好多事都係順風順水..
我好容易會將這些東西視為理所當然，而非神之預備。。
如非神在高中使我明白感恩呢樣野，
我既信仰都會係一個虛浮的信仰--有同冇好似冇咩分別。
虛浮的信仰，看不到神的同在，
公式化的信仰行為使他們的生命同普通人冇分別。

查經查左一個暑假，我睇到組員的生命有何分別。
他們演繹了什麼是忠心跟隨神。
由於渴望明白信仰更多，所以願意花時間去學習聖經，背金句，禱告， etc。。
這份追求的心，我真係好欣賞。。
咁多年來，我都希望在暑假做栽培的工作，可惜只係做左好少。。
原因係無人得閒。。
而他們，花了三個多月去查考聖經&接受栽培。。
點到我唔佩服？！

有時我會想，如果唔係要預備材料，我會唔會係呢個暑假咁追求神。
You complete me --教導與受教的互動，令我想起呢句對白。
願意服侍，才明白先付出後得著恩典這個教訓。
呢段經歷，使我服侍的圖畫又豐富了一點。
跌跌撞撞-->逐漸成長-->遭遇挫折-->肯定召命，
以上四句總結左我既組長服侍。
暑假既種種經歷&學習,令我再度有考慮是否讀神學的念頭，
今次，要認真求問了。。
之前，仲可以話年少無知得個講字，
依加，要入認真mode la. .
我唔要為做而做。
如果神允許，我想大約30歲決定會否行這條服侍之路。
我想趁年輕為神做更多事。
呢幾年，要好好裝備了。
Andy.  話聯差會12月有一個去日本的短宣。
之前一直話唔去短宣。。。住。
不過，今次似乎我應該去一去,
唯一擔心的，是極大可能會撞考試時間...