夜深談信仰

 

尋晚無啦啦收到一位會叫我全名的好朋友打黎..

佢竟然係搵我傾信仰..

好耐冇見,估唔到佢會打黎..

十幾年啦, 我地傾得最多的往往都係信仰.

而信仰的價值一路都影響緊我地..

談話,就在夜深的時候再次開始.

 

今次傾計, 好明顯聽得出大家的想法唔同左好多..

唔關讀什麼學科事,而係大家點睇事物既角度唔同左好多..

我們整晚都在探討以下的話題 :

"信仰是否為人的生活帶來束縛?"

婚前性行為,十一奉獻,行事為人的取態等等,

都是我們討論的topic..

 

好友覺得基督教的價值好唔合理,

佢覺得D規條非常harsh, 令到人冇晒自由.

而我並不同意, 試圖用我的角度去詮釋基督教的價值..

神頒佈咁多律例典章既最終目的並唔係要令人冇晒自由.

佢係想指出佢認為最好的生活方式係點.

律例典章係一個參考,背後的精神才是重點..

法利賽人跟足晒D規條, 但係耶穌照樣罵佢地不體貼神的意思.

我既理解係,神希望我地去過一個美好的人生,

故預先講定咩係好既野, 唔希望我地會行歪路..

但係大多數人並不接受呢一套.

佢地反而支持弱肉強食,享樂至上…  等等.

如果能在唔犯法的情況下賺到盡, 點解唔做?

點解要跟耶穌個套?

 

此外,性行為亦是我們另一討論的重點.

如果兩個人拍拖十年,已經視對方作終身伴侶. 點解唔可以上床?

到底一紙婚書的重要性在哪裡?

性點解一定要係婚姻之內先可以進行?

神又點解比人有性慾但又話不可對女人有淫念, 男人好易中招姐..

對於以上的問題, 我都覺得好難回應...

對我而言, 婚姻是一個承諾,對神對人宣告伴侶會努力去與對方共行,

面對人生的各項挑戰, 直到見主面 / 死亡的一日.

婚書並不重要, 重要的是那份公開的承諾..

而性係兩個人最親密最毫無保留的接觸,

同接吻拖手擁抱不同, 那是一種靈與慾並行的接觸..

並唔係一種玩玩下的玩意.. 所以必須到婚姻後才可進行..

老實說,我對性呢個話題真係一知半解..

我明白當中的吸引力, 但不太明白信仰與性的關係..

今次的談話,迫使我去認真反思..

 

今次再度談及上述的話題, 好友說我成熟了..

話以前的我會一刀切咁睇事物,

唔會好似依家咁用多D角度思考...

我真係完全冇為意.. ><

乜以前既我睇野真係咁絕對化  ?!

 

最後,好友都沒有接受我所講的一套..

佢話信仰的道理佢知道, 但實在沒法去接受..

因為佢覺得依家既生活已經夠好,

唔想再有新的束縛..

雖然我唔太開心,但我明白的.

表面看來,信仰的吸引力的確唔夠社會的一套吸引..

三小時的一席話實在冇可能即時改變到人的信念..

 

今次的對話帶比我一D衝擊,

因為昔日的好友令我看到不跟隨神的生活有幾唔同..

我地都出身於基督教小學,

但最後我們選擇的路並不相同..

同埋我睇到對話實在很需要熟悉社會的一些想法&信仰的睇法,

否則人地都唔會想同你傾落去..

日天有一個point是非常對的,

就係信徒真係好需要從理性的角度去理解信仰..

而非下下都係用有感動去同人講信仰..

感動是好的, 但確據同樣重要..

 

點都好, 都希望佢有一日會返返教會啦~~