新的政府,新一頁的統治

2012年3月,香港誕生了新一任的特首.
我對此是有點悲觀的.
粱先生,會係一個點的領導者?
我會用以下的說話答你:
"有一隻金色翅膀的鳥在香港上空盤旋，然後係會展對出的馬路前面跌左落黎。"
呢句表達左我最真心的想法.

官商勾結,早已是現在進行式.
政策的傾斜,造就左一個又一個的大公司.
與此同時,北方(或其代理人)的干預比以往更多更明顯..
五十年不變已成為了一個笑話..
而香港僅有的法治,也受到越來越多的人為介入 (如選擇性執法)

身處這樣的環境中,實在會有很多問號在心中.
我睇番之前打既文章,原來我都打左唔少..
(行公義,順服掌權者等)
前幾日睇facebook,見到一段對話.
有弟兄話會多D為新特首祈禱,望神會改變佢
而有人回應話多得佢呢種人唔少,咁既回應等如縱容其行為..
我冇係個度覆,不過我是有想法的.

有時睇舊約先知書,都會諗到底基督徒係咪應該在地上做多D事..
但呢一兩年聽/睇左一D資料,我的想法有D唔同左.
歷世歷代,都有人試圖為神去在地上建立天國..如十字軍時代的教會,
可以從歷史見到,人的意志亦不符合神的心意.
耶穌絕對有能力統治整個以色列.甚至全世界.但他沒有咁做.
為什麼? 我也不知道..
如果連人子在世時都沒有動手去改變整個政治現狀,
咁人又有咩理由去代神建立政權?

我並唔係話教會/基督徒係地上沒有責任..
我想其中一樣我們要做的是要與掌權者保持一定的距離..
教會其中一樣必須要做的,是指出地上的不公義..
我們應該向在位者發聲,提醒他們什麼是應做的事.
教會不應該太過靠攏在位者,什至為佢塗脂抹粉..

基督徒同其他人有一分別,就是清楚誰才是最終的掌權者..
或者現況是令人沮喪/不滿,但我們深信主會報應那行惡之人..
我們要做的,就是行兩大命令..

雖則我係咁打,但係我都有不少掙扎的..
係呢幾年,我對社會的事係非常不滿的.
我都會期望民主,想香港有更美好的將來.
咁即係點? 我都答唔到..
我可肯定的,是我們不能政治冷感..
二戰時有一位牧師在經歷慘痛教訓後寫下一段話.
每次睇都會令我反省..

起初，他們捉共產黨員，我不說話，因為我不是共產黨員；
後來，他們捉工會會員，我不說話，因為我沒有參加工會；
後來，他們捉猶太人，  我不說話，因為我是日耳曼人；
後來，他們捉天主教徒，我還是不說話，因為我是新教徒；
最後，等到他們來捉我時，已經沒有人能為我說話了..

唉.香港遲D會變成點?
我真係好擔心..
我怕,有一天我要用vpn破開gfw上google…
我怕我以後會聽到別人說人應該絕對服從黨的命令..