持續了四年的摔跤

早一個星期小組查經提及雅各,
他的一生雖有充足的恩典, (老婆仔女牛羊,財產等..)
但他卻一直看不到/看輕神一直以來的祝福..
(詳情請看呢篇分享~)

其實我同雅各都有一D地方幾似..
回望呢幾年大專大學生活,就會見到神點樣照顧我.
只是,我常常都會扮睇唔到..

仲記得A-Level考試之前個晚,
我係禱告中哭了出來..
我好擔心自己的前路同埋經濟狀況..
這份憂心,影響左我好耐好耐..

考完公開試之後,我冇入jupas派比我的high-dip.
我決定左做商科人..
係讀Asso時,有一個好貼身的問題要面對: 生活費何來?
個時諗住做補習老師搵食
點知上補習網睇,個個都係讀神科/3大/幾條A.
我完全灰到爆.. 競爭咁大,我點算好?

就係呢個時候,有幾份補習突然向我招手..
"你有冇興趣補? 我信得過你.."
就係咁, 我可以用自己能力去搵錢駛..
我賺既錢唔算多,但係完全足夠我駛,仲可以買一D自己想要既野,如ipod touch..
同埋我有機會去一展抱負,嘗試以自己的方式教小朋友..
到依家都仲記得我同其中一個細路去花市學business theory..HAHA

雖然神係呢段時間好充足咁供應我既需要,
但係我仍然常常為住錢而憂愁..
我好擔心之後會點..
點知天父透過不同的方式提醒我要投資在永恆,
而不是於身外物..
個一個月,篇篇講道個個崇拜都係同我講緊同一個message..
完全屈左我機... =.=''

除此之外,神亦比我有得繼續讀書..
係sem 4報degree個段時間,我無啦啦抽獎中左一部電腦.
呢件事我一直都覺得擺明係恩典啦.好似係為左比我繼續讀書有電腦用似的..
報名時,我只係報左一個top up, 點知就比我入到黎..
之前小同同我講話speed呢度好難入,
但係唔知點解我一in 完就有個感覺我一定入到..
而最後又真係比我入到..

到Asso結束, 我又面臨要搵新補習既煩惱.
點知D補習係自動走黎搵我..
我花左好少時間就搵到幾份..
有D係人地介紹,有一個係agent主動搵我..
無一例外的是,D家長都對我好好..
相比起其他人遇到的直昇機家長,我簡直係幸福到爆..

呢幾年,我買左三部android/iOS device. 去左四次旅行,
依家睇番,如果唔係神的供應,我根本唔會有呢D享樂..
當我向佢求物質供應,
佢唔單止滿足我既既呼求, 仲令我知道我應該追求的是什麼..
不應該只是物質生活,而是更大的........

在幾個sem break中,我參與了教會的服侍-- 暑期班.
(當然,RSS亦都係令我啟蒙的重要原因 :D)
係過程中,我明白到信仰並不只是關乎個人品行,
還需要落地----與現實生活接軌..
當反思自己第時應該點行時,
我清楚知道我的信仰與社關應該分唔開..

回望呢四年, 我每一刻都為左錢煩..
但係神每一刻都話比我知佢有充足供應..
唔會太有米,也不會窮到爆..
而神更令我知道自己應該點樣行落去..
唔止係定睛於賺錢,而是定睛於永恆..

之後點行? 我有D唔明白..
仍然有條刺影響緊我..