細細個睇卡通片時有個問題，就係點解超人用十字死光殺唔死隻怪獸之後成個人好似hang 左機咁。咋天，我想我明白了。我擁抱"不割蓆、不譴責、不篤灰" ，但與此同時我亦是一個信奉和理非既人。我願意「放核彈都唔割蓆」，但我唔會做衝既一員，我仍有我所信奉既原則。
昨天我決定左唔返公司，選擇去黃大仙集會，我心裡仍然存在萬分之一既希望，期待政府會聆聽市民既五大訴求。結果朝早唔夠十一點，政府已經話比全世界聽你做咩講乜都係晒氣，佢打算繼續以武力解決一個政治問題 (ps 我諗政府應該冇睇過Clausewitz既戰爭論，不如花少少時間理解下何謂"軍事乃政治之延續"?)。而當我下午去到黃大仙集會，迎接我既係十幾發催淚彈。係聽到槍聲個一下，我心知道一部分和理非必定會轉而擁抱更激烈既行動方針。而係返到屋企個一刻，我覺得好攰好攰--唔係肉體上攰，而係出埋大絕都冇用個種沮喪既感受。個一下我終於明白超人既感受了。
若果參照返法國大革命同埋英國與愛爾蘭開片呢兩段歷史，我相信雙方只會爭相用更高既武力，務求壓倒對方，迫使對方屈服。亦即係話仇恨只會在兩方滋生，直到一方敗亡為止。作為反對逃犯條例而又不願意運用武力既一員，到底何去何從？當然，我絕對想好似何女士咁幫手送頭。。。
是日懷住一顆疲憊的心去陪小朋友玩。係玩既過程中佢問左一個問題：「我地咁樣畫做唔做到好似電視度個個效果架？」個下我無啦啦回左佢一句「唔知得唔得架，要做左先知。唔得咪再黎過囉」。講完個下我自己都呆左。是的，基督信仰所宣講的，是叫上帝子民懷住盼望活於看似絕望既世界：even 我會死，我仍相信我既神會為我執行Ga'al既職份，不昔一切為其至親出頭。那麼，這份盼望能幫忙我渡過這個處境嗎？這份盼望能助我回復鬥志嗎？我也不確定，但我希望可以...願全地的主察看世事，垂聽世人的祈禱與地的哀告，願主教導我們該怎樣繼續持守祂的教導，在這世代作當作的事。
#願我不忘世間事
#願我記念世間痛
沒有留言:
張貼留言